Skólavarðan - 01.03.2006, Qupperneq 19

SKÓLAVARÐAN 2.TBL. 6. ÁRG. 2006
19
hvert ráðherra stefndi - að styttingu náms
til stúdentsprófs - og með hvaða hætti. Í
stefnu KÍ kom hins vegar hvergi fram að
það væri forgangsmál að stytta námstíma.
Stefnumörkun beggja aðila nær saman
í ýmsum öðrum málum, eins og að
bæta nýtingu á tíma og námsárangur
og draga úr brottfalli, en í grundvallar-
atriðum stangast sjónarmið á og við
þessar kringumstæður sest verkefnastjórn
niður. Ráðuneytinu til hróss má nefna að
farin eru í gang mjög mikilvæg úrbóta-
mál sem var búið að ákveða áður en
tíu punkta samkomulagið var gert. Til
dæmis endurskoðun á starfsmenntun og
tillögugerð um framtíðarskipan kennara-
menntunar. Menn voru farnir að hugsa
sér til hreyfings á fleiri sviðum áður en til
samkomulagsins kom, svo sem í málum
sem tengjast almennri námsbraut og
námsráðgjöf. Þetta samkomulag er ekki
bara einhver jólapakkapoki. Við megum
ekki ætla yfirvöldum menntamála það að
hafa ekki verið byrjuð á neinum úrbótum
fyrir samkomulagið. Það er enginn „vondi
og góði karlinn“ í þessum málum.”
„Við erum kannski enn í beinagrind-
inni,“ segir Ólafur, „og ekki alveg komin í
ketið ennþá. En það sem við erum að reyna
að gera er að byggja brýr. Það eru svo mörg
tækifæri í samkomulaginu og já - risamál,
að við kennarar og ráðuneytismenn jafnt
værum hálfgerðir apakettir ef við nýttum
þau ekki.“ keg
AF ÁLYKTUNUM
Ályktanirnar endurspegla
áhyggjur framhaldsskólakennara
Kennarafélög í nær þriðjungi
framhaldsskóla landsins sendu frá sér
sérstakar ályktanir í tilefni af sam-
komulagi Kennarasambandsins og
menntamálaráðherra. Í þessum álykt-
unum komu fram miklar efasemdir um
samkomulagið og í flestum tilvikum var
því harðlega mótmælt.
Elna Katrín Jónsdóttir varaformaður
Kennarasambandsins sagði í viðtali við
heimasíðu KÍ þann 27. febrúar að hún liti
svo á að ágreiningur sá sem ylli gagnrýni á
forystu kennara þessa dagana snerist fyrst
og fremst um leiðir og aðferðir en ekki
um það að forystan og félagsmennirnir
stæðu ekki saman um markaða stefnu
bæði Félags framhaldsskólakennara og
Kennarasambands Íslands. „Kennarar
og forystumenn þeirra þurfa að þjappa
sér saman um að vinna heilshugar að
þeim málum sem samkomulagið við
menntamálaráðherra tekur til. Ég vil ekki
að óreyndu ætla að menntamálaráðherra
sé ekki alvara með efnisatriðum sam-
komulagsins, m.a. um að ganga til
viðræðna um verkefni sem stefna að
sveigjanlegra skólakerfi á grundvelli
heildarendurskoðunar á námi og breyttrar
námsskipunar skólastiganna eins og segir
orðrétt í samkomulaginu,“ sagði Elna
Katrín í áðurnefndu viðtali.
