Skólavarðan - 01.09.2012, Blaðsíða 22

22
Skólavarðan 1. tbl. 2012LÍfsstÍLL
Göngum í skólann er alþjóðlegt verkefni sem hófst í Bret-
landi árið 2000. Ísland tekur nú þátt í sjötta skipti en
verkefninu vex stöðugt fi skur um hrygg. Á alþjóðavísu fer
verkefnið fram í október en birta og veðuraðstæður á Íslandi
ráða því að hér er það heldur fyrr á ferðinni. Göngum í
skólann hófst á Íslandi miðvikudaginn 5. september sl. og
lýkur á alþjóðlega deginum 3. október nk.
Meginmarkmið Göngum í skólann er að hvetja nemendur
og foreldra til að ganga, hjóla eða fara á annan virkan hátt
til og frá skóla. Um leið er ætlunin að hvetja til aukinnar
hreyfi ngar með því að auka færni barna til að ganga á
öruggan hátt í skólann og fræða þau um ávinning reglulegrar
hreyfi ngar. Þá er hvatt til þess að börn fái kennslu um öryggi
á göngu og á hjóli. Annað markmið er að draga úr umferð
bíla við skóla og sporna gegn mengun og hraðakstri í leið-
inni. Þannig verður til betra og hreinna loft og götur og
hverfi verða öruggari og friðsælli staðir. Ætlunin er einnig
að vekja fólk til vitundar um heilsusamlegar leiðir til að
komast milli staða og hvetja til heilbrigðs lífsstíls fyrir alla
fjölskylduna.
Allir sem vilja geta tekið þátt í verkefninu. Kennarar,
nemendur, foreldrar, vinir og aðrir í samfélaginu eru hvattir
til að fara í gönguferð áður en kennsla hefst að morgni,
til dæmis kringum skólalóðina, að nærliggjandi garði,
göngustíg eða einhverjum öðrum tilteknum stað. Ef ekki er
hægt að fara í gönguferð áður en kennsla hefst þá er hægt
að skipuleggja göngu í hádeginu eða löngu frímínútunum.
Hægt er að fi nna ýmsar leiðir svo börn gangi og hjóli meira.
Það þarf bara svolítið ímyndunarafl .
Á síðasta ári tóku milljónir barna frá 40 löndum víðs
vegar um heiminn þátt í Göngum í skólann með einum eða
öðrum hætti. Gaman var að sjá að þá var enn einu sinni nýtt
þátttökumet slegið hér á landi en alls voru 59 skólar skráðir
til leiks. Nú verður spennandi að sjá hvort enn eitt metið
verður slegið á mildu hausti.
Íþrótta- og Ólympíusamband Íslands, mennta- og
menningarmálaráðuneyti, landlæknir, ríkislögreglustjóri,
Slysavarnafélagið Landsbjörg, Umferðarstofa og
Landssamtökin Heimili og skóli standa að verkefninu.
Vefsíða þess er gongumiskolann.is.
Göngum
í skólann
Göngum í skólann og veljum
heilsusamlegt líf
Félagsmenn munið
MÍNAR SÍðUR á www.ki.is
Viltu tjá þig um Skólavörðuna?
Sendu okkur línu
Guðlaug Guðmundsdóttir gudlaug@ki.is
» Er blaðið gott að þínu mati?
» Finnst þér eitthvað miður?
» Ertu með hugmynd að góðu efni í blaðið?
» Viltu skrifa grein í Skólavörðuna?