Morgunblaðið - 04.11.2015, Qupperneq 33

gerði, ekkert gat breytt því hvað
þér fannst um mig. Þú varst allt-
af stoltur af mér. Ég var alltaf
Rakel þín, stelpan þín. Án þín
væri ég ekki sú sem ég er í dag.
Elsku afi. Ég sé þig fyrir mér
í stólnum þínum í eldhúsinu,
með hendur krosslagðar yfir
bringu að spjalla við mig og
segja mér sögur. Snúast í kring-
um mig og litlu langafa-
stelpurnar þínar, eins og þú
snérist í kringum mig þegar ég
var lítil. Ég gæfi allt til að fá
eina svona stund í viðbót, eitt
spjall, einn kaffibolla, eitt faðm-
lag, einn hlátur. Ég veit samt að
einu sinni enn eða þúsund sinn-
um enn væri aldrei nóg.
Elsku afi. Minningarnar eru
óteljandi og bíð ég þess að geta
hugsað um þær með eingöngu
gleði í hjarta. Að horfa á þig úr
glugganum í Lundi spenna belt-
ið yfir nestispokann þinn og
vinka til mín bless þegar þú
varst á leiðinni í vinnuna, að
bjarga mér frá köngulóm og
hrossaflugum, að segja mér aft-
ur og aftur söguna af Búkollu,
þegar þú kenndir mér að tefla,
þegar þú kenndir mér stjörnu-
merkin, þegar við fórum saman í
skólagarðana og elduðum svo
bestu kjötsúpu í heimi, að
ferðast um landið mér þér og
ömmu á sumrin, við að prófa
hvaða morgunkorn væri gott út í
súrmjólk, þegar þú borðaðir
graspönnuköku, þegar þú leyfð-
ir mér að horfa á þig raka þig og
plat-rakaðir mig svo líka, þú að
hlúa að mér þegar ég meiddi
mig og fullvissa mig um að þetta
myndi gróa áður en ég gifti mig,
þegar þú spilaðir fyrir mig lög á
harmonikkuna, útilegur, sum-
arbústaðaferðir og alltaf tvö
ópal, svo ég pipri nú ekki. Jól,
áramót, afmæli og heimsóknir.
Og auðvitað öll símtölin. Ótelj-
andi stundir þar sem spjallað
var um daginn og veginn. Minn-
ingabrot sem spanna alla mína
ævi.
Elsku afi. Þú varst svo séður
og uppfinningasamur. Alltaf að
láta þér detta eitthvað hug til að
bæta hitt og þetta. Þú varst góð-
hjartaður, glaðlyndur, víðlesinn,
hnyttinn og alltaf stutt í brosið.
Best var þó að fá þig til að hlæja
því þá þurftirðu að halda utan
um munninn svo að tennurnar
dyttu ekki út. Það er þér til
manns að horfa á fjölskylduna
þína og sjá hversu mikilvægur
og góður þú varst okkur öllum.
Ást okkar á þér er þín arfleið og
segir allt sem segja þarf um
þann mann sem þú hafðir að
geyma.
Elsku afi. Ég verð ævinlega
þakklát fyrir þá blessun að hafa
fengið að vera afastelpan þín.
Ástar- og saknaðarkveðjur.
Að eilífu.
Afastelpan þín,
Rakel Huld, Elías Þór og
langafastelpurnar Ísabella
Emma og Amilía Ísold.
Baldur Jónasson, góður bróð-
ir og frændi, er látinn. Baldur
var bóndasonur og var um tíma
sjálfur bóndi á Klungurbrekku í
fæðingarsveit sinni, Skógar-
strönd. Sveitin togaði alltaf í
hann þó að hann byggi lengst af
í þéttbýlinu. Það var kannski
ekki tilviljun að fjölskyldan bjó
lengi að Lundi í Kópavogi, sem
var eins konar sveit í borg. Það
var alltaf skemmtilegt að sækja
Baldur, Huldu og dæturnar
heim. Heimilisbragurinn ein-
kenndist af hlýju og léttleika.
