Dagblaðið Vísir - DV - 08.02.2008, Qupperneq 23

DV Menning
FÖSTUDAGUR 8. FEBRÚAR 2008 23
Finnbogi Pétursson
„Mér finnst mikilvægt aö hleypa áhorfandanum
dálítið á önnur svið en þau sem eru inni í
sýningarrýminu. Kjöraðstæður eru þannig að þú
náir að fara á milli þessara tveggja heima sem
við lifum í, að geta„triggerað" þannig ástand."
„Ég lít ekki á mig
sem hljóðlistamann."
Finnbogi hefur unnið mikið með
Einari Erni Benediktssyni Sykurmola
og listamanninum Curver sem skipa
saman hljómsveitina Ghostigital. Á
Listahátíð Reykjavíkur í fyrra settu
þeir upp verk fyrir útvarp sem heitir
Radium og kom út á geisla- og DVD-
diski laust fyrir síðustu jól.
í byrjun mars liggur svo leiðin til
Brussel þar sem þríeykið kemur ífam
á listahátíðinni Iceland On The Edge
sem ffam fer að hluta til í listasafn-
inu Bozar.
Finnbogi samþykkir að það sé
ákveðin útrás fólgin í samstarfinu við
Ghostigital, enda mikil orkusprengja
þar á ferð.
„Jú, jú. Einkennisorðið er: Eru
ekki allir í stuði?" segir Finnbogi en
hann er enginn kettlingur á sviði til-
raunakenndrar raftónlistar.
„Ég hef alltaf verið að vasast í
upptökum. Það kemur upp hug-
mynd og þú hleypir henni af stað.
Svo er þetta bara spurning um það
hvert hún leiðir þig. Ég vinn jöfnum
höndum með allt þetta dótarí þó
ég sé ekkert að pródúsera einhverja
geisladiska með verkunum. Það bara
hentar ekki endilega hugmyndinni.
Ég vinn líka stundum vídeó en ekki
undir formerkjunum vídeólistamað-
ur. Ég vinn heldur ekki undir for-
merkjunum hljóðlistamaður því ég
lít eldd á mig sem hljóðlistamann.
Ég lít á mig sem myndlistarmann
með mikinn áhuga á hljóði. Þannig
lagði ég af stað og þannig vinn ég
ennþá. En þetta samstarf mitt við
Ghostigital er mjög „smooth" því ég
geng bara beint inn í það með mína
reynslu, sem er kannski dálítið fal-
in á bak við það sem ég hef verið að
gera. Við erum strax farnir að plana
næsta prójekt sem verður sennilega
í sumar," segir Finnbogi.
Hann er einnig hluti af Freq_out -
eins konar hreyfingu listamanna alls
staðar að úr heiminum þar sem ólík
öfl mætast í forvitnilegu samstarfi,
en ávöxtur þess kom meðal annars
út á tveimur geislaplötum hjá breska
útgáfúfyrirtækinu Touch árið 2004.
Hópurinn hittist einu sinni á ári og
hefúr meðal annars komið ffam í
Búdapest, París, Chan Maí á Taílandi,
í Kaupmannahöfn, Berlín og Ósló.
„Þetta eru eins konar vinnubúð-
ir sem settar voru á fót árið 2004 í
Charlottenburg í Kaupmannahöfn,
þar sem fjórtán listamenn, tónskáld,
Dj-ar, myndlistar- og tónlistarmenn
koma saman. Það er raunverulega
verið að taka allar listdeildirnar, búa
til einingar, stilla þeim saman og sjá
hvað kemur út úr því. Hvað kemur
til dæmis út úr því þegar þú setur
saman ljóðskáld, óperusöngvara og
myndlistarmann?"
„Hugmyndir eru
banvænir draugar."
Fyrir Finnboga, eins og marga
listamenn, er starf þeirra þeim jafn-
mikilvægt og að draga andann.
„Ég hef prófað að hætta að gera
myndlist," segir hann. „En þetta er
svona eins og dóp, þú þarft ábyggi-
lega að fara á endurhæfingarstöð ef
þú ætlar að hætta að vera listamað-
ur eða rithöfundur því þessir draug-
ar leita alltaf á þig aftur og aftur ef þú
dregur eitthvað undan. Maður finn-
ur þetta með til dæmis hugmynd-
ir. Þær eru banvænn draugur. Ef þú
sinnir þeim ekki, þá bögga þær þig
allt þitt líf. Þær eru alltaf á sveimi og
þess vegna held ég að það sé mikil-
vægt fyrir alla sem eru að vasast með
þetta fyrirbæri sem heitir hugmynd
að sinna henni á einhvern hátt. Hlúa
að henni, klára hana. Þá ertu laus við
hana og hún lætur þig í friði."