Hægt er að nálgast allar ályktanir
kennarafélaga um samkomulagið á
heimasíðu KÍ www.ki.is
Fróðlegt er að bera saman „tóninn“ í
ályktunum kennarafélaganna um sam-
komulag KÍ og menntamálaráðherra
eins og eftirfarandi tilvitnanir sýna:
Úr ályktun kennara við Verkmennta-
skólann á Akureyri: „Kennarar VMA taka
samkomulagi menntamálaráðherra og
Kennarasambands Íslands frá 1. febrúar
sl. með fyrirvara, enda vandséð að þau
tíu atriði sem þar eru talin upp tryggi að
fyrirhuguð breyting verði annað en hrein
skerðing náms.“
Úr ályktun kennara við Fjölbrautaskóla
Norðurlands vestra: „Í þeim 10 atriðum
sem þar eru tíunduð er margt afar óljóst
og auk þess ekkert sagt um leiðir til að ná
þeim markmiðum sem þar eru sett fram.
Ekkert kemur fram um þau áhrif sem
fyrirhugaðar breytingar koma til með að
hafa á störf framhaldsskólakennara.“
Úr ályktun kennara við Fjölbrautaskóla
Suðurlands: „Stjórn Kennarafélags Fjöl-
brautaskóla Suðurlands telur það spor í rétta
átt að kominn er á umræðugrundvöllur
milli menntamálaráðherra og Kennara-
sambands Íslands. Hins vegar sé það
galli við samkomulagið að margt er
þar mjög óljóst, ekki síst 3. greinin
sem tekur til fyrirhugaðra breytinga í
framhaldsskólum.“
Úr ályktun kennara við Fjölbrautaskóla
Suðurnesja: „Kennarafélagið hefur
áhyggjur af því hve óljós drögin sem koma
fram í samþykkt menntamálaráðherra
og KÍ eru og mótmælir þeirri túlkun
ráðherra á samþykktinni að hún sé í raun
samkomulag við kennarasamtökin um
styttingu náms á framhaldsskólastigi.“
Úr ályktun kennara við Menntaskólann
á Egilsstöðum: „Samkomulagið gengur
þvert á yfirlýsingar flestra kennara
varðandi áform um styttingu náms til
stúdentsprófs. Þessi vinnubrögð koma
kennurum algjörlega í opna skjöldu.“
Úr ályktun kennara við Menntaskólann
í Reykjavík: “Það er mat fundarins að
samkomulagið sé fullkomlega marklaust
enda hefur ráðherra lýst sig jafnákveðinn
og áður í að skerða nám til stúdentsprófs.
Baráttunni gegn skerðingunni verður
því haldið áfram til að tryggja íslenskum
ungmennum þá menntun sem nauðsynleg
er í nútímaþjóðfélagi.“
Úr ályktun kennara við Borgarholtsskóla:
„Kennarar eru nú sem fyrr reiðubúnir að
taka þátt í betrumbótum á menntakerfinu.
Í því sambandi er eðlilegt að hugað sé
að möguleikum hvers skólastigs. Hvað
framhaldsskólann varðar þarf í því sam-
bandi bæði að líta til grunnskólastigs og
háskólastigs. Erfitt er að sjá kosti þess að
færa byrjunaráfanga framhaldsskólans
niður í grunnskóla þegar menntun og
reynsla til að kenna þetta námsefni er nú
þegar til staðar í framhaldsskólanum.“
Úr ályktun kennara við Verzlunarskóla
Íslands: „Sama dag lýsti ráðherra því
yfir á Alþingi að ekki stæði til að breyta
áætlunum ráðuneytisins heldur væri ein-
ungis um að ræða frestun um eitt ár. Því
er ljóst að ráðherra ætlar enn sem fyrr að
stytta nám í framhaldsskólum um eitt ár
og hyggst leggja fram frumvarp þar að
lútandi fyrir vorið.“
TÍU PUNKTA SAMKOMULAGIÐ
Óttar Einarsson kennari við Menntaskólann á Laugarvatni:
„Ég hef talað við krakkana mína um þetta mál og þau segja mér
að þau vilji vera í fjögur ár í menntaskóla. Þau sjá enga ástæðu til
styttingar vegna þess að ef þau vilja fara hraðar þá er sá möguleiki
nú þegar fyrir hendi.“