Bændablaðið - 06.03.2014, Qupperneq 25

25Bændablaðið | Fimmtudagur 6. mars 2014
Munið að panta lambamerkin
ATHUGIÐ: Síðustu forvöð til að panta lambamerki svo þau berist fyrir sauðburð
er 20. mars n.k. Pantanir má einnig senda á netfangið einaro@thor.is
Munið að panta fyrir
20
mars 2014
28,- án vskáprentuninnifalin
Einföld merki á frábæru verði.
Helmingsafsláttur af ísetning-
artöngum með fyrstu pöntun.
Tagomatic
68,- án vskáprentun
innifalin
Rototag
Þessi gömlu góðu sem endast og
endast. Hert nælon og merkingin
er brædd í merkið.
REYKJAVÍK - AKUREYRI
ÞÓR HF
Þ Ó R H F | R e y k j a v í k : K r ó k h á l s i 1 6 | S í m i 5 6 8 - 1 5 0 0 | A k u r e y r i : L ó n s b a k k a | S í m i 5 6 8 - 1 5 5 5 | w w w. t h o r. i s
og gerður verði sér samningur
fyrir hverja búgrein. Nauðsynlegt
er að meta árangur núgildandi
samninga, tollaumhverfis og
skoða hvernig skynsamlegast er
að þróa stuðningsumhverfið til
framtíðar litið. Mikilvægt er að slíkt
frumkvæði komi frá bændum. Á
grunni búnaðarlagasamnings verði
gerður rammi að starfsumhverfi
landbúnaðarins.
Afar mikilvægt er að
starfsumhverfi þar með talið
tollar leggi grunn að íslenskri
landbúnaðarframleiðslu.
Þingið leggur ennfremur áherslu
á að staðið verði við núgildandi
búvörusamninga og góður tími sé
gefinn til aðlögunar að breytingum
sem kunna að verða.
Skipaður verði starfshópur
samningsaðila til að meta
þá reynslu sem komin er af
framkvæmd samninganna.
Bændasamtök Íslands fylgi málinu
eftir gagnvart sjávarútvegs- og
landbúnaðarráðherra.
» Gjaldtaka vegna
búfjáreftirlits
Búnaðarþing 2014 mótmælir
harðlega boðaðri innheimtu vegna
búfjáreftirlits. Almennt búfjáreftirlit
hefur fram til þessa ekki verið
gjaldskylt. Þingið beinir því til
stjórnar Bændasamtakanna að leita
allra leiða til að svo verði áfram.
» Dýralæknaþjónusta –
þjónustusamningar
Búnaðarþing 2014 átelur
velferðarráðuneyti harðlega fyrir
þann seinagang sem orðið hefur
á að vinnuhópur, sem falið var
að yfirfara löggjöf og reglur
um afhendingu lyfja til bænda á
grundvelli þjónustusamninga, hefji
störf.
» Reikningar Bændasamtaka
Íslands og Nautastöðvar BÍ voru
samþykktir.
» Fjárhagsáætlun Bændasamtaka
Íslands og Nautastöðvar BÍ var
samþykkt.
Mál dregin til baka:
• Umsýsla með eignir BÍ.
• Póstþjónusta í dreifbýli.
Mál sem ekki voru
afgreidd úr nefnd:
• Jarðeignir ríkisins.
• Kjördagur
sveitarstjórnarkosninga.
• Varnarlínur sauðfjársjúkdóma.
• Kúasæðingar.
• Framkvæmd búfjáreftirlits.
• Svört atvinnustarfsemi.
• Brunatryggingar
landbúnaðarbygginga.
• Skoðun ökutækja í dreifbýli.
Málum sem var vísað
til stjórnar BÍ:
• Vegamál í dreifbýli.
• Hagtölur í landbúnaði.
• Bjargráðasjóður.
• Refa- og minkaveiðar.
• Sauðfjársjúkdómar.
• Gæðahandbók fyrir
umráðamenn búfjár.
• Upprunamerkingar á
matvælum.
• Notkun íslenska fánans á
búvörum.
• Rekjanleiki matvæla.
