Fréttablaðið - 30.11.2016, Qupperneq 2

Veður
Hægur vindur og stöku skúrir eða él, en
þurrt á Austurlandi. Frost 0 til 7 stig, en
hiti 0 til 5 stig sunnan heiða. Norðaustan
8-15 m/s og éljagangur við norður-
ströndina seint í dag. sjá síðu 22
Vatni var sprautað á Ingólfstorg í gær en þar verður opnað skautasvell sem verður svo opið fram eftir desembermánuði. Svellið mun vafalítið setja
mikið mark á bæjarbraginn eins og venja er. Sennilegast veitir ekki af enda dimmasti mánuður ársins að fara í hönd. Fréttablaðið/Ernir
AÐALFUNDUR
Golfklúbbsins Odds 8. desember
Aðalfundur Golfklúbbsins Odds verður haldinn í golfskálanum í
Urriðavatnsdölum fimmtudaginn 8. desember kl. 20.
Dagskrá:
1. Skýrsla stjórnar um störf og framkvæmdir á liðnu starfsári.
2. Kynning á endurskoðuðum ársreikningi félagsins.
3. Umræður um skýrslu stjórnar og ársreikning sem síðan skal
borinn upp til samþykktar.
4. Umræður og atkvæðagreiðsla framkominna tillagna skv. 19. gr.
ef einhverjar eru.
5. Afgreiðsla tillagna til lagabreytinga.
6. Ákveðið árgjald og önnur gjöld fyrir næsta starfsár.
Fjárhagsáætlun næsta árs kynnt.
7. Kosning stjórnar og varamanna í stjórn.
8. Kosning tveggja skoðunarmanna reikninga og eins til vara.
9. Önnur málefni ef einhver eru.
Félagsmenn eru hvattir til að mæta,
Stjórn Golfklúbbsins Odds.
 Opnun Ingólfssvells undirbúin
samfélagsmál Sjálfboðaliðar á
Akureyri hafa síðasta mánuðinn
kennt sýrlenskum flóttamönnum
íslensku í frítíma sínum. Verkefnið
hefur gengið vel að mati verkefna-
stjóra um móttöku flóttafólks
hjá Rauða krossinum. Þetta tengi
saman fólk af ólíkum uppruna og
þétti tengslanet nýrra Akureyringa.
„Þetta er frábær leið til að kynn-
ast fólki og einnig finnst manni eins
og maður sé að gera gagn,“ segir
Hrönn Björgvinsdóttir, einn sjálf-
boðaliða Rauða krossins.
Hún hefur í rúman mánuð kennt
sýrlenskri konu íslensku með
ágætum árangri. „Þau eru auðvitað
í skóla á kvöldin þar sem þeim er
kennd íslenska. Þetta er bara ofan
á það nám,“ segir Hrönn og bætir
við að þær hittist til skiptis heima
hjá hvor annarri og spjalli fyrst um
daginn og veginn áður en þær fari í
íslenskuna.
„Ég er í fæðingarorlofi og hún
heimavinnandi. Mér finnst við hafa
tengst vel og erum ágætis vinkonur
í dag. Til þess er leikurinn kannski
gerður,“ segir Hrönn.
Ingibjörg Elín Halldórsdóttir,
verkefnastjóri um móttöku flótta-
fólks hjá Rauða krossinum í Eyja-
firði, segir verkefnið hafa gengið
mjög vel. Rauði krossinn hafi
ákveðið að auglýsa eftir sjálfboða-
liðum þar sem áhugi flóttamann-
anna á aukakennslu í íslensku var
töluverður. „Viðtökurnar voru mjög
góðar og nú höfum við sjö sjálf-
boðaliða sem vilja kenna íslensku
í frítíma sínum. Verkefnið hefur
gengið vel og ný vinatengsl hafa
myndast sem er mjög mikilvægt.“
Alls komu 26 sýrlenskir flótta-
menn til Akureyrar í janúar á þessu
ári. Að sögn Akureyrarbæjar hefur
ágætlega gengið fyrir fólkið að
aðlagast breyttu lífi. Líklegt þykir
að í hópinn á nýju ári bætist fimm
manna fjölskylda sem hefur verið á
flótta í um fjögur ár.
„Við reynum allavega að hafa
þetta praktískt,“ segir Hrönn. „Við
reynum að tala um það hversdags-
