Dagblaðið Vísir - DV - 21.10.2014, Blaðsíða 2

2 Fréttir Vikublað 21.–23. október 2014
„Hann kom
svo vel fyrir“
n mikilvægt að kanna bakgrunn væntanlegra leigjenda, segir leigusali
Á
gúst Jensson leigði íbúð fjöl­
skyldu sinnar í Grafarholti
út í nóvember í fyrra þegar
þau fluttu norður á Akureyri.
Leigjandinn greiddi aðeins
fyrstu tvo mánuðina og er leiga fyrir
febrúar og mars enn ógreidd. Skuldin
er nú um 350.000 krónur með vöxtum
og er í innheimtu hjá lögfræðingum.
„Þetta gekk vel þangað til hann hætti
að borga. Hann sagði að hann ætlaði
ekki að borga, hann væri að bíða eft­
ir peningi og við yrðum bara að bíða
líka. Við erum enn að bíða,“ segir
Ágúst.
Íbúðin var auglýst til leigu hjá
Leigulistanum og hafði fjölskyldan
áður fundið annan leigjanda sem svo
hætti við á síðustu stundu. Þá voru
þau flutt norður en vinir þeirra sáu
um að leigja íbúðina út. „Maðurinn
kom vel fyrir og við báðum ekki um
meðmæli og það voru stór mistök.
Ég vil benda leigusölum á að kynna
sér alltaf bakgrunn leigjenda og að fá
tryggingu og meðmæli,“ segir Ágúst.
Vandræði við leigu íbúðar Ágústs
og fjölskyldu eru ekki einsdæmi hér á
landi og segir formaður Húseigenda­
félagsins, Sigurður Helgi Guðjóns­
son, vanskil talsvert algeng. „Þegar
leigusalar lenda í skakkaföllum og fá
ekki greitt eða skemmdir eru unnar á
húsnæði, er yfirleitt um að kenna fyr­
irhyggjuleysi í upphafi. Ef leigusalar
fá meðmæli og tryggingar gengur
alla jafna vel. Fólk hefur tilhneigingu
til að treysta hvert öðru í blindni. Við
hjá Húseigendafélaginu getum fengið
upplýsingar frá CreditInfo og kannað
greiðslusögu væntanlegra leigjenda.
Ég orða þetta stundum sem svo:
„Látið hrapp úr hendi sleppa.“ Ef leig­
usalar gera það fer yfirleitt vel,“ segir
Sigurður.
Samningur eftir bréf um riftun
Þegar engin greiðsla barst í janúar
gerði Ágúst sér ferð til Reykjavíkur og
bankaði upp á hjá leigjandanum og
bað hann að greiða. „Hann sagði mér
að hann myndi greiða þegar hann
gæti, við yrðum við bara að bíða.
Við höfðum fá úrræði nema að vona
það besta. Á sama tíma bjuggum við
í leiguíbúð á Akureyri og þurftum að
standa í skilum þar.“
Íbúð Ágústs í Grafarholti var til
sölu og í lok febrúar kom áhugasamur
kaupandi sem ætlaði að leigja íbúðina
út áfram í nokkra mánuði en salan fór
í uppnám því sá vildi ekki kaupa íbúð
og fá með leigjanda sem ekki greiddi
leigu. Þá sendi lögfræðingur Ágústs
leigjandanum bréf um riftun á samn­
ingi og að hann þyrfti að flytja úr íbúð­
inni innan viku. „Þá bað leigjandinn
okkur að semja við sig um að trygging,
sem jafngilti mánaðarleigu, færi upp
í greiðslu fyrir janúar og að leigu fyrir
febrúar og mars myndi hann greiða 1.
júlí. Ég treysti honum og vildi líka vera
sanngjarn svo hann myndi nú á end­
anum greiða alla upphæðina.“
Áhættan hjá leigusala
Eftir að tryggingin gekk upp í leigu
fyrir janúar komu engar frekari
greiðslur. Íbúðin var svo seld í mars.
„Við héldum að hann myndi standa
við samninginn um að greiða okkur
350.000 í júlí. Maður beið og vonaði
en svo kom aldrei neitt. Það er lítið
sem við getum gert núna.“ Skuldin
hefur verið til innheimtu hjá Motus
og næsta skref er lögfræðileg inn­
heimta. „Ef innheimtan gengur ekki
þurfum við að greiða fyrir lögfræði­
kostnaðinn, svo áhættan er öll okkar.“
DV náði tali af leigjandanum
og kvaðst hann ætla sér að greiða
skuldina en að illa hafi staðið á hjá sér.
Miklir hagsmunir í húfi
Sigurður segir leigusamninga sér­
staka að því leyti að hagsmunir þeirra
sem undir þá skrifi séu svo ólíkir.
„Leigusali lætur leigjanda í té fasteign
upp á tugi milljóna og ber því áhætt­
una. Miðað við hvað hagsmunirnir
eru miklir er ótrúlegt hve oft setn­
ingin „eins og hann kom nú vel fyrir“
heyrist. Ég hef heyrt hana mjög oft
undanfarin þrjátíu til fjörutíu ár. Þess
ber þó að geta að leigjendur eru upp
til hópa hið besta fólk. Svo eru nokkrir
svartir sauðir sem sveima um.“
Sigurður telur lög um húsaleigu
góð og þræða milliveg á milli leigu­
sala og leigjenda. Skekkjan komi
þegar vanefndir verði og leigusali
þurfi að láta bera leigjanda út. „Þar
taka réttarfarslögin við og ákveðinn
flöskuháls þar. Það getur tekið tíma
að ná fram rétti, þó að hann sé aug­
ljós.“ n
Leiguíbúðir „Maðurinn kom vel fyrir og við báðum
ekki um meðmæli og það voru stór mistök,“ segir Ágúst
Jensson sem leigði íbúð sína í Grafarholti út í fyrravetur.
