Fréttablaðið - 14.09.2016, Blaðsíða 4

NICOTINELL LYFJATYGGIGÚMMÍ
Nicotinell Classic/Fruit/Icemint/Lakrids/Mint/Spearmint/Tropical Fruit lyfjatyggigúmmí. Inniheldur nikótín. Til meðferðar á tóbaksfíkn en lyfið dregur úr nikótínþörf og fráhvarfseinkennum og það auðveldar þar með reykingarfólki sem vill hætta að reykja, að hætta og auðveldar þeim sem ekki geta hætt eða eru tregir til þess, að draga úr
reykingum. Notkun hjá fullorðnum 18 ára og eldri: Tyggið hægt þar til finnst sterkt bragð, látið tyggigúmmíið hvíla á milli kinnar og tannholds, tyggið aftur þegar bragðið dofnar, endurtakið í um 30 mínútur. Ekki má kyngja lyfjatyggigúmmíinu. Skammta skal ákvarða út frá því hversu háður nikótíni einstaklingurinn er. Þú skalt nota
Nicotinell 4 mg ef þú ert með mikla nikótínþörf, reykir fleiri en 30 sígarettur/sólarhring eða ef þér hefur ekki tekist að hætta að reykja með notkun 2 mg lyfjatyggigúmmís. Annars skaltu nota Nicotinell 2 mg ef reykt er minna en 20 sígarettur á sólarhring. Ef þú færð aukaverkanir við notkun stærri skammtsins skaltu íhuga minni skammt
í staðinn. Tyggja skal eitt stykki Nicotinell lyfjatyggigúmmí við reykingaþörf. Venjuleg notkun er 8-12 stykki á sólarhring, þó ekki fleiri en 15 stykki af 4 mg lyfjatyggigúmmíi og 25 stykki af 2 mg lyfjatyggigúmmíi á sólarhring. Þegar hætta á reykingum: Lengd meðferðar er einstaklingsbundin en varir yfirleitt í a.m.k. 3 mánuði, þá skal
draga úr fjölda stk. smám saman. Meðferð skal hætt þegar neyslan er komin niður í 1-2 stk á sólarhring. Þegar dregið er úr reykingum: Nota skal Nicotinell lyfjatyggigúmmí þegar upp kemur reykingaþörf til að lengja reyklaus tímabil og draga þannig úr reykingum eins og mögulegt er. Ef ekki hefur dregið úr fjölda sígaretta á sólarhring
eftir 6 vikur skal leita faglegrar ráðgjafar. Reykingum skal hætt um leið og einstaklingurinn er reiðubúinn til þess, þó ekki síðar en eftir 6 mánaða meðferð. Leita skal faglegrar ráðgjafar ef ekki hefur tekist að hætta reykingum eftir 9 mánaða meðferð. Venjulega er ekki mælt með reglulegri notkun Nicotinell lyfjatyggigúmmís lengur en í
eitt ár. Sumir, sem eru hættir að reykja, gætu þó þurft lengri meðferð til þess að forðast að byrja aftur að reykja. Geyma skal afgangs lyfjatyggigúmmí þar sem reykingaþörf getur skyndilega komið upp aftur. Ráðgjöf getur aukið líkurnar á því að reykingafólk hætti að reykja. Samtímis neysla á súrum drykkjum t.d. kaffi eða svaladrykkjum
getur dregið úr frásogi nikótíns í kinninni. Forðast skal súra drykki 15 mínútum fyrir notkun lyfjatyggigúmmísins. Frábendingar: Einstaklingar sem ekki reykja, eru með ofnæmi fyrir einhverju innihaldsefnanna eða eru yngri en 18 ára eiga ekki að nota Nicotinell lyfjatyggigúmmí. Varnaðarorð og varúðarreglur: Ráðfærðu þig við lækni eða
lyfjafræðing áður en þú notar Nicotinell því ekki er víst þú megir nota lyfið ef þú: hefur fengið einhverja hjarta eða æðasjúkdóma, sykursýki, ofvirkan skjaldkirtil/nýrnahettur, ert með alvarlega skerta nýrna- og/eða lifrarstarfsemi, með bólgu eða sár í munni, koki, vélinda eða maga, barn á brjósti eða ert á meðgöngu. Einstaklingum með
gervitennur og þeim sem eiga í erfiðleikum með að tyggja tyggigúmmí er ráðlagt að nota önnur lyfjaform nikótínlyfja. Sérstakar varúðarreglur varðandi hjálparefni: Nicotinell inniheldur sorbitól (E420): Sjúklingar með arfgengt frúktósaóþol, sem er mjög sjaldgæft, skulu ekki nota lyfið. Tyggigúmmígrunnurinn inniheldur bútýlhýdroxýtólúen
(E321) sem getur valdið staðbundinni ertingu slímhúðar. Inniheldur natríum sem þarf að hafa í huga hjá sjúklingum á saltskertu fæði. Sumar bragðtegundir innihalda auk þess maltitól. Lesið allan fylgiseðilinn vandlega áður en byrjað er að nota lyfið. Sjá notkunarleiðbeiningar í fylgiseðli. Geymið þar sem börn hvorki ná til né sjá.
