Víkurfréttir - 21.12.2011, Blaðsíða 39

39VÍKURFRÉTTIR • MIÐVIKUdagUrInn 21. dESEMbEr 2011
Ég verð að viðurkenna eitt sem ég ætti að skammast mín fyrir
sem Keflvíkingur. Ég er ekkert ofsalega duglegur að mæta á
körfuboltaleiki. Það er að sjálfsögðu lélegt að vera stuðnings-
maður eins besta liðs landsins nánast frá því að ég fæddist og
hafa þá í bakgarðinum en mæta samt aldrei á leiki. Eins og ég
var duglegur að safna körfuboltamyndum þegar ég var yngri
og að spila hann í frímínútum. Ég kenni því um að þegar ég
flutti til Svíþjóðar í nokkur ár missti ég algjörlega tengslin
við körfuboltann. Það eru um 10 ár síðan og körfuboltinn þar
á þeim tíma fékk álíka mikla umfjöllun í fjölmiðlum eins og
íshokkí hér á landi.
Ég fylgist samt ágætlega með úr fjarska og sé flesta leik-
ina beint á textavarpinu til dæmis. Les svo oft umfjallanir
í blöðum og á netinu. Svo spjallar maður við hina og þessa
sérfræðinga þannig að ég veit svona í grófum dráttum hvað
er að gerast. Ég sá það meðal annars einhvers staðar að stór-
skyttan sjálf og félagi minn hann Maggi Gunnars var í banni
einhverja leiki fyrir eitthvað sem hann sagði. Ég veit svo sem
ekkert hvað það var sem hann sagði og ætla ekki að fara að
dæma um það hvort bannið eigi rétt á sér eða ekki. Mér var
samt sagt frá því að nú væru dómarar farnir að taka hart á
alls kyns látbragði og svekkelsi með dóma þótt svo að því sé
ekki endilega beint að dómaranum sjálfum. Menn eigi bara að
brosa í gegnum tárin sama á hverju gangi.
Það er ekki langt síðan að ég talaði um að íþróttir væru vett-
vangur tilfinninga og að það væri eitt af því sem gerði þær
jafn skemmtilegar og þær eru. Þess vegna finnst mér þetta
hljóma svolítið öfugsnúið að menn megi ekki tjá sig ef þeir eru
svekktir og óánægðir. Dómarar eiga alla mína virðingu fyrir
að hafa orku í að standa í því sem þeir gera en ef leikmenn fá
ekki að sýna tilfinningar þá verður leikurinn leiðinlegri. Ef
þetta er hins vegar það sem koma skal þá er ég með nokkrar
uppástungur um það hvernig er hægt að bæta leikinn enn
frekar.
Það má ekki fagna þegar skoruð er karfa, fagnaðarlætin eru
bara til þess gerð að nudda salti í sár andstæðinganna sem
líður nógu illa fyrir að hafa látið skora hjá sér. Þá má alls
ekki skora flautukörfu þar sem að við það brjótast nánast út
ósjálfráð fagnaðarlæti. Þá mætti alls ekki troða nema til að
skora sjálfskörfu því að troðsla hefur yfirleitt svipuð áhrif og
flautukarfa. Svo þegar þú ert búinn að troða boltanum í þína
eigin körfu má þjálfarinn svo alls ekki skamma þig því að öll-
um líður illa yfir að vera skammaðir.
Annars sagði ég það hér í upphafi að ég fylgist ekki nógu vel
með körfunni þannig að hvað veit ég. Ætla þess vegna að snúa
mér að því að skrifa jólakort sem að ég á að vera löngu búinn
með. Gleðileg jól!
útspark Ómar JÓhannsson
ÉG oG KörfuboLti
Ómar Jóhannsson, markvörður og
starfsmaður í Fríhöfninni sparkar
pennanum fram á ritvöllinn.
SENDUM SUÐURNESJAMÖNNUM
BESTU ÓSKIR UM
GLEÐILEG JÓL OG FARSÆLD Á NÝJU ÁRI
STARFSFÓLK BLÁA LÓNSINS HF.
„1989 – UPPHAFIÐ AÐ STÓRVELDINU“Mynd um fyrsta Íslandsmeistaratitil Keflavíkur karla í körfubolta.
Heimildarmynd eftir: Garðar Örn Arnarson
Kræsingar & kostakjör…
…um jólin
Heimildarmynd eftir
Garðar Örn Arnarson
útgáfudagur er föstudagurinn16.desember.
Þessi frábæri dvd diskur verður eingöngu
til sölu í nettó reykjanesbæ.
ÚtGefAndi
Sverrir Þór Sverrisson hef-ur boðað til fyrstu æfinga
sinna sem landsliðsþjálfari A-
landsliðs kvenna. Æfingarnar
hefjast milli jóla og nýárs og
eru upphafið að undirbúningi
fyrir Norðurlandamót kvenna
sem fram fer í Noregi í lok maí. Sverrir valdi 6 leikmenn frá liðunum í
Reykjanesbæ í hópinn að þessu sinni en þær eru: Birna Valgarðsdóttir,
Pálína Gunnlaugsdóttir, Helga Hallgrímsdóttir og Sara Rún Hinriks-
dóttir frá Keflavík. Petrúnella Skúladóttir og Salbjörg Sævarsdóttir eru
svo fulltrúar Njarðvíkinga.
Annars er það að frétta úr Iceland Express-deild kvenna að Keflavík og
Njarðvík tróna á toppi deildarinnar þegar haldið er í jólafrí. Keflvíkingar
eru efstir með 22 stig og Njarðvíkingar eru skammt undan með 20 stig.
Keflvíkingar sigruðu KR-inga með 55 stigum gegn 54 í síðustu umferð
og Njarðvíkingar unnu spennandi leik gegn Valsmönnum 85-83 að Hlíð-
arenda.
Hjá körlunum eru Grindvíkingar efstir liða en þeir hafa 16 stig eftir að
þeir sigruðu Snæfell í tvíframlengdum leik. Keflvíkingar eru í þriðja sæti
með 12 stig eftir tap gegn Stjörnunni í síðustu umferð. Njarðvíkingar
máttu einnig sætta sig við tap, og það á heimavelli gegn Fjölnismönnum í
æsispennandi leik. Njarðvíkingar eru með 8 stig í 8. sæti deildarinnar þar
fyrir ofan eru 4 lið með 10 stig.
Suðurnesja-
liðin inn í
nýja árið á
toppnum