Fréttablaðið - 05.10.2016, Blaðsíða 22

Frá og með síðustu mánaða-mótum býður Gagnaveita Reykjavíkur upp á 1 gíga-
bits tengingu til heimila eða 1.000
megabit yfir ljósleiðara. Erling Freyr
Guðmundsson, framkvæmdastjóri
Gagnaveitunnar, segir þetta mikla
byltingu, en áður var mest hægt að
fá 500 megabit og algengar tenging-
ar eru 100 megabit. Þessi breyting
nær til þeirra 77 þúsund heimila
sem nú þegar tengjast ljósleiðara
Gagnaveitunnar.
„Það er mikil eftirvænting hjá
fjarskiptafyrirtækjunum að bjóða
upp á þessa þjónustu,“ segir Erling
og líkir breytingunni við að akrein-
um í Ártúnsbrekkunni yrði fjölgað í
10 í hvora átt. „Þetta er þjónusta sem
stendur öllum sem tengjast ljósleið-
aranum til boða,“ bætir hann við, en
bendir á að þeir sem fengu tengibox
fyrir árið 2012 gætu þurft að endur-
nýja það fyrir svo hraða tengingu.
En er einhver þörf á þessu? kynni
einhver að spyrja. Erling svarar því
til að þeim tækjum á heimili sem
tengjast neti fari ört fjölgandi. Hvert
þessara tækja tekur til sín gagna-
magn og það hefur áhrif á önnur
tæki. „Notendur finna mikinn mun
á hraða og snerpu, þó venjulegt
heimili taki ekki til sín mikið af
gögnum.“ Hann bendir á að þróun
sjónvarpstækni, þar sem mynd- og
hljóðgæði verða sífellt meiri, taki til
sín mikinn flutning gagna. „Ég get
tekið dæmi af mínu eigin heimili,
þar sem ég er með 23 tæki tengd við
netið og enn að bætast við.“
Erling bendir á til dæmis að með
hverri kynslóð farsíma aukist þörfin
verulega. „Við viðurkennum fúslega
að við erum á undan og við segjum
að með þessum hraða séum við til-
búin fyrir næstu kynslóð síma.“
Hann bætir við að þörfin vaxi hratt.
„Netflix og sjónvarpssendingar í
háskerpu ásamt geymslu gagna svo
sem myndaalbúms fjölskyldunnar
í skýi og upphleðsla myndbanda á
Facebook gerir það að verkum að
fólk vill sífellt hraðari tengingar.“
Erling segir að kosturinn við ljós-
leiðarann sé sú að hann geti vaxið
áfram með breytingu á endabún-
aði. „Það eru í raun engin takmörk
á ljósleiðaranum sjálfum og það
er góð tilfinning. Gagnaveitan er
öflug vél fyrir þjónustufyrirtækin
á fjarskiptamarkaði og við erum
bara spennt að sjá hvernig þau nýta
möguleikana.“
haflidi@frettabladid.is
Tuttugufalt hraðari tengingar frá 2007
Netsjónvarp, fullkomnari snjallsímar, fjölskyldumyndbönd og myndir í skýi. Allt kallar þetta á hraðari aðgang og meiri gagnaflutninga.
Þróunin er líka hröð og kröfur neytenda vaxa hratt. Nú stendur 1.000 megabita tenging til boða.
Erling Freyr Guðmundsson, framkvæmdastjóri Gagnaveitu Reykjavíkur, segir í raun engin takmörk á hraða tenginga yfir ljós-
leiðara. Frá síðustu mánaðamótum er 1.000 megabita tenging í boði.
Það eru í raun engin
takmörk á ljós-
leiðaranum sjálfum og það er
góð tilfinning.
Erling Freyr Guðmundsson
Hlutabréfaviðskipti Katr-ínar Olgu Jóhannesdóttur, stjórnarmanns í Icelandair
hf., vöktu heldur betur athygli mína
síðastliðinn föstudag. Katrín Olga
selur 400.000 hluti í Icelandair hf.
eða stærstan hluta stöðu sinnar í
félaginu. Í fyrstu var ég undrandi en
síðar reið. Reið vegna þess að Katrín
Olga er stjórnarmaður í Icelandair
og þar með skilgreindur fruminn-
herji í félaginu. Hún selur í félag-
inu á síðasta degi 3. ársfjórðungs
sem hefur sögulega verið stærsti og
mikilvægasti fjórðungur Icelandair
og 28 dögum áður en uppgjör félags-
ins verður birt. Það hefur tíðkast
hér á landi og er algengt erlendis
að hjá skráðum félögum séu skil-
greind ákveðin tímabil, sölugluggi
(e. trading window), þar sem inn-
herjum er heimilt að kaupa og selja
bréf. Sá viðskiptagluggi er yfirleitt
stutt tímabil eftir að ársfjórðungs-
uppgjör hefur verið birt því þá hefur
markaðurinn verið upplýstur um
verðmetandi upplýsingar og situr
við sama borð og skilgreindir frum-
innherjar.
Sést hvar hagsmunir liggja
Í stóru skráðu fyrirtæki eins og
Icelandair væri eðlilegt að reglu-
legir stjórnarfundir væru á eins
til tveggja mánaða fresti og séu
fundir ekki haldnir einhverra
hluta vegna ættu stjórnarmenn
að vera vel upplýstir um rekstrar-
þróun félagsins með mánaðar-
legri skýrslugjöf til stjórnar. Starfi
stjórn Icelandair með eðlilegum
hætti ætti enginn vafi að leika á því
að Katrín Olga átti viðskipti með
