Víkurfréttir - 30.01.1986, Blaðsíða 12
12
Fimmtudagur 30. janúar 1986
VIKUR-fréttir
a
leið
Ertu
tii útlano
'p
u
Útvegsbankinn hefur
að baki áratuga reynslu
i gjaldeyrismálum og
býður upp á 5 gerðir
af ferðatékkum. Auk
þess tékka i öllum
gjaldmiðlum.
Allt afgreitt á meðan
þér bíðiö, - að sjálfsögðú
Útvegsbankinn býður
eftirtalda gjaldmiðla i
ferðatékkum:
bandaríkjadali
steríingspund
V-þýsk mörk
peseta
hollenskar flórínur (nýtt)
Aðrir gjaldmiðlar afgreiddir i tékkum.
ÚTVEGSBANKINN
EINN BANKI • ÖLL ÞJÓNUSTA
Hafnargötu 60 - Simi 1199
Keflavik
Að sigra sorg
Sorgin er aldrei velkominn
gestur, en þó svo mikill og
raunverulegur hluti af lífi okk-
ar manna. Eina staðreyndin
sent við vitum með vissu í líf-
inu, er að við munum deyja.
Allir deyja einhvern tíma.
Engin mannleg reynsla getur
svo umturnað lífinu sem sorg
við andlát ástvinar. Það er eins
og hluti af manni sé farinn,
maður er ekki heill lengur.
Vilhjálmur Vilhjálmsson,
heitinn, skráði svo vel tilfinn-
ingar sínar rétt fyrir sitt eigið
andlát:
Mér finnst ég varla heill né hálfur
[maður
og heldur ósjálfbjarga, því er ver.
Ef værir þú hjá mér, vildi’ ég
[glaður
verða betri en ég er.
Eitt sinn verða allir menn að deyja
eftir bjartan daginn kemur nótt.
Eg harma það, en samt ég verð að
[segja,
að sumarið líður allt of fljótt.
Sumir vita hvers þeir mega
vænta er þeir ganga inn í
dimman dal sorga, en flest
okkar hafa litla sem enga hug-
mynd um hvernig vistin þar er.
Ótti grípur um okkurog kvíði,
stundum finnst okkur sem við
séum alveg að missa glóruna.
Ef slíkar tilfinningar hafa
komið við hjá þér, þá leyf mér
Alþýðuflokkurinn í Njarðvík:
Prófkjör
Alþýðuflokksfélag Njarðvíkur hefur ákveðið að
viðhafa prófkjör við val á frambjóðendum flokks-
ins vegna bæjarstjórnarkosninga í júní 1986.
Prófkjörið mun fara fram í febrúar 1986.
Kosningarétt í prófkjörinu hafa allir alþýðuflokks-
menn svo og allir stuðningsmenn flokksins sem eru
18 ára eða eldri.
Hér með er auglýst eftir frambjóðendum á próf-
kjörslistann.
Frambjóðendur skulu vera kjörgengir í Njarðvík
við bæjarstjórnarkosningarnar 1986 og hafa skrif-
leg meðmæli 10 flokksbundinna alþýðuflokks-
manna.
Framboðsfrestur er til kl. 22 sunnudaginn 9. feb.
'86. Framboðum skal skila til formanns Alþýðu-
flokksfélagsins, Hilmars Hafsteinssonar, Hæðar-
götu 13, Njarðvík, eða Ásmundar Jónssonar,
Hlíðarvegi 60, Njarðvík.
Prófkjörsnefnd Alþýðuflokksins.
að fullvissa þig að sorgin er
eðlileg og heilbrigð viðbrögð
við miklum missi. Sorgin er til-
raun okkar til þess að græða
sárin - að verða heill aftur. Það
er engin ein aðferð til þess að
syrgja. Hver einstaklingur er
sérstakur og mun syrgja á sinn
sérstaka hátt og Guð vill
lækna hann persónulega.
Er lost guðlegt
deyfílyf?
En þó svo að engir tveir ein-
staklingar syrgi eins, þá eru
ýmsir þættir algengir meðal
syrgjenda. Eg hika við að kalia
þetta stig eða þrep sorgar,
heldur frekar að kringumstæð-
ur leiða okkur frá einum við-
brögðum til annarra, oft án
nokkurrar ástæðu né skýr-
ingar.
Lost eða máttleysi er ein af
fyrstu reynslum sorgar. Sumir
telja að þetta lost vari frá
tveimur tímum til tvo daga, en
ég veit um fólk sem var í losti
jafnvel vikum eftir andlát ást-
vinar. Þeim er það svo til
ómögulegt að muna hvað
gerðist vikurnar eftir andlátið.
Það má vel vera að lost sé guð-
legt deyfilyf, ef svo má segja,
sem kemur í veg fyrir bráðan
dauða, þegar við fréttum af
andláti vinar.
Einn varnarleikur manns-
ins við andlátsfregn, er þrálát
vantrú. Sumir sérfræðingar
kalla þetta neitun. En þessi
viðbrögð koma fram mjög
fljótlega eftir andlátsfregn.