Allir voru velkomnir og okkur
leið alltaf vel eftir slíkar heim-
sóknir.
Baldur var sögumaður og
frásagnarlist var náðargáfa sem
hann bjó yfir í ríkum mæli. At-
burðir sem í munni annarra
hefðu virkað hversdagslegir
urðu spennandi og áhugaverðir í
frásögn Baldurs. Á yngri árum
starfaði hann víða til sjávar og
sveita og kynntist mörgu áhuga-
verðu og stundum sérkennilegu
fólki sem varð honum efniviður í
ótal sögur. Þó að söguhetjurnar
hefðu stundum komið sér sjálfar
í klandur gerði Baldur aldrei lít-
ið úr nokkrum manni en dró
fram það skrítna og skemmti-
lega í fari fólks. Hann læddi inn
í frásögnina lágstemmdri kímni
sem magnaðist eftir framvindu
sögunnar.
Tónlistin var ástríða Baldurs.
Hann var góður harmonikku-
leikari og lék á yngri árum fyrir
dansi við margvísleg tilefni.
Hann hafði gaman af því að taka
í nikkuna og skemmta fólki.
Baldur hlustaði mikið á klass-
íska tónlist og átti góð hljóm-
flutningstæki. Hann var svolítill
dellukarl þegar kom að harm-
onikkum og góðum græjum.
Þegar Baldur var á besta
aldri lenti hann í slæmu vinnu-
slysi og þurfti að fást við afleið-
ingar þess æ síðan. Það var
áberandi að þó að hann væri illa
haldinn og sárþjáður eftir slysið
sáum við hann aldrei kvarta eða
kveinka sér. Baldur sá alltaf já-
kvæðar hliðar lífsins og tókst á
við erfiðleika með karlmennsku
og léttri lund. Við minnumst
góðra samvista við Baldur með
söknuði og trega og sendum
okkar bestu samúðarkveðjur til
Huldu, Kris, Rúnu, Ingu Fjólu
og fjölskyldna.
Lilja Soffía, Lára Jóna,
Sigurður Helgi og Dagný.
MORGUNBLAÐIÐ MIÐVIKUDAGUR 4. NÓVEMBER 2015
Atvinnuauglýsingar
Blaðberar
Áhugasamir hafi samband
við Kristrúnu í síma 862 0382
Morgunblaðið óskar eftir
blaðbera í
Ytri Njarðvík
Raðauglýsingar
Raðauglýsingar
Félagsstarf eldri borgara
Aflagrandi 40 Opin vinnustofa og postulínshópur II kl. 9.
Útskurðarhópur II og postuínshópur III kl. 13. Söngstund við píanóið
með Helgu Gunnarsdóttur tónmenntakennara kl. 13.45 og Bókaspjall
GuðnaTh. Jóhannessonar kl. 15.10. Námskeið í Brennu-Njáls sögu kl.
16. Kennari er Kristín Jónsdóttir íslenskufræðingur. Skráning:
kristinj@mr.is
Árskógar 4 Opin smíðar/ útskurður. kl: 09:00-16:00. Handavinnu-
stofa/ leiðb. kl. 09:00-16:00. Stóladans með Þóreyju kl. 10:00-10:40.
Opið hús/ m.a. spilað vist og bridge 13:00-16:00. Ljósbrotið-
prjónaklúbbur með Guðnýju Ingigerði.
Boðinn Handavinna kl. 9-16 (efri sal kl. 13-16), vatnsleikfimi kl. 9.30
og 9.40, Bónusrútan kl. 13 og hugvekja presta kl. 14.
Bólstaðarhlíð 43 Spiladagur, boccia kl. 10:40, og glerlist kl. 13:00.
Bústaðakirkja Félagsstarfið er á sínum stað á miðvikudögum kl. 13.
Það verður helgistund í kirkjunni um kl. 14.30 í tilefni af allraheilagra-
messu. Jónas Þórir kantor kemur í heimsókn með góðan gest með
sér. Kaffi og hjartahlýja. Starfsfólk Bústaðakirkju.
