Skólavarðan - 01.06.2008, Page 28

28
FRéTTIR OG TILKYNNINGAR
SKÓLAVARÐAN 4.TBL. 8. ÁRG. 2008
Þann 14. ágúst gangast Samtök áhugafólks
um skólaþróun fyrir ráðstefnu um leiðir til
að efla lesskilning á öllum skólastigum og í
öllum námsgreinum. Ráðstefnan verður haldin í
Víðistaðaskóla í Hafnarfirði og verður endurtekin
á Akureyri 6. september.
Helga Sigurmundsdóttir aðjúnkt í Kennara-
háskólanum hefur skilgreint lesskilning svo:
„Lesskilningur vísar til skilnings, varð-veislu og
endurheimtar á því sem lesið er (Muter, 2003).
Forsenda lesskilnings er góður orðaforði og
málskilningur sem vísar til skilnings og þekkingar
á mæltu máli og uppbyggingu þess (Burns,
Griffin & Snow, 1999). Minnið hefur veigamiklu
hlutverki að gegna (Vance og Michelle, 2006), en
það sem mestu skiptir eru þó þær námsaðferðir
sem nemandinn beitir við lesturinn. Bakgrunnur,
reynsla af mismunandi tegundum ritmáls, áhugi,
ályktunarhæfni og þekking á eigin hugsun eru
þættir sem skipta verulegu máli til að skilja og afla
sér þekkingar (Harvey & Goudvis 2007).“
Bækur og annað lesefni hafa mikil áhrif á
fólk, ekki síst í uppvextinum. Síðast í gær var
undirrituð að tala um áhrifamiklu lýsinguna á
ísbjarnarbardaganum í Nonna og Manna. Seinna
sama kvöld var þáttur um skipið Dannebrog
sýndur á norskri stöð – og þá var rætt um vikulega
umgengni við norrænt kóngafólk, leikara og
stjórnmálamenn í gegnum dönsku og norsku
blöðin. Sylvia Sommerlath, Dirch Passer, Friðrik
og Jóakim, meira að segja Anker Jørgensen
sem var forsætisráðherra milli tektar og tvítugs
blaðamanns, þetta voru ástmegir fjölskyldunnar.
Þennan sama dag las ég í blaðinu ýmislegt gott
sem Philippe Claudel sagði um bækur en hann er
höfundur bókarinnar Í þokunni sem var að koma
út í þýðingu Guðrúnar Vilmundardóttur. Í morgun
voru brúna nautið frá Norrova og ragnarök til
umræðu í fjölskyldubílnum á leið í vinnuna og á
hestanámskeiðið, hvort tveggja fyrirbæri sem hafa
komið til okkar í gegnum lesefni.
Samtök áhugafólks um skólaþróun ætla sem
sagt að taka á þessu stórmerka máli: Hvernig efla
megi lesskilning. Því er í sjálfu sér fljótsvarað, með
því að lesa mikið af skemmtilegum, vel skrifuðum
og æsispennandi bókum fyrir börn, tala við þau og
segja þeim sögur. Þau fara þá að gera þetta sjálf
þegar þau hafa aldur og þroska til. Vandinn er bara
sá að það er ekki hægt að skikka foreldra til að
gera þetta og kennarinn hefur takmarkaðan tíma
til þess. Af þessum sökum og í þessum efnum
þurfa kennarar að vera flinkir, hugmyndaríkir og
útsjónarsamir. Á ráðstefnunni verða kynntar margar
hugmyndir og þróunarverkefni um hvernig hægt er
að efla lesskilning á öllum skólastigum og í öllum
námsgreinum. Einnig verður rætt um rannsóknir á
lesskilningi og vísbendingar úr öðrum matstækjum,
svo sem PISA, um lesskilning hérlendra barna.
Nánari upplýsingar á www.skolathroun.is
keg
Heiður Baldursdóttir, sérkennari og rithöfundur, fæddist 31. maí
1958. Hún lést hinn 28. maí 1993.
Bækur Heiðar Baldursdóttur voru lesnar aftur á bak og áfram á
mínu heimili þegar þær komu út á níunda og tíunda áratug síðustu
aldar. Íslenskar fantasíur fyrir börn voru fáséðar og Heiður fangaði
unga lesendur í netið eins og að drekka vatn. Þessi hæfileikaríka
og glæsilega kona hefði orðið fimmtug 31. maí sl. en hún lést
árið 1993 eftir erfið veikindi, þremur dögum áður en hún varð
þrjátíu og fimm ára. Eftir andlát Heiðar var stofnaður sjóður í minningu hennar.