bréf sín í Icelandair á sama tíma
og fyrir lágu innherjaupplýsingar.
Það breytir engu hvort uppgjör
félagsins á 3. ársfjórðungi verði á
áætlun eða með fráviki því stjórn
og aðrir fruminnherjar eru einir
um að vita það. Hverjar sem reglur
fyrirtækisins eru þá er það alltaf á
ábyrgð viðkomandi að eiga ekki
viðskipti þegar fyrir liggja inn-
herjaupplýsingar.
Telji hún sig ekki hafa búið yfir
innherjaupplýsingum þá blasir
við önnur og enn verri mynd, en
það væri að stjórn Icelandair væri
ekki að vinna vinnuna sína og væri
einfaldlega ekki upplýst um fram-
gang og þróun félagsins á 3.  árs-
fjórðungi. Hvort sem um ræðir
þá er það algjörlega óásættanlegt
fyrir hluthafa félagsins. Henni sem
stjórnarmanni í félaginu ber að hafa
hagsmuni félagsins að leiðarljósi
umfram eigin hagsmuni. Útskýring-
ar hennar sjálfrar um að hún hafi
þurft að selja því hún sé að byggja
sér sumarbúastað eru of lýsandi um
hvar hagsmunir hennar liggja.
Því miður kemur þetta mér ekki
mikið á óvart og í mínum huga var
þetta bara spurning um tíma, hve-
nær upp kæmi hagsmunaárekstur
milli atvinnustjórnarmanna og
annarra hagsmunaaðila hjá skráð-
um félögum.
Ekki góðir stjórnarhættir
Áhersla ákveðins sérhagsmuna-
hóps á innleiðingu góðra stjórnar-
hátta, að hluta, í íslenskt atvinnu-
líf hefur verið áberandi á síðustu
misserum. Ég tala um innleiðingu
að hluta því hugmyndafræðin um
góða stjórnarhætti er góð en birt-
ingarmynd þeirra og áherslur hér
á landi bera þess merki að valið
hafi verið úr það sem þótti henta.
Til hefur orðið ný starfsgrein, sem
ég vil kalla atvinnustjórnarmenn,
sem náð hefur að markaðssetja
réttlætingu þess að lífeyrissjóðir til-
nefni viðkomandi í stjórn á grund-
velli þess að vera það sem kallað er
„óháður“. Þetta sama fólk situr oft
í mörgum stjórnum ásamt því að
vera í fullu starfi og virðast sumir
fagfjárfestar sætta sig við að þetta sé
eitthvert aukastarf sem krefjist ekki
mikils tíma og vinnuframlags. Sam-
hliða hafa stjórnarlaun í skráðum
félögum hækkað um allt að 70%
milli ára og eru meðalstjórnarlaun
um kr. 280.000 á mánuði og oft
tvöfalt það fyrir formann stjórnar.
Ég hef áhyggjur af því að stór hluti
stjórna skráðra félaga á Íslandi verði
samsettar af fólki sem skortir tíma,
hefur takmarkaða framtíðarsýn á
reksturinn, er með litla þekkingu á
því sviði sem fyrirtækið starfar á og
lætur eigin hagsmuni ganga framar
hagsmunum fyrirtækisins.
Á sama tíma sjáum við áherslur
í samsetningu stjórna hjá stórum
erlendum fyrirtækjum vera að þró-
ast í aðra átt. Þar er mikil áhersla
lögð á að samsetning stjórna leiði
saman fólk sem geti náð árangri
saman (e. effective boards) og
lagt er upp úr samspili árangurs
og ábyrgðar í stjórnarherberginu
(e. effectiveness and accountability
in the boardroom). Það á alltaf að
vera meginmarkmið að fyrirtækin
nái sem bestum árangri, hvernig
sem sá árangur kann að vera skil-
greindur af hluthöfum félagsins.
Það að starfa eftir góðum stjórnar-
háttum er jafn sjálfsagt og að fara
eftir lögum og reglum í landinu
og hefur að mínu mati ekkert með
óhæði stjórnarmanna að gera
heldur vegur þar þyngra persónur,
þekking, reynsla og samsetning
stjórnar.
Mér, sem hluthafa í Icelandair
hf. og fjárfesti á íslenskum hluta-
bréfamarkaði, finnst ég geta gert
þá kröfu að fólk sem tekur sæti í
stjórnum skráðra íslenskra fyrir-
tækja og fer þar meðal annars fyrir
öðrum hagsmunum en sínum eigin,
viti betur en svo að selja, í félagi þar
sem það situr í stjórn, á síðasta degi
ársfjórðungsins, það eru ekki góðir
stjórnarhættir.
Ábyrgð stjórnarmanna
Svanhildur
Nanna
Vigfúsdóttir
fjárfestir Útskýringar hennar sjálfrar
um að hún hafi þurft að
selja því hún sé að byggja sér
sumarbústað eru of lýsandi
um hvar hagsmunir hennar
liggja.
GEFÐU ÞÉR TÍMON
Færir þér nauðsynlega sýn
á mannauðinn
i l
i
Tímon.is
5 . o k t ó b e r 2 0 1 6 M I Ð V I k U D A G U r4 markaðurinn
0
5
-1
0
-2
0
1
6

0
4
:2
4
F
B
0
5
6
s
_
P
0
3
5
K
.p
1
.p
d
f
F
B
0
5
6
s
_
P
0
3
4
K
.p
1
.p
d
f
F
B
0
5
6
s
_
P
0
2
2
K
.p
1
.p
d
f
F
B
0
5
6
s
_
P
0
2
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
D
0
-4
2
1
4
1
A
D
0
-4
0
D
8
1
A
D
0
-3
F
9
C
1
A
D
0
-3
E
6
0
2
7
5
X
4
0
0
.0
0
1
8
B

F
B
0
5
6
s
_
4
_
1
0
_
2
0
1
6
C
M
Y
K