Danskir lífeyrissjóðir hafa tekið
upp þá stefnu að kaupa jarðir
og leigja þær bændum til að
auðvelda nýliðun í landbúnaði.
Þessi stefna lífeyrissjóðanna
dönsku sýnir trú þeirra á
landbúnað þar í landi sem
sterkrar atvinnugreinar sem
hefur mikla vaxtarmöguleika.
Ræða ætti við íslenska
lífeyrissjóði um áhuga þeirra á
svipuðu verkefni.
Þetta kom fram í máli
Jóhanns Niku lássonar,
bónda í Stóru-Hildisey II og
búnaðarþingsfulltrúa, í almennum
umræðum á búnaðarþingi. Jóhann
greindi frá því að lífeyrissjóðir í
Danmörku keyptu jarðir til að
leigja þær bændum til tíu ára eða
þar um bil. Að þeim tíma liðnum
gæfist bændum tækifæri á að
kaupa jarðirnar eða endurnýja
leigusamninginn. Jóhann sagði
að þó Lífeyrissjóður bænda hefði
kannski ekki bolmagn til að kaupa
fjölda jarða í þessu skyni væru
reknir margir öflugir lífeyrissjóðir
hér á landi og full ástæða til að
kynna þeim þessar hugmyndir.
Gerður var góður rómur að máli
Jóhanns á þinginu.
Lífeyrissjóðir gætu leigt bændum jarðir
Ráðgjafarmiðstöðin
rekin með halla
Tap á rekstri Ráðgjafarmiðstöðvar
landbúnaðarins var 40,85 milljónir
króna á síðasta ári. Síðasta ár var
fyrsta rekstrarár fyrirtækisins en
það hóf sem kunnugt er starfsemi
sína í byrjun árs 2013 þegar það
tók yfir alla leiðbeiningaþjónustu
í landbúnaði sem áður hafði verið
á hendi Bændasamtaka Íslands og
búnaðarsambanda.
Þetta kom fram á búnaðarþingi en
starfsemi Ráðgjafarmiðstöðvarinnar
var kynnt þar og tekin til umræðu.
Rekstrartekjur á síðasta ári
námu rúmum 439 milljónum
en rekstrargjöldin ríflega 480
milljónum króna. Stofnkostnaður
sem sem gjaldfærður var á árinu
2013 var um 27 milljónir króna.
Fólst hann meðal annars í kaupum
á búnaði, lífeyrisskuldbindingum og
kostnaði sem féll til á árinu 2012, í
aðdraganda stofnunar fyrirtækisins.
Að þeim kostnað frádregnum nam
því rekstrartap fyrirtækisins um 14
milljónum króna.
E i r í k u r B l ö n d a l
stjórnarformaður fyrirtækisins
og Karvel L. Karvelsson
framkvæmdastjóri fóru yfir stöðu
Ráðgjafarmiðstöðvarinnar. Báðir
voru þeir þeirrar skoðunar að rekstur
fyrirtækisins hefði gengið vel á
árinu þrátt fyrir hallarekstur. Flest
m a r k m i ð
sem sett
hefðu verið
við stofnun
hefðu náðs.
Sérhæfing
starfsfólks
og hreyfan-
leiki þess
hefði aukist,
útseld vinna einnig þó markmið
fjárhagsáætlunar ársins 2013 hefðu
ekki náðst að fullu.
Áætlað er að rekstrarkostnaður
á yfirstandandi ári verði 454
milljónir og eru áætlaðar tekjur á
pari við þá tölu. Þar af er áætlað
að rúmar 340 milljónir króna komi
til með framlögum til rekstrar
en afgangurinn verði sértekjur.
Ljóst er því að auka þarf sértekjur
fyrirtækisins um 23 milljónir á
þessu ári en í fyrra námu þær 91
milljón króna.
Í umræðum lýstu búnaðar-
þingsfulltrúar ánægju sinni með
starfsemi fyrirtækisins á árinu og
lýstu skilningi á því að kostnaður
við stofnun hefði verið talsverður.