Dalbraut 18-20 Verslunarferð í Bónus kl. 14.40.
Dalbraut 27 Handavinnustofa kl. 8.
Furugerði 1 Morgunmatur klukkan 8.10-9.10. Botsía klukkan 10.30.
Hádegismatur 11.30-12.30. Samverustund klukkan 14. Kaffi 14.30-
15.30. Kvöldmatur kl. 18-19. Nánari upplýsingar í síma 411-2740.
Garðabær Stólaleikfimi fyrir konur og karla í Sjálandi kl. 9.10,
kvennaleikfimi í Sjálandi kl. 10 og í Ásgarði kl. 11, bútasaumur og
brids í Jónshúsi kl.13, leir og gler í Kirkjuhvoli kl. 16.
Gerðuberg Handavinnustofa kl. 9-12. Útskurður með leiðbeinanda
kl. 9-16. Söngur og dans kl. 10.30, Leikfimi með Sigga Guðmunds á
skjánum kl. 11. Félagsvist kl. 13. Steinamálun með leiðbeinanda kl.
13-15. Skorið úr pappa með leiðbeinanda kl. 13-16, hægt að gera
margt sniðugt s.s. ýmis konar öskjur og byggingar.
Gjábakki Handavinna kl. 9, botsía kl. 9.30, glerlist kl. 9.30, félagsvist
kl. 13 og gler- og postulínsmálun kl. 13.
Grensáskirkja Samvera eldri borgara í safnaðarheimilinu kl. 14.
Allir velkomnir.
Guðríðarkirkja Félagsstarf fullorðina í Guðríðarkirkju
miðvikudaginn 4.nóv. kl:12:00 Fyrirbænastund. Hægt er að hafa
samband við Guðríðarkirkju með fyrir bænaaefni í síma 5777770 eða
netfangið kirkjuvordur@grafarholt.is. Eftir stundina verður boðið upp
á svið, kartöflustöppu og rófustöppu á 1000 krónur. Óttar
Guðmundsson geðlæknir kemur í heimsókn til okkar.Leikfimi.
Myndasýning. Kaffisopi í lokin.
Gullsmári Myndlist kl 9, Ganga kl. 10, Postulínsmálun kl. 12.30,
kvennabrids kl. 13, Línudans kl. 16.30, Línudans byrjendur kl. 17.30.
Hraunbær 105 Kaffiklúbburinn. allir velkomnir í kaffi kl. 8.30. Opin
handavinna, leiðbeinandi kl. 9. Morgunleikfimi kl. 9.45. Hádegismatur
kl. 11.30. Frjálst spil kl. 13.
Hvassaleiti 56 - 58 Félagsmiðstöðin er opin kl. 8 - 16, morgunkaffi
og spjall til kl. 10.30, blöðin, púsl og tafl liggja frammi. Léttar aerobic
æfingar kl. 9, morgunleikfimi kl 9.45. Samverustund kl. 10.30, lestur
og spjall, matur kl. 11.30, baðþjónusta fyrir hádegi. Handavinnuhópur
kl. 13, línudans kl. 13.30, kaffi kl. 14.30, fótaaðgerðir,hársnyrting.
Hæðargarður 31 Við hringborðið kl. 8.50, ganga kl. 10, upples-
trarhópur Soffíu kl. 9.45 línudans fyrir byrjendur kl. 10.15, hláturjóga
kl 13. Gunnhildur Hrólfsdóttir kynninr bók sína ,,Þær þráðinn spunnu"
kl. 14.30, tálgun í ferskan við með Valdóri kl. 14.30, síðdegiskaffi kl.
14.30, nánar í síma 411-2790.
Íþróttafélagið Glóð Hringdansar og línudans falla niður í dag vegna
jarðafarar.
