Dagblaðið Vísir - DV - 21.10.2014, Blaðsíða 16

Vikublað 21.–23. október 201416 Fréttir Erlent
Herðir tökin
á fjölmiðlum
Lög sem takmarka rétt
útlendinga til eignarhalds á
prentmiðlum í Rússlandi voru
samþykkt í síðustu viku og taka
gildi 1. febrúar 2017. Eftir laga-
setninguna er útlendingum
ekki heimilt að eiga meira en 20
prósent í prentmiðlum í Rúss-
landi. Áður höfðu tekið gildi lög
þar í landi sem kveða á um að
erlent eignarhald á útvarps- og
sjónvarpsstöðvum skuli ekki
vera meira en 50 prósent. Eftir
lagasetninguna munu stór fjöl-
miðlafyrirtæki eins og Conde
Nast og Hearst Corporation
þurfa að selja stóran hluta
eignarhalds síns í rússneskum
fjölmiðlum eða loka þeim áður
en lögin taka gildi.
„Stórveldi
sýnt þessu
svæði áhuga“
Rússneska varnarmálaráðu-
neytið neitar fregnum þess efnis
að kafbátur á vegum Rússa hafi
lent í vandræðum nærri Stokk-
hólmi í Svíþjóð.
Sænski sjóherinn hefur leit-
að í skerjagarðinum úti fyrir
Stokkhólmi síðan á föstudag en
einungis gefið þær upplýsingar
að leitin væri vegna óeðlilegra
aðgerða neðansjávar. Yfirmenn
í sænska sjóhernum hafa stað-
fastlega neitað því að leitað sé
að kafbáti.
Sænskir fjölmiðlar segja hins
vegar sænsk yfirvöld hafa kom-
ist yfir neyðarkall á rússnesku.
Varaflotaforingi
sænska sjó-
hersins, Anders
Grenstad, sagði
aðgerð sænska
sjóhersins ekki
aðeins byggða á
nýfengnum upp-
lýsingum heldur
einnig vegna at-
vika sem hafa áður
átt sér stað á þessum slóðum.
„Stórveldi hafa sýnt þessu svæði
áhuga,“ sagði Grenstad á blaða-
mannafundi á sunnudag.
Á níunda áratug síðustu ald-
ar voru sænsk yfirvöld í við-
bragðsstöðu vegna sovéska
kafbátsins U-137 sem strand-
aði við Karlskrona 27. október
árið 1981 og er fjöldi annarra
þekktra tilvika um kafbáta í lög-
sögu Svíþjóðar.
Hernaðaríhlutun Rússa
vegna ástandsins í Úkraínu hef-
ur leitt til þess að ríki í Vestur-
Evrópu eru í viðbragðsstöðu en
sænska dagblaðið Expressen
sagði frá því í síðasta mánuði að
tvær rússneskar herþotur hefðu
rofið lofthelgi Svíþjóðar.
Anders
Grenstad
„Ég skil dauðann varla sjálf“
Þurfa að fullorðnast hratt í miðjum ebólufaraldri
É
g veit ekki hvað ég á að segja við
hann. Hvernig á ég að útskýra
dauðann fyrir 4 ára gömlu barni
þegar ég skil dauðann varla sjálf“
spyr Ramatou, 15 ára stúlka í austur-
hluta Síerra Leóne. Hún er elst fimm
systkina, en báðir foreldrar þeirra lét-
ust úr ebólu fyrir rúmri viku og eru
systkinin því munaðarlaus.
Fleiri ættingjar þeirra hafa fallið í
ebólufaraldrinum sem þar geisar. Það
kemur því í hlut Ramatou að gæta
systkina sinna og ala þau upp. Systk-
inin dvelja á bráðaheilsugæslustöð
fyrir ebólusjúklinga. Systkinin eru
ekki hólpin og enn vita heilbrigðis-
starfsmenn ekki hvort þau eru smit-
uð af ebólu. Allt Kenema-hérað hefur
verið sett í sóttkví til þess að reyna að
komast hjá frekari útbreiðslu ebólu-
veirunnar.
UNICEF á Íslandi vekur athygli á
því að rúmlega 600 börn hafi misst
annað foreldrið eða bæði í ebólufar-
aldrinum síðan fyrsta tilfellið var greint
í Síerra Leóne. Líklega eru um 4.000
börn munaðarlaus í löndunum þrem-
ur (Gíneu, Líberíu og Síerra Leóne)
sem hafa orðið verst úti vegna ebólu í
Vestur-Afríku. Börnin mæta fordóm-
um vegna veikindanna, sérstaklega
þau sem hafa jafnað sig og lifað af.
UNICEF á Íslandi hefur hafið
neyðarsöfnun til að efla aðgerðir sam-
takanna í baráttunni gegn ebólufar-
aldrinum. Yfir 1.300 tonn af hjálp-
argögnum hafa þegar verið send til
Vestur-Afríku sem koma börnum eins
og Ramatou til hjálpar. UNICEF veitir
börnunum vernd og sálrænan stuðn-
ing og sendir hjálpargögn til sjúkra-
skýla og heilsugæslustöðva sem með-
höndla ebólusmitað fólk. n
astasigrun@dv.is
Ramatou og systir hennar Elstu börnin í systkinahópum, eins og Ramatou, neyðast til
að fullorðnast hratt þegar þau þurfa að taka ábyrgð á yngri systkinum.
Samkomulag við Boko
Haram kosningabragð
n Dráp halda áfram þrátt fyrir „vopnahlé“ n Stúlkurnar segja sögu sína í fyrsta sinn
Á
föstudag bárust fréttir þess
efnis að nígerísk stjórnvöld
hefðu náð samkomulagi við
hryðjuverkasamtökin Boko
Haram um vopnahlé og að
yfir tvö hundruð stúlkum sem liðs-
menn samtakanna rændu í apríl
yrði sleppt. Tilkynningin barst frá
yfirmanni hersins í Nígeríu og er-
indreka Nígeríuforseta. Enn hefur
hins vegar ekkert heyrst frá Boko
Haram varðandi samkomulagið.
