Málfregnir - 01.12.2004, Síða 45

Stefna stjórnvalda í innflytjendamál-
um hér á landi er því miður einskorðuð
við að stýra komu útlendinga til landsins.
Utlendingalögin fjalla bara um það. Eitt
af skilyrðum fyrir ótímabundnu búsetu-
leyfi útlendinga, sem koma utan ESB, er
að viðkomandi hafi sótt 150 kennslustund-
ir í íslensku. Lögin gera engar kröfur hins
vegar til sjálfrar kennslunnar né aðgengis að
henni. íslenskunámskeið eru af mjög skorn-
um skammti og misgóð - sérstaklega úti á
landsbyggðinni. Það þarf að auka skilning
á mikilvægi sérhæfðar kennaramenntunar á
þessu sviði. Það þarf lika að móta námskeið
miðað við samsetningu hópanna, þar sem
t.d. asískir nemendur hafa óneitanlega öðru-
vísi þarfir en slavneskir.
Það er allra hagur að stjórnvöld móti
ákveðna stefnu um íslenskukennslu handa
innflytjendum en benda má á að mikill
skortur er á námskrá fyrir íslensku sem
erlent tungumál.
Mér finnst það aðdáunarvert hversu annt
íslendingum er um tungumálið sitt. En
tungumál er ekki fyrirbæri sem mun klárast
ef of margir nota það. Islendingar munu ekki
týna sínum sérkennum ef fleiri en þeir tala
íslensku. Það er miklu hollara að horfa á mál-
ið þannig að með íslenskutalandi útlending-
um hafa Islendingar öðlast bandamenn sem
munu hjálpa þeim að varðveita hana.
45