Korpúlfar Glerlistanámskeið kl. 9 í Borgum, stjórnarfundur kl. 10 í
Borgum, gönguhópar kl. 10 frá Borgum, Keila kl. 10 í Egilshöll, Ga-
man saman kl. 13 í Borgum og LJÓÐAVEISLA ALDREI SKAL ÉG
GLEYMA ÞÉR hefst kl. 13.30 í dag á vegum framsagnarhóps Korpúlfa,
leiðbeinandi Sigurður Skúlason, Guðrún Jóhanna Jónsdóttir
söngkona syngur. Allir velkomnir. Kaffi og Rósu pönnukökur og fleira
fyrir þá sem vilja.
Laugarból Nýtt í Ármanni: Leikfimi fyrir 50+ og eldri borgara. Leik-
fimi kl. 11 mánudaga, þriðjudaga, miðvikudaga og fimmtudaga.
Fjölbreyttar æfingar. Allir velkomnir.
Neskirkja Krossgötur kl. 13.30. Þjónandi forysta og auðmýkt í fari
leiðtogans. Sigrún Gunnarsdóttir fjallar um efnið, en hún er lektor í
hjúkrunarfræði og hefur unnið að málefnum þjónandi forystu á
Íslandi. Kaffiveitingar.
Norðurbrún 1 Morgunkaffi kl. 8.30, trésmiðja kl. 9-12, morgun-
leikfimi í borðsal kl. 9.45, viðtalstími hjúkrunarfræðings kl. 10-12,
upplestur kl. 11, félagsvist kl. 14, ganga með starfsmanni kl. 14,
Bónusbíllinn kl. 14.40, opin samvera kl. 16.
Selið Kaffi og dagblöð kl. 8.30, tölvur kl. 10, hádegisverður kl. 11.30,
handavinna kl. 13 og síðdegiskaffi kl. 14.30. MInnum á að
félagsmiðstöðin er opin öllum aldurshópum.
Seltjarnarnes Gler Valhúsaskóla kl. 9 og 13. Listasmiðja Skólabraut
kl. 9. Botsía Gróttusal kl. 10. Kaffispjall í króknum kl. 10.30.
Kyrrðarstund í kirkjunni kl. 12..Timburmenn Valhúsaskóla kl. 13.
Handavinna Skólabraut kl. 13. Vatnsleikfimi sundlauginni kl. 18.30. Á
morgun fimmtudag kl. 13. verður félagsvist á Skólabraut. Skráning í
óvissuferðina 19 nóvember stendur yfir. Uppl. í síma 8939800.
Stangarhylur 4, FEB Reykjavík Göngu-hrólfar ganga frá Ásgarði
Stangarhyl 4, kl. 10.00 - Söngvaka kl. 14.00 stjórnendur: Sigurður
Jónsson píanóleikari og Karl S Karlsson - Söngfélag FEB kóræfing kl.
16.30 stjórnandi Gylfi Gunnarsson.
Vesturgata 7 Fótaaðgerð kl. 9. Hárgreiðsla kl. 9. Spænska (fram-
hald), Elba kl. 9.15. Spænska (byrjendur), Elba kl. 10.45. Verslunarferð
í Bónus kl. 12.10.
Vitatorg Bókband og handavinna kl. 9, messa fyrsta miðvikudag
hvers mánaðar kl. 10.15, ferð í Bónus kl. 12.20, rúta við Skúlagötu.
Upplestur framhaldssögu kl.12.20, Myndlist kl. 13.30. Dansað með
Vitatorgsbandinu kl. 14, allir velkomnir.
Félagslíf
Háaleitisbraut 58–60
Samkoma kl. 20 í Kristniboðs-
salnum. Ingveldur Ragnarsdóttir
segir frá bænakeðju. Ræðumað-
ur er Òlafur Jóhannsson.
Allir velkomnir.
Hörgshlíð 12
Boðun fagnaðarerindisins.
Bænastund í kvöld kl. 20.00.
 HELGAFELL 6015110419 VI
Smáauglýsingar
Sumarhús
Sumarhús – Gestahús –
Breytingar
Framleiðum stórglæsileg sumarhús
í ýmsum stærðum.
Tökum að okkur stækkun og
breytingar á eldri húsum.