Jafnvel lítið magn af nikótíni er hættulegt börnum og getur valdið alvarlegum einkennum eða dauða. Markaðsleyfis hafi: Novartis Consumer Health S.A. Umboð á Íslandi: Artasan ehf., Suðurhrauni 12a, 210 Garðabæ
Ertu að hætta að reykja?
Veistu hvaða bragðtegund hentar þér?
Fæst í 6 bragðtegundum!
Nicotinell-6-bragdtegundir-5x10 copy.pdf 1 17/12/15 11:25
Stjórnmál „Guðni Ágústsson
hefði kannski átt að taka Halldór
Ásgrímsson, Steingrím Hermanns-
son og fleiri sér til fyrirmyndar, að
leyfa forystu flokksins að starfa í
friði. Það hafa formenn yfirleitt
gert. Hann er kominn út úr þessu
öllu saman,“ segir Gunnar Bragi
Sveinsson, landbúnaðar- og sjávar-
útvegsráðherra.
Tilefnið er viðtal Fréttablaðsins
við Guðna, fyrrverandi formann
Framsóknarflokksins, í gær þar
sem hann lýsir þeirri skoðun sinni
að Sigmundur Davíð Gunnlaugsson,
formaður Framsóknar, geti skaðað
Framsóknarflokkinn með þrásetu
sinni í embætti. Viðtalið hefur vakið
hörð viðbrögð innan Framsóknar.
Meðal annars hefur Anna Sigurlaug
Pálsdóttir, eiginkona Sigmundar,
tjáð sig um viðtalið og sagt: „Ef mig
misminnir ekki var það [Guðni]
sem sagði að innan Framsóknar-
flokksins gilti heiðursmannasam-
komulag að fyrrverandi formenn
færu aldrei í sitjandi formann. Nýtt
fordæmi hefur verið sett í dag.“
Gunnar Bragi verður í Föstudags-
viðtali Fréttablaðsins síðar í vikunni
og ræðir þar meðal annars stöðuna
sem upp er komin innan flokksins.
Um síðustu helgi tilkynnti Sigurður
Ingi Jóhannsson, varaformaður
Framsóknar og forsætisráðherra, að
hann sæktist ekki eftir stjórnarsetu
í flokknum ef engin breyting yrði
á forystu hans. Það er önnur staða
en var uppi fyrir skömmu þegar
Sigurður sagðist styðja Sigmund og
að ekki kæmi til greina að fara fram
gegn formanninum. Nú er skorað á
Sigurð innan Framsóknarflokksins
að bjóða sig fram gegn formann-
inum.
Íhugar varaformannsframboð
Gunnar Bragi Sveinsson segir að til greina komi að bjóða sig fram til varaformanns Framsóknarflokksins.
Hann mun ekki styðja Sigurð Inga sem formann og telur rétt að Sigmundur Davíð verði áfram í forystu.
Gunnar Bragi Sveinsson tók við embætti sjávarútvegs- og landbúnaðarráðherra af Sigurði Inga Jóhannssyni í apríl á þessu ári.
Hann segir að Framsóknarflokkurinn sé í betri höndum undir stjórn Sigmundar Davíðs Gunnlaugssonar formanns.
FréttaBlaðIð/ErnIr
Gunnar Bragi segist ekki munu
styðja Sigurð Inga til að taka sæti
formanns. „Ég hef sagt það við Sigurð
Inga sjálfan að ég myndi ekki gera
það. Ég tel að flokkurinn sé betur
kominn undir stjórn Sigmundar
Davíðs áfram.“
Allt bendir til þess að Sigurður
Ingi hætti sem varaformaður ef Sig-
mundur Davíð nýtur enn stuðnings
sem formaður. Gunnar Bragi er að
velta fyrir sér varaformannsfram-
boði komi sú staða upp. „Þessa dag-
ana erum við að reyna að átta okkur
á því hver ætlar að leiða flokkinn, og
ég er sannfærður um að það er Sig-
mundur Davíð. Ég myndi gjarnan
vilja að Sigurður Ingi yrði þar áfram
en ef ekki, þá myndi ég hugsa um
það. Þú spurðir mig beint þannig að
ég er að reyna að svara þessu heiðar-
lega. Ég myndi velta þessu fyrir mér
eins og margir aðrir.“
snaeros@frettabladid.is
HeilbrigðiSmál Myglusveppa-
þolendur sem vegna eitrunar hafa
þurft að láta hreinsa allt innbú sitt
segjast vera sviknir af fyrirtækjum
sem lofi hundrað prósent árangri
með ósonhreinsun.
Gunnlaugur Bjarnason lét óson-
hreinsa hluta af innbúi sínu eftir að
hafa verið í leiguíbúð með myglu-
svepp. „Hreinsunin gekk í sjálfu sér
vel en ég og sonur minn fengum
mikinn hausverk, flökurleika og
slappleika af lyktinni. Ég endaði á
að henda rúmdýnu og hluta af föt-
unum vegna þessa,“ segir hann.