Markmið sjóðsins er að styrkja rannsóknir sem varða sérkennslu, blöndun fatlaðra
og ófatlaðra barna og boðskipti en Heiður var sérkennari og mikil hugsjónakona í
málefnum barna og ungmenna með fötlun. Sjóðurinn veitir styrki til verkefna sem
varða markmið hans og alls hefur sex sinnum verið veittur styrkur úr Minningarsjóði
Heiðar Baldursdóttur. Stjórn sjóðsins skipa fulltrúar frá Kennarasambandi Íslands,
Kennaraháskólanum og Þroskahjálp. Í tilefni af 50 ára afmæli Heiðar verður veittur
veglegur styrkur úr sjóðnum nú í sumar. Faðir Heiðar, Baldur Ragnarsson, segir
meðal annars svo í minningargrein um dóttur sína sem birt var í Morgunblaðinu í
tilefni af afmælinu: - Heiði varð ekki langra lífdaga auðið. Megi hugsjónir hennar
lifa í verkum styrkþega sjóðsins sem stofnað var til í minningu hennar.
keg
Stjórn Minningarsjóðs Heiðar Baldursdóttur auglýsir hér með eftir umsóknum um
styrk úr sjóðnum. Í umsókn skulu koma fram eftirfarandi upplýsingar:
• Greinargóð lýsing á verkefninu, markmiðum þess og áætlaðri framkvæmd.
• Áætlun um upphaf og lok verkefnis og/eða áfanga.
• Sundurliðuð kostnaðaráætlun.
• Aðrar upplýsingar, s.s. fyrirhuguð kynning og nýting á niðurstöðum.
Greinargerð skilist til sjóðstjórnar að loknu verkefni. Umsóknir skulu berast stjórn
sjóðsins fyrir 1. júlí 2008 og sendast til Guðlaugar Teitsdóttur, Öldugötu 6, 101
Reykjavík. Styrkupphæð til úthlutunar árið 2008 er kr. 250.000,- og fer úthlutun
fram í ágúst.
Leiðir til að
efla lesskilning Minningarsjóður Heiðar Baldursdóttur - sækið um fyrir 1. júlí
Heiður fimmtug!
Kjarasamningur FG samþykktur með 79,2 % atkvæða
Þann 14. maí 2008 lauk allsherjaratkvæðagreiðslu meðal félagsmanna í Félagi
grunnskólakennara (FG) innan Kennarasambands Íslands um framlengingu
og breytingar á kjarasamningi milli Kennarasambands Íslands (vegna Félags
grunnskólakennara) og Launanefndar sveitarfélaga sem skrifað var undir þann 28.
apríl 2008 með fyrirvara um samþykki félagsmanna. Talning atkvæða fór fram
þriðjudaginn 20. maí 2008. Niðurstaða atkvæðagreiðslunnar er þessi: Á kjörskrá
voru 4646. Atkvæði greiddu 4068 eða 87,5%. „Já“ sögðu 3221 eða 79,2%. „Nei“
sögðu 727 eða 17,9%. Auðir seðlar og ógildir voru 120 eða 2,9%.
Kjarasamningur SÍ samþykktur með 73,9 % atkvæða
Þann 15. maí 2008 lauk allsherjaratkvæðagreiðslu meðal félagsmanna í
Skólastjórafélagi Íslands innan Kennarasambands Íslands um framlengingu og
breytingar á kjarasamningi milli Kennarasambands Íslands (vegna Skólastjórafélags
Íslands) og Launanefndar sveitarfélaga sem skrifað var undir þann 30. apríl 2008 með
fyrirvara um samþykki félagsmanna. Talning atkvæða fór fram miðvikudaginn 21.
maí 2008. Niðurstaða atkvæðagreiðslunnar er þessi: Á kjörskrá voru 594. Atkvæði
greiddu 379 eða 63,8%.„Já“ sögðu 280 eða 73,9%. „Nei“ sögðu 98 eða 25,9%.
Auðir seðlar og ógildir voru 1 eða 0,2%.