Þeir brýndu hins vegar forsvarsmenn
fyrirtækisins til að ná jafnvægi í
rekstri þess. Ljóst væri að ekki væri
hægt að reka það til langframa með
tapi. /fr
Tap á rekstri
Bændasamtakanna
Fjörutíu milljóna króna tap varð
á rekstri Bændasamtaka Íslands
á síðasta ári. Sindri Sigurgeirsson
formaður samtakanna gerði þá
staðreynd að umfjöllunarefni
þegar hann flutt skýrslu formanns
á búnaðarþingi. Fá þyrfti botn í það
hvernig fjármögnun samtakanna
yrði háttað sem allra fyrst.
Sindri sagði að stór hluti af tekjum
Bændasamtakanna væri tilkominn
í gegnum innheimtu ríkisins á
búnaðargjaldi. Nú lægi fyrir að ráðherra
landbúnaðarmála, Sigurður Ingi
Jóhannsson, hefði boðað breytingar
á gjaldinu og yrði frumvarp þess
efnis lagt fram á haustþingi. Því væri
ljóst að hugsa þyrfti til framtíðar um
hvernig fjármögnun hagsmunagæslu í
landbúnaði yrði háttað og mikilvægt
væri að fá svör frá ráðherra um í
hverju boðaðar breytingar myndu
felast. Í þessu samhengi gerði Sindri
félagskerfi bænda og breytingar á því
einnig að umtalsefni.
Eins og kemur fram annars staðar
í blaðinu voru lagðar fram tillögur, í
samræmi við ályktun búnaðarþings í
fyrra, sem áttu að einfalda félagskerfið,
gera það ódýrara og tryggja virkni
bænda. Þó nokkrar breytingar
hafi verið gerðar á samþykktum
Bændasamtakanna á þinginu er
vandséð að þau markmið hafi náðst.
Bændasamtökin tóku afstöðu
með neytendum
Sindri benti á að bændur þyrftu að
taka ímyndar- og kynningarmál sín
til endurskoðunar. Upp á síðkastið
hefði landbúnaðarkerfið setið undir
árásum, meðal annars frá versluninni,
sem hefði verið í herferð gegn tollvernd
landbúnaðar og meðal annars dregið
velferð búfjár inn í þá umræðu. Það
væri ómaklegt en vissulega hefðu
afurðastöðvar gert mikil mistök
varðandi upprunamerkingar á
síðustu misserum. Tiltók hann þar
sérstaklega innflutning á írsku smjöri
fyrir síðustu jól. Ljóst hefði verið að
óhjákvæmilegt var að flytja smjörið
inn vegna yfirvofandi skorts en krafa
neytenda um að fá upplýsingar um
uppruna vörunnar væri skýlaus.
Sjálfsagt og eðlilegt hefði því verið
að Bændasamtökin tækju afstöðu með
neytendum, líkt og gert var. Merkja
hefði átt hverja pakkningu vara sem
írska smjörið hefði verið nýtt í en
það hefði ekki verið gert og væri
það óásættanlegt. Bændasamtökin
hefðu með samkomulagi við Samtök
atvinnulífsins og Neytendasamtökin
um upprunamerkingar innlendra
búvara sótt fram á jákvæðan hátt og
taldi Sindri að það samkomulag væri
gæfuspor.
Semja verður um gagnkvæma
tollkvóta
Sindri sagði varðandi tollamál að
hann fagnaði þeirri afstöðu sem
birtist í ræðu landbúnaðarráðherra,
um að tollar yrðu ekki felldir niður
einhliða. Semja yrði um gagnkvæma
tollkvóta eða innflutningskvóta við
viðsemjendur Íslands, til að mynda
Evrópusambandið. Hann lýsti þó
þeim erfiðleikum sem það hefði í för
með sér að samningar af því tagi væru
oft gerðir á þann hátt að gefnir væru
út tollkvótar sem byggðust á því að
fyrir hvert kíló af útfluttri vöru mætti
flytja inn kíló af einhverri annarri.
Það væri óásættanlegt fyrir Ísland
í ljósi smæðar markaðarins hér.
/fr
> Framhald af ályktunum Búnaðarþings 2014