Myndin er úr safni. Mynd Sigtryggur Ari
Formaður Húseigendafélags-
ins Sigurður Helgi Guðjónsson segir
alla jafna ganga vel að leigja út fái
leigusalar meðmæli og tryggingar.
Mynd KArL PeterSSon
dagný Hulda erlendsdóttir
dagny@dv.is
„Látið hrapp úr
hendi sleppa. Ef
leigusalar gera það fer
yfirleitt vel.
Vill fá svör um fanga og afplánun
Hversu margir fá að afplána með samfélagsþjónustu, spyr þingmaður
H
elgi Hrafn Gunnarsson,
þingmaður Pírata, hefur
lagt fyrir innanríkisráðherra
þrjár spurningar um bið eftir
afplánun í fangelsum á Íslandi og
um samfélagsþjónustu og rafrænt
eftirlit.
Hversu margir dómþolar biðu 1.
janúar síðastliðinn eftir að geta haf­
ið afplánun í fangelsi vegna a) aðal­
refsingar, b) vararefsingar, spyr Helgi
Hrafn og vill einnig fá að vita hversu
margir þeirra sem biðu afplánunar
1. janúar síðastliðinn hefðu sótt um
að fullnusta refsinguna með sam­
félagsþjónustu og hverjar málalykt­
ir þeirra umsókna urðu. Þá óskar
hann eftir því að fá að vita hversu
margir dómþolar hafi hafið afplán­
un á árunum 2010–2014. „Svar ósk­
ast sundurliðað eftir kyni og aldri
dómþola og eftir því hvort um er að
ræða samfélagsþjónustu, rafrænt
eftirlit, opið úrræði eða öryggisfang­
elsi,“ segir Helgi.
Til að fá að afplána undir rafrænu
eftirliti þarf fangi að fylgja mörgum
skilyrðum Fangelsismálastofnunar.
Þá þarf hann að stunda vinnu, nám,
vera í starfsþjálfun, í meðferð eða
sinna öðrum verkefnum sem Fang­
elsismálastofnun hefur samþykkt
og er liður í aðlögun hans að sam­
félaginu á ný. DV fjallaði um rafræn
ökklabönd og rafrænt eftirlit með
föngum í síðasta helgarblaði. Þar
kom fram að samkvæmt lögunum
geti einstaklingur sem hefur verið
dæmdur í 12 mánaða, eða lengra,
óskilorðsbundið fangelsi, afplánað
hluta dómsins undir rafrænu eftir­
liti. Sá sem fær 12 mánaða óskil­
orðsbundinn dóm gæti þannig
fengið að taka út 30 daga af dóm­
inum með ökklabandi. Afplánun
undir rafrænu eftir liti lengist um 2,5
daga fyrir hvern mánuð dóms og
því gætu þeir sem hlotið hafa þunga
fangelsisdóma afplánað allt að 240
dögum með ökklaband. n
ritstjorn@dv.is
Margar reglur Nokkrir fangar hafa brotið
reglurnar um ökklabönd og eru þá sendir
aftur í lokað fangelsi. Mynd Sigtryggur Ari
Steypireyðurin
varðveitt á
Húsavík
Ákveðið hefur verið að
steypireyðurin sem rak á land
við Skaga í ágúst árið 2010
verði höfð til varðveislu á
Hvalasafni Húsavíkur. Það er eina
hvalasafnið á Íslandi.
Þetta tilkynnti Sigmundur
Davíð Gunnlaugsson, forsætis­
og dómsmálaráðherra, á kjör­
dæmisþingi Framsóknarflokks­
ins, sem haldið var um helgina á
Hallormsstað. Var það fréttasíða
Norðurþings og nágrennis, 640.is,
sem greindi frá málinu.
Í frétt Náttúrustofnunar Ís­
lands frá því í september 2010
kemur fram að örfáar beina­
grindur séu til af steypireyði í
heiminum. Steypireyðurin sem
rak á land á Skaga var heilt dýr og
hefur heila steypireyði afar sjald­
an rekið hér á land.
Árið 1967 rak steypireyði
á land í Skoruvík á Langanesi
og árið 1964 undan Krossi í
Berufirði. Árið 1998 fékk skip­
ið Húsvíkingur hauskúpu af
steypireyði í rækjutroll á Halan­
um. Auk þess er líklegt að tvö illa
farin hræ af steypireyði hafi rekið
á fjörur eftir 1980.
Steypireyður er stærsta dýrið
sem lifað hefur á jörðinni, svo vit­
að sé. Hún getur orðið allt að 33
metra löng og vegið frá 110 til 190
tonna og líklega náð 80 til 90 ára
aldri. Dýrið hefur verið alfriðað
frá 1966.
flugdólgur
hafði í
hótunum
Óskað var aðstoðar lög­
reglunnar á Suðurnesjum síð­
astliðinn föstudagsmorgun
vegna flugdólgs um borð í
flugvél sem var að koma inn
til lendingar á Keflavíkurflug­
velli. Maðurinn hafði verið
áberandi ölvaður og dóna­
legur, allt frá flugtaki vélar­
innar í Toronto. Hann hafði
meðal annars í hótunum við
áhöfn vélarinnar sem að lok­
um sá sér ekki annað fært en
að yfirbuga hann og óla niður
í sætið. Hann var handtekinn
vegna brots á loftferðalögum
og færður á lögreglustöð.