Ung stúlka fór á sjúkrahús-
ið til að vitja föður síns. Hún
vissi ekki að hann var þegar
látinn. Starfsfólk sjúkrahúss-
ins og aðstandendur höfðu
reynt að ná sambandi við
hana, en tókst ekki, þar sem
hún var á leið til sjúkrahúss-
ins. Hún leit inn um glugga á
gjörgæslunni og sá fjölskyld-
una þar umhverfis sjúkrarúm-
ið. Presturinn var þar einnig.
Hennar fyrstu viðbrögð voru
að hlaupa út úr sjúkrahúsinu
svo enginn gæti sagt henni
fréttirnar. Ef enginn segði
henni neitt, þá þyrfti hún ekki
að trúa því. Fyrir henni voru
neitun og lost viðbrögð sem
komu fram samstundis og hún
gerði sér grein fyrir andláti
föður síns.
Reiði algeng
viðbrögð
Margir verða haldnir mikl-
um ótta og kvíða sem heltekur
þá og lamar. Sumir kvíða því
næsta sem gerist í lífi þeirra,
aðrir óttast einmanaleikann
og enn aðrir segjast óttast
myrkrið.
Reiði er mjög algeng við-
brögð sorgar. Fólk getur verið
reitt út í lækninn, hjúkrunar-
konurnar eða sjúkrahúsið,
prestinn, einstaklinginn sem
dó, eða jafnvel sjálfan sig. Það
er einnig nokkuð algengt að
syrgjendur séu reiðir út í Guð.
Þriggja barna móðir hafði
misst nána ástvini hvað eftir
annað á mjög skömmum tíma.
Síðast dó yngsti sonur hennar.
Hún var ákaflega reið út í
Guð, en safnaðarsystkini
hennar skömmuðu hana fyrir
slíkar tilfínningar. Þvílíkur
léttir var það henni þegar hún
loksins uppgötvaði að Guð
hefur jafn mikinn áhuga á að
hlusta á reiði hennar eins og
gleði hennar. Hún hitti ein-
stakling sem leyfði henni að
láta reiðina í Ijós, hún talaði
einnig við Guð um reiðina, - og
árangurinn? - Sættir við Guð.
Lífíð úr fókus
Þegar neitun og reiði bera
engan árangur og þegar reynt
hefur verið að fá loforð frá
Guði án þess að tapið sé bætt,
leggjast margir í þunglyndi.
Þetta einkennist af tilfinning-
um vonleysis, hjálparleysis,
örvæntingar, uppgjafar, á-
hugaleysis eða ákafrar leitar
að hinum látna. Sumir missa
matarlystina, geta ekki sofíð
og hafa ekki áhuga á neinu
nema hinum látna. Höfuð-
verkur, bakverkur, þyngsli
fyrir brjósti, að maturinn
bragðast eins og sandur,
munnþurrkur og flökurleiki,
er reynsla margra. Þeir geta
ekki einbeitt sér að neinu nema
þeim ástkæra sem nú er horfi-
inn. Hæfileiki þeirra til að
vinna skipulega virðist gjör-
samlega horfinn. Eg held að
besta hugtakið til þess að lýsa
þessu ástandi sé: ,,að lífið sé úr
fókus“.
Þessar tilfinningar og lík-
amsástand sem við höfum lýst
hér, eru ósköp eðlileg við-
brögð við andlát ástvinar. En
er tíminn líður og einstakling-
urinn fær góðan stuðning þar
sem hann getur látið tilfinn-
ingar sínar í Ijós og tjáð sökn-
uðinn, þá hverfur þessi níst-
andi sorg og lækning - sigur á
sorginni - verður trúanlegur
raunveruleiki.
Lækning sorgarinnar er
ekki beint strik upp á við, það
koma tímar þegar sorgin virð-
ist hellast yfír mann aftur.
Hátíðisdagar og afmæli hafa
sérstakan hæfileika til þess að
ýfa upp gömul sár, en sorgin
verður ekki eins þungbær og
fyrr, því sárin eru byrjuð að
gróa.
Við ættum ekki að forðast
sorg eða líta fram hjá henni.
Fyrr eða síðar fáum við að
finna fyrir henni. En til þeirra
sem hafa misst ástvin við and-
lát eða fráskilnað og til þeirra
sem standa andspænis sínum
eigin dauða, vil ég segja: „Leyf-
ið sorginni að koma, hún er
þér lækning".
Þröstur B. Steinþórsson
Vantar umferðarmerki
Daglegur vegfarandi um
Miðnesheiði hringdi:
„Ég er sammála því sem
fram kom í blaðinu nýlega,
að hestamenn eigi að bera
endurskinsmerki þar sem
nauðsynlegt reynist oft að
ríða meðfram veginum. En
á þessum kafla, frá hest-
húsahverfinu að Sandgerð-
isafleggjara og þaðan út í
Keflavík, mætti hiklaust
setja upp u'mferðarmarki
sem sýndu ríðandi umferð,
og einnig merki um að þessi
afleggjari væri leiðin út í
Sandgerði. Ókunnugir aka
oft framhjá honum og út í
Garð.
Einnig bið ég ökumenn
sem þarna aka, að taka tillit
til hestamanna og hægja
aðeins ferðina á ökutækj-
um sínum“.