Skólavarðan - 01.09.2012, Blaðsíða 28

28
Skólavarðan 1. tbl. 2012
Texti og myndir: GG
Bakki Berg
sKóLInn
Hver fjöruferð hefst á samverustund
inni þar sem skoðað er hvaða dagur
er og mánuður, hvernig veðrið er og
hvernig þurfi þá að klæða sig.
Sólin gyllir Kollafjörðinn þegar Skólavarðan bankar á dyr leikskólans
Bakkabergs sem er sitthvoru megin við Kollafjörð. Þetta hljómar
auðvitað dálítið kostulega en þannig er málum háttað að tveir
leikskólar, í 17 km fjarlægð frá hvor öðrum, voru sameinaðir undir
eina stjórn. Þeir eru nú stöðvar Bakkabergs og heita Berg við Kléberg
á Kjalarnesi og Bakki við Bakkastaði í Grafarvogi. Leikskólastjórinn
heitir Ingibjörg E. Jónsdóttir og hefur hún með sér þrjátíu kvenna
úrvals starfslið, sem sinnir þörfum barnanna meðan þau dvelja í
skólanum. Á Bakkabergi eru samtals hundrað börn og Grænfáninn
blaktir þar við hún. Deildirnar á Bakka og Bergi bera örnefni úr næsta
nágrenni; Viðey, Lundey og Þerney á Bakka en á Bergi heita þær
Álfasteinn og Dvergasteinn. Bakki og Berg eru báðir á stöðum þar sem
einstök náttúrufegurð ríkir, mikilfengleg fjallasýn og fjölskrúðugur
gróður og fuglalíf er í umhverfi þeirra beggja.
Það er góð upplifun að koma á þennan hlýlega og rólyndislega
leikskóla. Börnin nutu síðsumarsólarinnar í leik úti við en svalur vindur
barst frá hafinu sem er steinsnar í burtu. Krökkunum fannst gesturinn
spennandi og vildu gjarna láta taka myndir af sér. En þau voru ekki
síður spennt en Ingibjörg leikskólastjóri að segja frá því að við skólann
væru tvær lóðir. Önnur er eins og lög gera ráð fyrir framan við skólann
en hin, ævintýralandið á bakvið hann. Krakkarnir fá ekki að fara
þangað eftirlitslaust en þetta er náttúrulóð þar sem engin mannvirki eru
önnur en girðing sem glittir í ef vel er að gáð í háu grasinu. Á lóðinni
eru klettar og lautir, villt blóm og dýrlegur drithóll sem fuglar hafa
búið til á löngum tíma. Elstu börnin fá að leika sér þarna og læra um
náttúruna og þá eru aldrei færri en tveir leikskólakennarar með í för og
gæta öryggis þeirra.
Fjörulallar og fuglavinir
Metnaðarfull menntastefna er í heiðri höfð á Bakkabergi. Þar er
kennd m.a. umhverfismennt, upplýsingatækni og myndmennt.
Valdís Edda Hreinsdóttir aðstoðarleikskólastjóri er umsjónarmaður
umhverfismenntar sem felst í því að kynnast náttúrunni á markvissan
hátt og læra að bera virðingu fyrir henni. Valdís Edda fer á milli Bakka
og Bergs en stutt er í fjöruna frá báðum stöðvunum. Ingibjörg segir að
fjörurnar hvor um sig séu ótrúlega ólíkar; skeljar, steinaríki og dýralíf
merkilega ólíkt og því miðla börnin sín á milli þegar þau heimsækja
hvert annað á Bakka og Berg. Krakkarnir á Bakkbergi öðlast þannig
mikla þekkingu á fjörunni og lífríki hennar. „En það er einmitt fjaran
sem er svo mikilvægur vettvangur fyrir útinámið og þangað fara börnin
reglulega og kallast þá Fjörulallar.”
Hver fjöruferð hefst á samverustund inni þar sem skoðað er hvaða
dagur er og mánuður, hvernig veðrið er og hvernig þurfi þá að klæða
sig. Síðan er upprifjun úr síðustu ferð, bætt á þekkingarvefinn og tekin
ákvörðun um hvað á að kanna í þetta sinn. Þegar sú ákvörðun liggur
fyrir er tíndur til sá búnaður sem þarf að vera með og síðan er tölt niður
í fjöru. „Allir halda auðvitað í vinabandið,“ segir Ingibjörg brosandi og
Haf skilur Bakka og Berg
Skólavarðan heimsækir leikskólann Bakkaberg,
sameinaðan úr Bakka og Bergi.
Ljósm.: Leikskólinn Bakki Ljósm.: Leikskólinn Berg