Dagblaðið Vísir - DV - 04.01.2012, Page 8

8 Fréttir 4. janúar 2012 Miðvikudagur
Gegnsærri lóðaúthlutun
n Kópavogur bregst við dómi Hæstaréttar
A
rna Schram, upplýsingafulltrúi
Kópavogsbæjar, segir að reglur
bæjarins um úthlutun á bygg-
ingarétti fyrir íbúðarhúsnæði
vera mun skýrari nú og ótvíræðari en
þær voru árið 2005 þegar umdeildar
lóðaúthlutanir við götuna Kópavogs-
bakka fóru fram. DV fjallaði á dögun-
um um lóðaúthlutanir bæjarins, en
Hæstiréttur Íslands, dæmdi hjónum
skaðabætur eftir að hafa komist að
þeirri niðurstöðu að aðferðir Kópa-
vogsbæjar við lóðaúthlutanir í tilfelli
hjónanna hafi verið ólöglegar. Hæsti-
réttur taldi að bærinn hefði ólöglega
og freklega mismunað umsækjend-
um. Arna segir að þau ágreiningsatriði
sem tekist var á um fyrir Hæstarétti frá
því fyrir jól ættu ekki ekki að rísa aftur.
Guðríður Arnardóttir, formað-
ur bæjarráðs Kópavogs, tekur í sama
streng. „Vinnubrögð við lóðaúthlut-
anir í Kópavogi hafa harðlega verið
gagnrýnd á undanförnum árum og
hafa þær meðal annars verið taldar
ólögmætar í þeim tilfellum sem um-
sækjendur hafa óskað álits innan-
ríkisráðuneytisins, áður félagsmála-
ráðuneytisins, eða dómstóla,“ segir
Guðríður.
Bærinn bendir á að úthlutunar-
reglum bæjarins hafi í tvígang verið
breytt frá árinu 2005 og gerðar skýr-
ari og gegnsærri. Síðustu breytingar á
reglunum voru samþykktar 11. októ-
ber í fyrra. Ef umsækjendur um lóð
eru fleiri en einn skal nú dregið á milli
þeirra sem uppfylla skilyrði um fjár-
hagsstöðu og hafa ekki fengið úthlut-
un á síðustu tíu árum. Þá hefur bær-
inn afnumið það ákvæði að pólitískt
kjörnir bæjarráðsfulltrúar meti um-
sækjendur út frá fjölskylduaðstæðum,
búsetu og fjárhags- og húsnæðisað-
stöðu, en það var meðal annars tekist
á um það fyrir Hæstarétti.
Nú er það í höndum framkvæmda-
ráðs bæjarins í stað bæjarráðs, að aug-
lýsa byggingarétt á lóðum, annast af-
greiðslu umsókna og gera tillögu til
bæjarstjórnar um úthlutun.
„Umsækjendur um lóðir í Kópa-
vogi geta nú treyst því að umsóknir
þeirra verða metnar faglega og mál-
efnalega,“ segir Guðríður.
valgeir@dv.is
Guðríður Arnardóttir Segir að Kópavogsbær hafi breytt reglum um lóðaúthlutanir til að
gera þær gegnsærri.
„Ella hefði ég
sagt af mér“
„Já, það mun ég gera enda sit ég
sem ráðherra í ríkisstjórninni. Ella
hefði ég sagt af mér,“ segir Ög-
mundur Jónasson innanríkisráð-
herra í svari við fyrirspurn lesanda
á vefsíðu sinni á mánudag. Var
Ögmundur spurður að því hvort
hann hyggist styðja ríkisstjórnina
eftir að Jóni Bjarnasyni var „bolað
í burtu“ eins og lesandinn orðar
það. Tekur Ögmundur af öll tví-
mæli um hvort hann styðji stjórn-
ina í gegnum súrt og sætt eða ekki.
Ögmundur lýsti því yfir
á Beinni línu DV þann 29. nóvem-
ber að hart væri sótt að Jóni
Bjarnasyni en lýsti þó yfir fullum
stuðningi við hann og ríkis-
stjórnina. Í svari sínu á heima-
síðunni, ogmundur.is, segir ráð-
herrann enn fremur:
„Ég mun framvegis sem hingað
til berjast fyrir mínum baráttu-
markmiðum, og í ríkisstjórn hef
ég betri tök á því en utan stjórnar.
