Gerðir kirkjuþings - 2003, Qupperneq 102

Þingslit
Á þessu Kirkjuþingi sem nú er að Ijúka þá hafa verið lög fram tuttugu og fjögur mál.
Eitt þeirra hefur verið dregið til baka, en hin hafa hlotið umfjöllun og afgreiðsiu á
þinginu.
Góður undirbúningur og vönduð vinna nefnda hefur gert afgreiðslun mála auðveldari
og þinghaldið styttra, en áður hefur verið.
Ég þakka öllum fyrir ágætt samstarf við þingstörfin. Varaforsetum og skrifurum
þakka ég aðstoð þeirra og öllum fulltrúum og starfsliði Kirkjuþings flyt ég kærar
þakkir fyrir þessa ágætu samvinnu.
Þá vil ég þakka sóknamefnd og sóknarpresti Grensássóknar fyrir góðar móttökur og
rúmgott húsaskjól sem við höfum fengið hér afnot af eins og síðustu ár. Væntum við
þess að ffamhald verði á því á meðan Kirkjuþing óskar eftir og þarf á því að halda.
Mér finnst ánægjulegt nú að líta til baka og sjá hvemig störf Kirkjuþings og samstarfs
þess við aðrar stofnanir kirkjunnar hafa verið að þróast í rétta átt að undanfömu. Það
hefur m.a. gerst vegna þess að á sama tíma hefur Kirkjuráð og aðrar stofnanir
Þjóðkirkjunnar einnig verið að eflast og samhliða hefur þessi aukni styrkur ekki leitt
til þess að þær hafi fjarlægst hver aðra, heldur þvert á móti hafa þær verið að mynda
saman sífellt öflugri heild. Heild til að vinna af ffamgangi allra þeirra góðu verka sem
við viljum vinna að og við höfúm verið að gera. Þessi aukni styrkur Þjóðkirkjunnar
gerir það auðveldara að takast á við það mikla verkefni við áffamhaldandi vinnu að
stefnumótuninni og ffamkvæmd hennar sem bíður okkar næstu árin.
Við óskum okkur öllum velfamaðar í því mikla starfi.
Við þinglok óska ég fulltrúum góðrar heimferðar og heimkomu og við hittumst öll
heil á Kirkj'uþingi og með tilhlökkun að ári.
Kirkjuþingi árið 2003 er slitið.
100