Skólavarðan - 01.09.2005, Page 8

8
FRÉTTIR FRÁ FÉLÖGUM KÍ
SKÓLAVARÐAN 4.TBL. 6. ÁRG. 2005
Stjórn, formenn svæðadeilda og
formaður skólamálanefndar lögðu
leið sína til Vestmannaeyja síðari
hluta ágústmánaðar og héldu
árlegan haustfund sinn. Á fundinum
voru samin drög að starfsáætlun
félagsins fyrir nýhafið kjörtímabil
2005 - 2008. Starfsáætlunin verður
kynnt í trúnaðarmannabréfi þegar
hún er fullfrágengin og auk þess
birt á heimasíðu.

Eyjarnar skörtuðu sínu fegursta bæði
þegar hópurinn steig á land og þegar
hann kvaddi en þess á milli voru alls kyns
sýnishorn af veðri, allt nema snjókoma.
Farið var í skemmtilega og fróðlega siglingu
í kringum Heimaey þar sem náttúran
og veðurguðinn léku aðalhlutverkið
að ógleymdum stórskemmtilegum
fararstjóra.
Þann fyrsta ágúst sl. voru ráðnir
tveir nýir starfsmenn til Félags
framhaldsskólakennara, Anna María
Gunnarsdóttir faglegur ráðgjafi í
skólamálum í 25% starf og Haukur
Már Haraldsson erindreki, einnig í
25% starf.
Faglegum ráðgjafa í skólamálum er
ætlað að annast söfnun og miðlun upp-
lýsinga um skóla- og menntamál, s.s.
um endurmenntun, kennaramenntun,
kennarastarfið og samskipti við fagfélög.
Einnig að fylgjast með framkvæmd laga
og reglugerða um framhaldsskóla og
vinnu við breytingar á þeim, s.s. styttingu
námstíma til stúdentsprófs. Honum er
einnig ætlað að sinna verkefnum á sviði
erlends samstarfs um skólamál og miðlun
upplýsinga um þau. Loks tekur hann að
sér verkefni sem stjórn félagsins felur
honum hverju sinni. Faglegur ráðgjafi er
jafnframt formaður skólamálanefndar FF
og tekur starfslýsing hans mið af hlutverki
nefndarinnar, samkvæmt lögum félagsins
og starfsáætlun þess í skólamálum hverju
sinni.
Erindreka er falið að eiga fundi með
stjórnum og trúnaðarmönnum félagsdeilda
alls staðar á landinu um nauðsynlegt starf
deildanna og um hlutverk trúnaðarmanna
og samstarfsnefnda. Erindreki er tengiliður
stjórnar FF og félagsmanna og starf hans
felst í að styðja deildirnar til sjálfsbjargar.
Þetta á ekki síst við um þær deildir sem
hafa verið lítt virkar og því ekki notið þess
sem deildir eiga að njóta af hálfu félagsins.
Hafa þarf í huga að vegna þess ramma sem
starfinu er sniðinn m.t.t. starfshlutfalls ber
erindreka ekki að leysa umfangsmikil mál.
Hann skal hins vegar vera tengiliður við
stjórn félagsins og koma málum einstakra
skóla á framfæri við hana. Markmiðið er
að erindreki heimsæki hvern skóla a.m.k.
einu sinni á vetri.
Skólavarðan greip nýju starfsmennina
tvo á hlaupum og beindi til þeirra tveimur
spurningum; hvernig starfið hefði komið
til og hvernig það legðist í þá.
Anna María:
Tildrögin voru þau að fráfarandi stjórn
Félags framhaldsskólakennara setti á
laggirnar starfsháttanefnd úr sínum hópi
á árinu 2004 sem var ætlað að endur-
skoða starfaskipan kjörinna fulltrúa og
ráðinna starfsmanna og starfshætti þess.
Starfsháttanefndin skilaði skýrslu og
tillögum um þessi efni til aðalfundar FF í
febrúar 2005 sem hann samþykkti. Þar á
meðal var tillaga um að félagið stofnaði
til starfs faglegs ráðgjafa í skólamálum.
Tilgangurinn er að efla frumkvæði og
sérfræðiþekkingu félagsins í skóla- og
menntamálum og virkja félagsmenn í
skólamálaumræðu.Ég vona að það takist
að efla umræðuna svo um munar og að
skólamál verði mótvægi við kjaramál. Ég tel
að aukið svigrúm fyrir þennan málaflokk
komi stéttinni mjög til góða, enda fagleg
umræða ávallt brýn. Mér finnst að það
þurfi að gera skólamálin tengdari daglegu
starfi í félaginu og hlakka til að leggja
hönd á plóginn.
Haukur Már:
Starfið er tilkomið vegna þess að þegar
við gerðum skoðanakönnun meðal
félagsmanna fyrir tveimur árum eða svo
kom í ljós nokkur óánægja með meint
sambandsleysi stjórnar og félagsmanna.
Starf erindreka er að brúa bilið þarna á
milli, vera tengiliður stjórnar og félags-
manna. Til að sinna því þarf hann að
fara á milli skólanna, tala við stjórnir og
trúnaðarmenn, taka við ábendingum og
koma þeim áfram til stjórnar. Ef vandamál
eru rædd á þessum fundum er það ekki
hlutverk erindreka að leysa þau en honum
er ætlað að koma þeim á framfæri við
stjórn félagsins.
Ég hlakka afskaplega mikið til að
vinna við þetta. Ég er búinn að setja upp
fundaáætlun um allt land og er um þessar
mundir að senda kennarafélögunum bréf
þar sem ég bið þau að staðfesta að þau
geti fundað með mér.
keg
Tveir nýir starfsmenn hjá
Félagi framhaldsskólakennara
Haukur Már
Haraldsson og
Anna María
Gunnarsdóttir
Samráðsfundur FL
Margir í hópnum voru að koma til
Vestmannaeyja í fyrsta skipti og áttu ekki
orð yfir náttúrufegurðina sem fyrir augun
bar. Helena Jónsdóttir formaður 9. deildar
átti veg og vanda af skipulagningu á
staðnum og sinn þátt í því hversu vel tókst
til með dvölina. Flugtímar stóðust meira
að segja upp á mínútu, geri aðrir betur.

Björg Bjarnadóttir
Formenn svæðadeilda í FL. Efri röð talið
frá vinstri: Helena Jónsdóttir, Þórunn
Bernódusdóttir, Björk Óttarsdóttir,
Björg Sigurvinsdóttir, Guðmunda
Vala Jónasdóttir. Neðri röð talið frá
vinstri: Ásta Huld Jónsdóttir, Jóna Lind
Karlsdóttir, Sigríður Marteinsdóttir,
Lisbet Nilsdóttir og Hildur Harðardóttir.
Lj
ós
m
yn
d
fr
á
hö
fu
nd
i
Lj
ós
m
yn
d:
K
eg