Dagblaðið Vísir - DV - 31.10.2014, Síða 14

Helgarblað 31. október–3. nóvember 201414 Fréttir
Tryggingar og kjör
ebóluteymis óljós
U
ndirbúningur vegna hugs-
anlegrar komu ebólusmit-
aðs sjúklings til lands-
ins stendur nú sem hæst
innan heilbrigðiskerfis-
ins. Á dögunum tilkynnti velferð-
arráðuneyti að áætlaður kostnað-
ur vegna nauðsynlegs búnaðar væri
um 100 milljónir króna. 63 milljónir
falla undir embætti sóttvarnalækn-
is og um 37 milljónir til Landspít-
ala. Nú stendur yfir þjálfun á starfs-
fólki sem verður hluti af ebóluteymi
og annast ebólusjúkling, kæmi slík-
ur til landsins. Samkvæmt heimild-
um DV stendur til að greiða fólkinu
í teyminu sérstaka þóknun komi til
umönnunar á sjúklingi með ebólu.
Ekki hefur enn verið ákveðið hve
há þóknunin eða líf- og sjúkdóma-
tryggingin verða. Þau mál eru nú á
borði heilbrigðisráðherra. DV sendi
fyrirspurn til ráðuneytisins með
beiðni um upplýsingar um stöðu
málsins og í skriflegu svari kom eft-
irfarandi fram: „Hafa ber í huga að
kostnaður vegna launa ebóluteym-
isins virkjast ekki nema til þess komi
að veita þurfi smituðum einstaklingi
meðferð. Það sama á við um aukna
tryggingavernd en þörf á aukinni
tryggingavernd verður skoðuð sér-
staklega á grunni mats sóttvarna-
læknis á þeirri auknu áhættu sem
meðhöndlunin getur falið í sér, ef til
kemur.“
Að sögn Ólafs Skúlasonar, for-
manns Félags íslenskra hjúkrunar-
fræðinga, eru dæmi um að hjúkr-
unarfræðingar hafi ekki verið
tilbúnir að taka þátt í verkefninu fyrr
en skýrt verði með kjör og tryggingar.
„Það verður að vera kristaltært fyr-
irfram hver kjörin verða og hvern-
ig tryggingar fólk hefur komi eitt-
hvað upp á,“ segir hann. Þorbjörn
Jónsson, formaður Læknafélags Ís-
lands, tekur í sama streng og seg-
ir mikilvægt að tryggingar liggi fyrir
áður en til þess kæmi að ebólusmit-
aður sjúklingur kæmi til landsins.
Kristín Á. Guðmundsdóttir, formað-
ur Sjúkraliðafélags Íslands, segir al-
gjört grundvallaratriði að búið sé að
ganga frá stöðu þeirra sem taka þátt
í ebóluteymi, komi til þess að virkja
þurfi starfskrafta þeirra við um-
önnun ebólusjúklings.
Hildur Helgadóttir, verkefnisstjóri
teymisins, segir að þrátt fyrir óvissu
um tryggingar og kjör hafi gengið vel
að manna teymið. „Þegar fólk tekur
slíka ákvörðun eru það ekki alltaf pen-
ingar sem skipta mestu máli. Þetta er
fagfólk sem valdi sér þessi fög til að
leggja lið í vá. Það er þessi neisti sem
kviknar í brjósti ákveðins hluta hóps-
ins þegar mikið liggur við,“ segir hún.
Fleiri sjúkraliða vantar
Í upphafi var talið að um þrjá-
tíu starfsmenn þyrfti til að manna
teymi til meðhöndlunar ebólusjúk-
lings en að sögn Hildar er nú ljóst
að fleiri þurfi til enda sé verið að
undirbúa til langs tíma. „Við erum
komin upp í 30 manns núna en það
eru fleiri að bætast við. Upphaflega
var áætlað að aðeins yrðu læknar
og hjúkrunarfræðingar í teyminu
en við höfum ákveðið að bæta líka
geislafræðingum og sjúkraliðum í
hópinn og erum við núna að leita að
fleiri sjúkraliðum.“ Komi ebólusmit-
aður sjúklingur til landsins myndu
nítján heilbrigðisstarfsmenn sinna
honum á hverjum sólarhring. „Þetta
er því mikill viðbúnaður og við vilj-
um fara eftir ýtrustu kröfum og hafa
öryggi starfsmanna og sjúklingsins í
fyrirrúmi.“
200 manns koma að undirbúningi
Á Landspítala koma um 200 manns
að undirbúningi hugsanlegr-
ar komu ebólusjúklings og hefur
starfsfólk á bráðamóttöku í Fossvogi
og á bráðamóttöku barna, Hjarta-
gátt, sjúkraflutningamenn og sótt-
varnalæknar um landið fengið þjálf-
un í að klæðast sérstökum búningi.