Smíðum gestahús – margar
útfærslur.
Sjáum um almennt viðhald á
sumarhúsum og sólpöllum.
Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Iðnaðarmenn
FASTEIGNA-
VIÐHALD
Við þjónustum þig með
lítil sem stór verk.
Tímavinna eða tilboð.
johann@jaidnadarmenn.is
S. 544-4444/777-3600
www.jáiðnaðarmenn.is
Óska eftir
Staðgreiðum gull, demanta og úr
Hringar, hálsmen, armbönd, Rolex,
Cartier, Patek Philippe o.fl.
Hringdu núna og fáðu tilboð þér að
kostnaðarlausu!
www.kaupumgull.is
Opið alla daga 11–18.
Kringlan – 3. hæð
(Hagkaupsmegin)
Upplýsingar í síma 661 7000.
Þjónusta
GM Smiðir eru að bæta við sig
verkefnum fyrir næstu misseri.
Gips. Gluggar. Innréttingar.
Parketlagnir. Hurðar. Kerfisloft
og fleira sem snýr að bygginga-
starfsemi.
Uppl. gmsmidir@gmail.com
Ýmislegt
NÝTT OG SPENNANDI
Teg NICOLE - þunnur, haldgóður í
32-38 D,DD,E,F,FF,G,GG,H,HH á
kr. 9.880,-
Teg LILIANA - létt fylltur og frábær
í stærðum 32-38
D,DD,E,F,FF,G,GG,H,HH á kr. 9.880,-
Komdu og líttu á úrvalið
hjá okkur!
Sími 551 2070.
Opið mán.-fös. 10–18,
laugardaga 10–14.
Góð þjónusta – fagleg ráðgjöf.
Sendum um allt land
www.mistyskor.is
Erum einnig á Facebook.
Bílaþjónusta
GÆÐABÓN
Ármúla 17a
Opið mán.-fös. 8-18. S. 568 4310
Það besta fyrir bílinn þinn
Alþrif, djúphreinsun, mössun, teflon,
blettun, bryngljái, leðurhreinsun.
Bílaleiga
HÓPFERÐABÍLAR TIL LEIGU
með eða án bílstjóra.
--------16 manna--------
--------9 manna---------
Fast verð eða tilboð.
CC.BÍLALEIGA S. 861 2319.
Húsviðhald

 

  
  
mbl.is
alltaf - allstaðar
✝ Kristján JónJóhannsson
fæddist í Reykja-
vík 2. desember
1956. Hann lést á
heimili sínu 22.
október 2015.
Foreldrar hans
voru Anna Gígja
Sigurjónsdóttir
Galito, f. 1933, og
Jóhann Helgi Ís-
fjörð Jóhannsson,
f. 1928, d. 2004.
Systkini Kristjáns eru Jó-
hann Helgi Jóhannsson, f.
1957, Ólafur Atli Jónsson, f.
1954, Pétur Wilhelm Bernburg
Jóhannsson, f.
1946, d. 2000, Jó-
hanna Jóhanns-
dóttir, f. 1951,
Jóna Ástríður Jó-
hannsdóttir, f.
1951, Þorfinnur
Jóhannsson, f.
1953.
Börn Kristjáns
voru Thelma Gígja
Kristjánsdóttir, f.
1974, d. 2004,
Ragna Björk Ragnarsdóttir, f.
1976, og Jóhann Helgi Ísfjörð
Kristjánsson, f. 1980.
Útför Kristjáns fór fram 3.
nóvember 2015.
Það var eitt sinn eyrarblóm
á eyðistað.
Og lítill fugl að kvöldi kom
og kyssti það.
Hann elskaði svo undurheitt
sitt eyrarblóm.
Og veröldin var án þess öll,
svo auð og tóm.
Að morgni eftir nepjunótt
og nístings él.
Fram og aftur flögrar hann
um frosinn mel.
(Jón Thoroddsen)
Þangað til næst …
Ragna Björk.
Kristján Jón
Jóhannsson