Bændablaðið - 06.03.2014, Síða 1

5. tölublað 2014 Fimmtudagur 6. mars Blað nr. 414 20. árg. Upplag 31.000
Setning búnaðarþings fór nú í
fyrsta skipti fram í Hörpunni
síðastliðinn laugardag, en venjan
hefur verið sú setningarathöfnin
fari fram í Súlnasal Hótel Sögu.
Fjölbreyttir viðburðir voru
haldnir í húsinu í tengslum við
setningu búnaðarþingsins og
mættu 30 þúsund manns á þá
viðburði sem er aðsóknarmet í
Hörpu.
Í tengslum við setninguna
var Matarmarkaður ljúfmetis-
verslunarinnar Búrsins haldinn á
jarðhæð Hörpunnar og vélasalar
voru mættir með dráttarvélar og
tæki til sýnis. Sauðfjárbændur
buðu gestum og gangandi upp
á grillað lambakjöt úr grillvagni
Landssamtaka sauðfjárbænda og hægt
var að kaupa eðal nautahamborgara
úr hamborgarabílnum Tuddanum
frá félagsbúinu að Hálsi í Kjós.
Þá stóð kokkakeppni Food & Fun
hátíðarinnar yfir í Norðurljósasal
Hörpu á sama tíma og setning
Búnaðarþings fór fram. Vakti þetta
nýja snið búnaðarþings mikla athygli
og mættu 21 þúsund gestir á viðburði
í og við Hörpuna á milli klukkan 11
og 18 á laugardeginum og 9.000 til
viðbótar komu á matarmarkaðinn á
sunnudeginum eða samtals 30 þúsund
manns. Er það fyrir utan fjölda fólks
sem mætti á aðra atburði í Hörpunni
utan þessa tíma. /HKr.
- Sjá nánari umfjöllun á innsíðum
um búnaðarþingið og viðburði sem
haldnir voru í Hörpunni um helgina .
Aðsóknarmet slegið í Hörpu á matarhátíð
–Um 30.000 manns komu á Matarmarkað Búrsins, kokkakeppni Food and Fun, tækjasýningu og setningu Búnaðarþings 2014
Eirný Ósk Sigurðardóttir, eigandi ljúfmetisverlsunarinnar Búrsins og Hlédís Sveinsdóttir voru kampakátar með viðtökurnar sem Matarmarkaðurinn fékk sem og aðrir viðburðir sem haldir voru
í tengslum við setningu búnaðarþings Bændasamtaka Íslands um síðustu helgi. Mynd / HKr.
Búnaðargjald aflagt sem félagsgjald
Fyrirhugað er að leggja fram
frumvarp á haustþingi þar
sem gerðar verða breytingar á
innheimtu búnaðargjalds. Þetta
kom fram í máli Sigurðar Inga
Jóhannssonar sjávarútvegs-
og landbúnaðarráðherra á
búnaðarþingi.
Búnaðargjald er lagt á alla þá
sem stunda virðisaukaskattskylda
búvöruframleiðslu. Gjaldstofn
þess er veltutengdur, 1,2 prósent af
veltu bús og fer fram með álagningu
opinbera gjalda.. Gjaldið rennur
svo til Bændasamtaka Íslands, til
búnaðarsambanda, búgreinafélaga
og Bjargráðasjóðs.
Innheimtan er ólögleg
Frá því að Mannréttindadómstóll
Evrópu komst að þeirri niðurstöðu
að lög um iðnaðarmálagjald stæðust
ekki ákvæði mannréttinsáttmála
Evrópu hefur lögbundin innheimta
félagsgjalda til hagsmunasamtaka af
hálfu ríkisins smátt og smátt verið
felld niður.
„Þetta verðum
við því miður,
fyrir marga ykkar
sem telja að það
sé ekki gott, að
ganga alla leið
með. Það verður
að finna annað
fyrirkomulag.
Ríkið getur
ekki séð um innheimtu félagsgjalda
fyrir neina atvinnugrein í landinu.
Það er bannað. Því er ljóst að
eitthvað slíkt frumvarp kemur
fram í haust“, sagði ráðherra í ræðu
sinni.
Vilja áframhald á innheimtu
Ljóst hefur verið um nokkurt skeið
að drægi að því að innheimtur
búnaðargjalds yrði breytt.
Bændasamtökin hafa lýst vilja
til þess að gjaldið verði áfram
innheimt og lögmæti þess treyst.
Lagastofnun Háskóla
Íslands skilaði áliti varðandi
búnaðargjaldið í október 2011.
Í samræmi við það álit hafa
Bændasamtökin kynnt þá tillögu
sína að búnaðargjaldi verið varið
í þekkingar- og þróunarstarf
landbúnaðarins, upplýsinga- og
kynningarstarf í landbúnaði og
rekstur Bjargráðasjóðs.
Sú breyting sem gerð var fyrir
rúmu ári, að færa ráðgjafarþjónustu
frá Bændasamtökunum og
búnaðarsamböndum í sér félag,
og sú endurskoðun sem unnið er að
á félagskerfi bænda er í samræmi
við þessar tillögur. /fr
20
Örmerkjanámskeið
haldið á Akureyri
Heimsókn
í Kopenhagen Fur
28-31 42
Bærinn okkar Klúka