Dagblaðið Vísir - DV - 25.11.2014, Blaðsíða 30

Vikublað 25.–27. nóvember 201430 Lífsstíll
Þ
ótt lítið hafi verið um snjó það
sem af er vetri er ágætt að rifja
upp hvernig best er að moka
snjó án þess slasast alvarlega
eða láta lífið við það.
Veturinn hefur verið óvenju snjó-
þungur í Bandaríkjunum en þar í
landi deyja um það bil 100 manns á
ári hverju við snjómokstur ef marka
má hjartasérfræðinginn Barry
Franklin við hjartadeildina á William
Beaumont-sjúkrahúsinu í Michigan.
Franklin segir snjómokstur reyna
meira á heilbrigða unga karlmenn
en æfing á hlaupabretti. „Og þegar
kalt loftið er komið með í reikninginn
herpast æðarnar saman og minnka
þannig blóðflæðið sem er hin full-
komna blanda fyrir hjartaáfall.“ Að
sögn Franklins ættu þeir sem eru 55
ára og eldri og stunda litla eða enga
hreyfingu að láta snjómokstur alveg
eiga sig en Franklin segir mokstur-
inn einnig hættulegan þeim sem
reykja og eru haldnir hjartasjúkdóm-
um. Þeir sem verði að moka ættu að
muna eftir því að anda og ýta snjó-
num frekar en að lyfta honum og
forðast mokstur frá klukkan 6–10 um
morguninn þar sem viðkvæmum er
hættara við að fá hjartaáfall á þeim
tíma vegna hormónaójafnvægis.
Bandarísku hjartasamtökin
American Heart Association ráð-
leggja fólki einnig að klæða sig vel
og taka reglulega pásur við mokstur-
inn. Samtökin ráðleggja fólki líka til
að moka ekki eftir stórar máltíðir,
nota minni skóflur og forðast áfengi
á meðan mokað er. n
Snjómokstur 101
Mokaðu án þess að láta lífið
Snjómokstur drepur Árlega
deyja um það bil 100 Bandaríkja-
menn sökum snjómoksturs.
Drykkjuhrútar
en ekki alkar
Fæstir sem drekka til að verða
fullir eru alkóhólistar. Þetta kem-
ur fram í nýrri rannsókn sem birt
er á vefsíðu Centers for Disease
Control and Prevention. Í ljós
kom að 29% Bandaríkjamanna
drekka mikið en 90% af þeim eru
þó ekki alkóhólistar. Niðurstöð-
urnar stangast á við fyrri kenn-
ingar þar sem fullyrt er að þeir
sem drekki oft og mikið hljóti
að vera háðir áfengi. Árlega má
tengja um 88 þúsund dauðsföll
í Bandaríkjunum til mikillar
drykkju. Dr. Robert Brewer segir
niðurstöðurnar gefa til kynna að
taka megi á mikilli drykkju með
öðrum leiðum en þeim sem not-
aðar eru við áfengissýki.
Ekki þrífa
eyrun með
eyrnapinna
Flestir líta á eyrnapinna sem hið
fullkomna tæki til að þrífa á sér
eyrun og margir hreinsa þau af
miklum móð á hverjum morgni
sem hluta af daglegri rútínu.
Rannsóknir hafa hins vegar
sýnt fram á að notkun eyrna-
pinna eykur líkur á skemmdum
á innra eyra og jafnvel varanleg-
um heyrnarskemmdum. Það er
nefnilega mikill miskilningur að
að fara eigi með eyrnapinnann
inn í eyrun til að þrífa þau. Eyrna-
pinninn á nefnilega aldrei að fara
inn í sjálf eyrnagöngin, eins og
margir vilja halda. Hann á aðeins
að nota til að þrífa ytra eyrað. Þeir
sem treysta sér ekki til að fara var-
lega með pinnann geta fengið sér-
staka barnaeyrnapinna sem eru
þykkari á endunum og komast
ekki nema rétt inn í eyrnagöngin.
Það getur laskað eyrnagöngin að
stinga eyrnapinna inn á eyrað
og eyrnamergurinn sem er þar
inni er bestur geymdur þar. Hann
smyr hlustina og verndar hana
fyrir óæskilegum utanaðkomandi
áhrifum.
Ef eyrnamergurinn verður hins
vegar það mikill að hann fer að
valda hellu og dregur tímabundið
úr heyrn þá er hægt að þrífa eyrun
á einfaldan og skaðlausan hátt. Til
dæmis með því að blanda saman
ediki og vatni og láta nokkra dropa
drjúpa í eyrun með dropateljara.
„Ég Er algjör
SkvíSa, Sko“
Tinna Rut Traustadóttir er lögreglukona og bikarmeistari í kraftlyftingum
É
g hlakka alltaf til að fara á
æfingu,“ segir lögreglu- og
kraftlyftingakonan Tinna Rut
Traustadóttir sem sigraði í
sínum flokki á bikarmótinu í
kraftlyftingum sem fram fór á Akur-
eyri um helgina.