Það er mitt mat.“
Reyktu kannabis
á bílastæði
Lögreglan á höfuðborgarsvæðinu
hafði í tvígang afskipti af ungu fólki
sem neytti fíkniefna í alfaraleið í
Reykjavík aðfaranótt þriðjudags.
Í fyrra skiptið kom lögreglan að
bílastæði í vesturbæ borgarinnar
þar sem fjórir aðilar, fæddir 1991 og
1993, reyktu kannabis.
Síðar í austurbæ Reykjavíkur
hafði lögreglan afskipti af tveim-
ur aðilum, fæddum 1992 og 1995,
á bílastæði þar sem þeir reyktu
kannabis.
Í dagbók lögreglu segir einnig
frá því að aðfaranótt þriðjudags
hafi orðið bílvelta á gatnamótum
Suðurlandsbrautar og Kringlumýr-
arbrautar.
Ökumaður bifreiðarinnar slas-
aðist á handlegg við veltuna og ætl-
aði að koma sér sjálfur á slysadeild.
Bifreiðin sem var talsvert löskuð var
flutt af vettvangi með kranabíl en
götuviti skemmdist einnig í slysinu.
Slasaðist
í ökutíma
Sextán ára piltur var fluttur með
sjúkrabíl á slysadeild eftir tveggja
bíla árekstur á gatnamótum Bæjar-
háls og Stuðlaháls á nýársdag. Í til-
kynningu frá lögreglu kemur fram
að pilturinn, sem var í æfingaakstri
með leiðbeinanda, hafi ekið öðrum
bílnum en orsök slyssins er rakin
til þess að ungi maðurinn virti ekki
biðskyldu á áðurnefndum gatna-
mótum. Meiðsli hans voru talin
minniháttar.
Í tilkynningunni kemur enn
fremur fram að um það bil eitt um-
ferðarslys hafi orðið að meðaltali á
degi hverjum árið 2011 í umferð-
inni á höfuðborgarsvæðinu. Tölur
um fjölda slasaðra eða alvarleika
slysanna liggja ekki fyrir en ljóst er
að slasaðir eru nokkuð fleiri en fjöldi
slysa segir til um. Í öllum tilvikum
er um atvik að ræða þar sem veg-
farendur þurfa læknisaðstoðar við
í kjölfar umferðaróhapps. Meiðsli
þeirra eru meðal annars tognanir,
beinbrot, innvortis meiðsl, mænusk-
aðar og höfuðáverkar. Ljóst er því að
margir eiga um sárt að binda vegna
umferðarslysa.
H
ún Esther var alveg yndis-
leg. Hún hafði góðan og flott-
an persónuleika, en hún var
óheppin með mann,“ segir
Dagný Sigurðardóttir Karl-
sen, eldri systir Rögnu Estherar Sig-
urðardóttur sem ekki hefur heyrst frá
í 60 ár, eða nokkrum árum eftir að hún
fluttist með bandarískum eiginmanni
sínum til Portland í Oregon árið 1946.
Dagný, sem er 91 árs, er sjö árum eldri
en Ragna Esther og voru þær systur
mjög nánar. Dagný man eftir Rögnu
Esther hamingjusamri og fullri eftir-
væntingar fyrir lífinu sem hún hélt
að hún ætti fyrir höndum. Þær voru
mjög samrýmdar og Dagný óskar þess
heitt að komast að því hvað varð um
litlu systur sína en hún óttast að eig-
inmaður Estherar, Larry, hafi ráðið
henni bana.
Vill vita hvort hún hafi verið myrt
Larry misnotaði Esther og beitti
hana hrottalegu líkamlegu ofbeldi. Af
því sem vitað er um þeirra storma-
sama hjónaband og því ofsafengna
skapi sem Larry bjó yfir álíta margir
að hann hafi myrt hana. „Hann mis-
notaði hana og það er álitið að hann
hafi drepið hana. En við höfum engar
sannanir fyrir því ennþá. Við höfum
reynt að hafa uppi á henni síðan 1951
en án árangurs. Við erum þó búin að
finna son hennar, en dóttirin er dáin.