Þvert á móti hafa árásir samtak-
anna haldið áfram en um liðna
helgi réðust liðsmenn þeirra á tvö
þorp, myrtu að minnsta kosti átta
manns og rændu fleirum.
Klókt kosningabragð
Talsmaður öryggismála í Nígeríu,
Mike Omeri, segir ekkert
samkomulag í höfn. Þá segir yfir-
liðsforingi í nígeríska hernum, sem
vill ekki láta nafn síns getið, í sam-
tali við AFP-fréttastofuna að her-
inn hafi enn ekki fengið nein fyrir-
mæli um vopnahléið. David Cook,
sérfræðingur í málefnum herskárra
íslamista, skrifaði um málið á vef
CNN á mánudag. Þar dregur hann
meðal annars í efa að samkomu-
lag hafi raunverulega náðst og
veltir því fyrir sér hvort um sé að
ræða klókt kosningabragð forseta
Nígeríu, Goodluck Jonathan, en
hann sækist eftir endurkjöri í for-
setakosningum í febrúar. Jákvæð-
ar fréttir af baráttunni við Boko
Haram og lausn gísla komi honum
því afskaplega vel.
Stúlkurnar segja sögu sína
Ættingjar rúmlega tvö hundruð
skólastúlkna, sem rænt var af
heimavist sinni um miðjan apríl
síðastliðinn, bíða því enn í von og
óvon. Alls var 276 stúlkum rænt, en
nokkrum tókst hins vegar að flýja.
Þessar stúlkur sögðu sögu sína í
fyrsta skipti á dögunum í viðtali við
bandarísku blaðakonuna Söruh A.
Topol.
Klukkan var 23.45 og stúlk-
urnar flestar farnar að sofa þegar
fyrstu skothvellirnir heyrðust. Að-
eins einn vörður var við hlið skól-
ans og einn annar á heimavistinni.
Skothvellirnir færðust sífellt nær
og stúlkurnar söfnuðust saman í
dimmu bænaherberginu. Sumar
voru þegar farnar að gráta. „Eru
þetta þeir?“ spurðu þær. „Eru þeir
komnir?“ Stúlkurnar þekktu allar
hryllingssögurnar af Boko Haram.
Brenndu byggingarnar
Tveir einkennisklæddir menn
gengu inn á heimavistina. „Engar
áhyggjur. Ekki hlaupa. Við erum
með ykkur í liði,“ öskraði ann-
ar þeirra. „Safnist saman! Safnist
saman á einum stað!“ Stúlkurnar
fundu fyrir létti og héldu að her-
inn væri kominn til að vernda þær,
en á einu augnabliki breyttist allt.
Enn fleiri menn komu hlaupandi
inn. „Allah Akbar!“ öskruðu þeir.
„Allah Akbar!“ Fljótlega varð stúlk-
unum ljóst að mennirnir voru ekki
hermenn. Hópur manna greip tvær
stúlkur og leiddi þær í matarbúrið.
Hinum stúlkunum var skipað út.
Mennirnir skiptu sér í þrjá hópa.
Einn hópur hélt vörð um stúlkurn-
ar, annar hlóð birgðum á bílana
og sá þriðji kveikti í byggingunum.
Á nokkrum mínútum hafði verið
kveikt í öllum byggingum skólans.
Stúlkunum var sagt að ganga
af stað. Myrkrið var umlykjandi
og tæplega þrjú hundruð stúlkur
héldust í hendur er þær gengu eft-
ir moldugum veginum. Þær höfðu
gengið í rúman hálftíma þegar
þeim var skipað að setjast niður.
Fyrir neðan veginn voru þrír trukk-
ar. „Allar sem vilja lifa, farið í trukk-
inn,“ öskraði leiðtogi hópsins. „ Allar
sem vilja deyja, komið hingað!“
sagði hann og skaut úr byssu sinni
upp í loftið. Stelpurnar klifruðu
upp í bílana og sátu þar í miklum
þrengslum. Sumar stukku út þegar
bílarnir héldu af stað, aðrar duttu.
Sögðust þurfa að pissa
Við sólarupprás bilaði einn trukk-
urinn. Mennirnir skipuðu stúlkun-
um að setjast niður við veginn og
bíða á meðan þeir gerðu við bílinn.
Þetta var í fyrsta sinn sem stúlkurn-
ar sáu framan í mannræningja sína.
Fáir menn stóðu vörð yfir stúlkun-
um og sáu nokkrar sér leik á borði.
Þær sögðust þurfa að pissa og fengu
að fara örstutt afsíðis. Þær beygðu
sig niður í rjóðrinu og ákváðu að
flýja. Þær hlupu á brott og hlupu
stanslaust þar til þær rákust á fólk
sem kom þeim til bjargar.
Boko Haram-samtökin hafa enn
219 stúlkur úr skólanum í haldi,
þrátt fyrir alþjóðleg fyrirheit bæði
frá Bretum og Bandaríkjamönnum
um að koma þeim til bjargar. n
Áslaug Karen Jóhannsdóttir
aslaug@dv.is
„Allar sem
vilja deyja,
komið hingað!
Mótmælendur í Nígeríu Frá mótmælum í Nígeríu gegn Boko Haram síðastliðinn föstudag. MyNd ReuteRS
Mögulegt kosningabragð Forseti
Nígeríu, Goodluck Jonathan, þarf nauðsyn-
lega á góðum fréttum að halda. MyNd ReuteRS