Lyftir „á kjötinu“
Tinna Rut hefur æft kraftlyftingar
í eitt ár undir stjórn Ingimundar
Björgvinssonar, kraftlyftingaþjálf-
ara í World Class á Seltjarnarnesi.
„Ég keppi oftast í klassískum kraft-
lyftingum, það er án búnaðar, eða
á kjötinu, eins og það er kallað.
Þetta mót var bikarmót í búnaðar-
kraftlyftingum en ég keppti samt
án búnaðar. Ég verð alltaf klass-
ískur lyftari en vildi nota þetta mót
sem æfingu,“ segir Tinna Rut sem
lyfti 137,5 kílóum í réttstöðu, 102,5
kílóum í hnébeygju og 72,5 kíló-
um í bekkpressu sem gaf henni
Wilks-töluna 365,7 og þriðja sætið
á öllu mótinu. „Það er hæsta Wilks-
tala sem sett hefur verið á Íslandi í
klassískum kraftlyftingum en þar
sem ég var að keppa á búnaðarmóti
fékk ég hana ekki skráða. Eins setti
ég átta Íslandsmet á mótinu en fæ
þau heldur ekki skráð.“
Litlar, nettar og heilbrigðar
Tinna Rut kemur úr fimleikum en
hún þjálfar og dæmir fimleika í dag.
„Ég var búin að æfa fimleika frá sjö
ára aldri en var svo bara að æfa í
World Class á Seltjarnarnesi þegar
Ingimundur kom auga á hvað ég
væri sterk og vildi fá mig í kraftlyft-
ingar. Það tók hann fimm ára suð
að fá mig á æfingu en loksins ákvað
ég að prófa. Ég fann mig strax í
þessari íþrótt. Það er svo ótrúlega
gaman að bæta sig og sjá árang-
ur,“ segir hún og bætir við að ímynd
kraftlyftinga sé óðum að breytast.
„ Sumir halda kannski að þarna
séu bara stórar og sterkar konur
en flestar erum við litlar, nettar og
heilbrigðar,“ segir Tinna Rut sem
stefnir á að keppa á alþjóðlegu
kraftlyftingamóti á næsta ári.
Fjölbreytt starf
Tinna Rut gerir þó fleira en að lyfta
lóðum og keppa á mótum því hún
er í lögreglunni á höfuðborgar-
svæðinu og hefur starfað þar í tvö
og hálft ár. Þegar hún er spurð að
því hvort hún sé svokölluð „stráka-
stelpa“ segir hún svo ekki vera. „Ég
er algjör skvísa, sko. Vil vera á hæl-
um og til höfð þegar ég er ekki í
löggubúningi eða íþróttafötum,“
segir hún hlæjandi og bætir við
að hún finni ekki fyrir því að karl-
menn séu hræddir við hana. „Það
getur vel verið að það ógni þeim
að ég sé lögga og kraftlyftingakona
en ég finn allavega ekki fyrir því. Ég
held að þeim finnist það frekar bara
flott,“ segir hún brosandi og bætir
við að hún sé alsæl í starfinu. „Það
var aldrei neinn draumur í æsku að
verða lögga heldur frekar eitthvað
sem ég fór að hugsa um þegar ég
varð unglingur. Þetta er ótrúlega
fjölbreytt starf, það er enginn dag-
ur eins og það er svo spennandi.“ n
Indíana Ása Hreinsdóttir
indiana@dv.is
Lögga Tinna Rut hefur verið í lögreglunni í
tvö og hálft ár.
Töffari Tinna Rut
er lögreglukona og
bikarmeistari í kraftlyft-
ingum. Mynd SIgTRygguR ARI
nautsterk Tinna lyfti
137,5 kílóum í réttstöðu
um helgina. Mynd SIgTRygguR ARI
„Það getur
vel verið að
það ógni þeim að ég
sé lögga og kraftlyft-
ingakona en ég finn
allavega ekki fyrir því
Betra að sofa
hjá einhverjum
Einhverjir sem eru einhleypir
kannast eflaust við þá tilfinn-
ingu að fara að sofa og vakna
með hálfgerða tómleikatil-
finningu, því það er enginn í
rúminu hjá þeim. Þessi tilfinn-
ing er ekkert óeðlileg ef marka
má niðurstöður rannsókna
sem nýlega birtust í Wall
Street Journal, en samkvæmt
þeim hefur það á margan hátt
jákvæð áhrif að deila rúmi
með einhverjum. Því er jafn-
vel haldið fram að fólk sem er
nánum langtímasamböndum
og sefur að jafnaði með ein-
hvern við hlið sér sé mun
heilsuhraustara og lifi lengur
en þeir sem sofa einir.