Það sem við viljum vita er hvort hann
hafi myrt hana,“ segir Dagný og þrátt
fyrir að meira en hálf öld sé liðin frá
hvarfi Estherar á Dagný enn erfitt með
að tala um örlög systur sinnar.
Börnin dagaði upp
Ragna Esther giftist Emerson Law-
rence Gavin, sem alltaf var kallaður
Larry, þann 4. janúar 1946, eða fyrir
66 árum upp á dag. Fjölskylda Rögnu
Estherar var ekki sátt við ráðahaginn
og bað Rögnu um að hugsa sig tvisvar
um áður en hún flutti til Bandaríkj-
anna. Ragna Esther var hins vegar
ung og ástfangin og sá fyrir sér bjarta
framtíð í nýju landi með manninum
sem hafði heillað hana upp úr skón-
um. Hún lofaði fjölskyldunni að hún
myndi skrifa henni reglulega.
Ragna Esther eignaðist tvö börn
með Larry og er annað þeirra, Robert,
enn á lífi, en Debra, sem var yngri, lést
árið 1999.
Þegar Ragna þurfti að leggjast inn
á sjúkrahús í tvær vikur eftir barsmíð-
ar Larry var börnunum komið fyrir á
Waverly Baby Home, sem var barna-
heimili fyrir munaðarlaus og vanrækt
börn. Þau áttu að vera vistuð þar, þar
til Esther væri búin að ná sér eftir bar-
smíðar Larry en hún þurfti líka að geta
sýnt fram á að hún gæti framfleytt
þeim. Esther fékk vinnu hjá The White
Stag Clothing Company og var með
íbúð með vinkonu sinni samkvæmt
dómskjölunum úr skilnaðarmáli Est-
herar og Larry. Vinkona hennar átti
að gæta barnanna á meðan Esther
var í vinnunni. Vinkona hennar vann
á næturnar en Esther á daginn. Hún
gætti í staðinn barna vinkonu sinnar
á næturnar.
Sorgleg örlög Debru
Larry var dæmdur til að greiða Esther
meðlög með börnunum sem hann
gerði aldrei. Börnin dagaði í raun uppi
á barnaheimilinu því Esther hvarf og
ekkert hefur spurst til hennar síðan.
Esther var því alltaf skráð með forræð-
ið og gaf aldrei sitt leyfi fyrir ættleið-
ingu barnanna.
Eins og áður hefur komið fram
voru Robert og Debra ættleidd af fjöl-
skyldu sem átti fyrir stúlku að nafni
Patti sem einnig var ættleidd. Patti
hefur nú stigið fram eftir fréttaum-
fjöllun um málið í Bandaríkjunum og
varpað frekara ljósi á örlög Debru en
fram að því var talið að hún hefði lát-
ist á sambýli. Raunin var sú að Debra
var sett í vist á heimili fyrir þroskaskert
börn og þaðan útskrifaðist hún um
tvítugt og átti mjög erfitt uppdráttar
eftir það. Hún giftist tvisvar og eign-
aðist barn sem lést rétt eftir fæðingu.
Á endanum varð hún heimilislaus og
lifði á götunni.
„EsthEr var
yndislEg“
Hanna Ólafsdóttir
blaðamaður skrifar hanna@dv.is
n Minnist Rögnu Estherar sem yndislegri manneskju n 91 árs systir hefur
aldrei gefist upp á leitinni n Dóttir Rögnu lést heimilislaus á götunni
Leitar svara Dagný Karlsen er sjö árum
eldri en Ragna Esther og voru þær systur
afar samrýmdar. MynD SKjáSKot Af RUV
Systkinin Robert og Debra, börn Rögnu Estherar, á heimili sínu eftir að þau voru ættleidd.
Glæsileg Rögnu Esther er lýst sem glæsi-
legri ungri konu sem var alltaf vel til fara.