lega til að styrkja þann orðaforða.
Þannig aðlagast vonandi fólkið
betur og getur notað íslenskuna til
að tjá sig.“ sveinn@frettabladid.is
Kenna flóttamönnum
íslensku í frítíma sínum
Sjö sjálfboðaliðar á Akureyri stunda nú það að kenna sýrlenskum flóttamönn-
um íslensku í frítíma sínum. Verkefnastjóri hjá Rauða krossinum segir verkefnið
ganga vel og ný vinasambönd hafi myndast milli Sýrlendinga og Íslendinga.
Vinátta hefur tekist á milli Joumanaa og Hrannar. Kennslan hefur stundum siglt í strand
vegna tungumálaörðugleika en þeim skiptum fer ört fækkandi. Fréttablaðið/auðunn
stjórnmál „Við værum til í að tala
við þau,“ segir Benedikt Jóhannes-
son, formaður Viðreisnar. Katrín
Jakobsdóttir, formaður VG, og
Bjarni Benediktsson, formaður
Sjálfstæðisflokksins, ætla að kanna
möguleikann á samstarfi flokk-
anna tveggja í ríkisstjórn  og hafa
tilkynnt forseta það. Forsetinn
upplýsti um þetta á vefsíðu sinni í
gær. Þau verða hins vegar að leita
samstarfs við fleiri flokka. Bene-
dikt segist til búinn fyrir sitt leyti til
þess að kanna grundvöll fyrir því að
Viðreisn og Björt framtíð taki þátt í
þessum viðræðum. – jhh
Bjarni og Katrín
ræðast við
Guðna th.
Jóhannessyni,
forseta Íslands
umhverfismál Náttúruverndar-
samtökin Landvernd og Fjöregg
hafa stefnt íslenska ríkinu vegna
vanefnda á að friðlýsa ákveðin
svæði í Skútustaðahreppi. Segja
samtökin að ljúka hefði átt frið-
lýsingunum fyrir tæpum níu árum
samkvæmt ákvæðum laga um
verndun Mývatns og Laxár. Fæst
svæðanna hafi þó enn verið friðlýst.
Meðal þeirra svæða sem ekki hafi
verið friðlýst séu svæði þar sem ógn
stafar af ágangi ferðamanna, eins
og við Hverarönd og Leirhnjúk,
og svæði sem deilur um lagningu
háspennulína hafa staðið um, það
er Leirhnjúkshraun. – jhh
Stefna ríkinu
vegna vanefnda
samgöngumál Flugfélagið Primera
Air hefur enn ekki greitt út bætur til
farþega vegna tafa á flugi frá Tener-
ife til Keflavíkur þann 26. ágúst í
fyrra. Samgöngustofa, sem gerði
fyrirtækinu skylt að greiða þessar
bætur, hefur því ákveðið að leggja
dagsektir á flugfélagið.
Flugferðin sem um ræðir
vakti  mikla athygli fyrir gífurlega
seinkun. Ferðalagið frá Tenerife til
Keflavíkur, sem alla jafna tekur um
það bil  fimm klukkustundir  tók
rúman sólarhring. Flugfélagið hugð-
ist upphaflega engar bætur greiða
vegna seinkunarinnar, en farþegar
voru sumir hverjir ósáttir og kvört-
uðu til Samgöngustofu. – sa
Leggja
dagsektir á
Primera Air
Flugvél Primera air á reykjavíkurflug-
velli. Fréttablaðið/Hörður SVEinSSon
Verkefnið hefur
gengið vel og ný
vinatengsl hafa
myndast sem
er mjög
mikilvægt.
Ingibjörg Elín
Halldórsdóttir, verk-
efnastjóri um móttöku
flóttafólks á Akureyri
3 0 . n ó v e m b e r 2 0 1 6 m i ð v i K u D a g u r2 f r é t t i r ∙ f r é t t a b l a ð i ð
3
0
-1
1
-2
0
1
6

0
4
:1
2
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
5
5
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
F
B
0
5
6
s
_
P
0
0
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
7
A
-A
B
5
C
1
B
7
A
-A
A
2
0
1
B
7
A
-A
8
E
4
1
B
7
A
-A
7
A
8
2
7
5
X
4
0
0
.0
0
1
1
B

F
B
0
5
6
s
_
2
9
_
1
1
_
2
0
1
C
M
Y
K