Á Landspítala hefur húsnæði verið
breytt, lagnir settar upp og verkferl-
ar skipulagðir um urðun sorps og
líns, svo fátt eitt sé nefnt. Hildur seg-
ir undirbúninginn þann flóknasta
sem ráðist hafi verið í á Landspít-
ala. „Það koma öll svið og margar
einingar að þessu og við höfum velt
fyrir okkur öllum mögulegum sviðs-
myndum.“ n
n Hluti starfsfólks vill vita um kjör og tryggingar fyrirfram n Leita sjúkraliða í teymið
„Það verður að vera
kristaltært fyrir-
fram hver kjörin verða og
hvernig tryggingar fólk
hefur komi eitthvað upp
á.
Dagný Hulda Erlendsdóttir
dagny@dv.is
Ebóla
Undirbúningur á
Landspítala.
MynD Frá LanDspítaLa
Ekki peningarnir „Þegar fólk tekur slíka
ákvörðun eru það ekki alltaf peningar sem
skipta mestu máli,“ segir Hildur Helgadóttir.
R
eynir Jónsson, fram-
kvæmdastjóri Strætó bs.,
ekur um á glænýjum tæplega
tíu milljóna króna Mercedes
Benz-jeppa. Skráningarnúmer bíls-
ins er LUR34 og er í eigu Strætó bs.
Samkvæmt ökutækjaskrá CreditInfo
var bíllinn nýskráður hinn 28. febrú-
ar á þessu ári en Strætó keypti bílinn
2. október síðastliðinn.
Áður hafði Reynir til umráða Jeep
Grand Cherokee-jeppa, 2005 árgerð,
en hann var tekinn úr umferð í ágúst
síðastliðnum og er nú í eigu Parta-
geirans ehf. Heimildir DV herma
að bíllinn hafi skemmst í umferðar-
óhappi en engin gögn eru til um það
í gagnagrunni Umferðarstofu.
DV greindi frá því í vikunni að
mikil óánægja væri með Reyni með-
al vagnstjóra Strætó. Hann er meðal
annars sagður beita hörku, óréttlæti
og lítilsvirðingu í samskiptum sínum
við vagnstjóra. Einnig kom fram að
vagnstjórar væru ósáttir með kjara-
mál sín hjá fyrirtækinu. Samkvæmt
tekjublaði DV frá því í júlí síðastliðn-
um er Reynir með rúma 1,1 millj-
ón krónur í mánaðarlaun
sem framkvæmdastjóri
Strætó bs. Það eru
rúm fimmföld
grunnlaun bílstjóra,
sem eru samkvæmt
kjarasamningi með
204 þúsund krón-
ur á mánuði. „Það
er ekki furða að hann
eigi erfitt með að skilja
launakjör bílstjóra,“ segir
viðmælandi DV.
Fjöldi starfsmanna hjá Strætó
hefur haft samband við blaðamann
frá því fréttin birtist í DV í vikunni
og tekið undir með viðmælend-
um DV. Ljóst er að óánægjan er því
ekki bundin við einn starfsmann og
aðila honum tengdum, líkt og Reynir
heldur fram. n
aslaug@dv.is
Á tíu milljóna króna jeppa
Framkvæmdastjóri Strætó bs. ekur um á glænýjum Benz í eigu fyrirtækisins
Framkvæmdastjóri á Benz
Bíllinn sem Reynir Jónsson,
framkvæmdastjóri Strætó bs.,
hefur til umráða.
VIÐ ERUM GÓÐIR Í DÆLUM
Knarrarvogi 4 104 Rvk Sími 585 1070
vov@vov.is www.vov.is
Þýsk gæðavara
G
ra
fik
a 1
1
• Þrepadælur
• Miðflóttaaflsdælur
• Borholudælur
• Skolpdælur
• Hringrásardælur