Í hópi þolenda myglusvepps
á Facebook lýsa margir reynslu
sinni og vonbrigðum með óson-
hreinsun. Þar á meðal kona sem
sendi bréf til Umhverfisstofnunar
til að leita svara um ósonhreinsun. Í
bréfinu segir hún að fyrirtækið sem
hún átti viðskipti við sé að nýta sér
neyð fólks sem gerir hvað sem er til
að bjarga innbúi sínu enda ótryggt
með öllu. Innbú hennar sé aftur á
móti í verra standi en áður vegna
óþefs sem best sé lýst sem megnri
efnalykt.
Í svari Umhverfisstofnunar við
bréfi konunnar segir að fleiri mál
er varða ósonhreinsun á myglu séu
til skoðunar. Einnig að álit stofnun-
arinnar sé að starfsemin skuli vera
starfsleyfisskyld og undir eftirliti
hjá heilbrigðiseftirlitinu, en ekk-
ert eftirlit er nú með hreinsuninni.
Óson sé varasamt efni og þurfi að
meðhöndla af kunnáttu og var-
færni. – ebg
Myglusveppaþolendum gefnar falskar vonir
Þeir sem hafa búið í íbúð með myglusvepp geta í mörgum tilfellum ekki haldið bú-
slóð sinni þótt farið sé í nýtt húsnæði þar sem myglugró festast í fötum og innbúi.
norDIcPHotoS/GEtty
UmHverfiSmál Bæjarráð Mosfells-
bæjar segist að svo stöddu ekki
sjá ástæðu til samstarfs við félagið
Villiketti um átak til að halda villi-
köttum í skefjum með geldingum í
stað eyðingar.
Að því er fram kemur í umsögn
umhverfisstjóra Mosfellsbæjar
hafa villikettir ekki verið vandamál
í Mosfellsbæ undanfarin ár þótt
vitað sé um einstaka tilvik.
„Talsvert var um villiketti í Mos-
fellsbæ fyrir nokkrum árum þegar
hitaveitustokkur var í notkun, en það
skapaði kjöraðstæður fyrir villiketti
þannig að þeim fjölgaði. Í samþykkt
Mosfellsbæjar um kattahald segir að
bæjaryfirvöld skuli gera ráðstafanir
til útrýmingar á villiköttum. Til slíkra
aðgerða hefur ekki þurft að grípa í
Mosfellsbæ síðastliðin ár.“ – gar
Hafna samstarfi
við Villiketti
HeilbrigðiSmál Síðan árið 2014
hafa Landspítalinn og Sjúkrahúsið
á Akureyri endurnýjað tæki fyrir
rúmlega fjóra milljarða króna. Gert
er ráð fyrir að það sem eftir lifir árs
verði tæki keypt fyrir tæpar 604
milljónir til viðbótar.
Þetta er meðal þess sem kemur
fram í svari heilbrigðisráðherra við
fyrirspurn Vigdísar Hauksdóttur,
þingmanns Framsóknarflokksins
og formanns fjárlaganefndar.
Útlit er fyrir að Landspítalinn
muni kaupa fyrir hálfum milljarði
meira en áætlanir gerðu ráð fyrir.
Í svarinu kemur fram að þar sem
kostnaður var hærri en fjárheimild
hafi mismunurinn verið greiddur
af rekstrarfé stofnananna. Við kaup
Landspítalans á tveimur hjarta-
þræðingartækjum, aðgerðaþjarka
og sjúkrarúmum naut spítalinn
einnig góðs af gjafafé. – jóe
Endurnýja tæki
fyrir milljarða
landspítalinn naut góðs af gjafafé við
endurnýjun á tækjum.
FréttaBlaðIð/VIlHElm
Villiköttur í góðum gír.
norDIcPHotoS/GEtty
Ég tel að flokkurinn
sé betur kominn
undir stjórn Sigmundar
Davíðs áfram.
Gunnar Bragi Sveins-
son, landbúnaðar-
og sjávarútvegs-
ráðherra
1 4 . S e p t e m b e r 2 0 1 6 m i ð v i K U D A g U r4 f r é t t i r ∙ f r é t t A b l A ð i ð
1
4
-0
9
-2
0
1
6

0
3
:4
4
F
B
0
4
8
s
_
P
0
4
5
K
.p
1
.p
d
f
F
B
0
4
8
s
_
P
0
4
0
K
.p
1
.p
d
f
F
B
0
4
8
s
_
P
0
0
4
K
.p
1
.p
d
f
F
B
0
4
8
s
_
P
0
0
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
8
F
-B
B
A
C
1
A
8
F
-B
A
7
0
1
A
8
F
-B
9
3
4
1
A
8
F
-B
7
F
8
2
7
5
X
4
0
0
.0
0
1
3
B

F
B
0
4
8
s
_
1
3
_
9
_
2
0
1
6
C
M
Y
K