Víkurfréttir - 12.06.1987, Síða 12

12 Föstudagur 12. júní 1987
Daníel Einarsson, Víði.
Ljósm.: pket.
Daníel efstur
Daníel Einarsson, varnarmaður-
inn sterki úr Víði, Garði, hefur nú
tekið forystuna í stigakeppni Víkur-
frétta um stigahæsta lcikmann í 1.
deildarliðunum í knattspyrnu á
Suðurnesjum. Daniel hefur verið
ábcrandi jafnbestur í liði Víðis og
hefur hann tvívegis verið valinn
maður leiksins. Annars er stiga-
gjöfin þessi:
stig
Danícl Einarsson, Víði ......... 7
Peter Farrell, ÍBK ............. 6
Gunnar Oddsson, ÍBK............ 5
Gísli Heiðarsson, Víði......... 4
Ingvar Guðmundsson, IBK ... 4
Guðjón Guðmundsson, Víði .. 3
Vilhjálmur Einarsson, Víði ... 2
Sigurður Björgvinsson, IBK .. 2
Grétar Einarsson, Víði ......... 2
Jóhann Júlíusson, IBK ......... 1
Hafnir ekki
unnið leik
Hafnir léku ekki um síðustu
helgi. Liðið leikur sem kunnugt er í
4. deild og er þar í C-riðli. A morg-
un leika Hafnir gegn Víkverja úr
Reykjavík og fer leikurinn fram á
malarvellinum í Keflavik sem er
heimavöllur Hafnaliðsins.
Ekki hefur gengið vel í fyrstu
leikjunum hjá þeim Hafnamönn-
um og hefur liðið tapað öllum leikj-
um sínum til þessa. Guðmundur
Fransson, þjálfari, var samt bjart-
sýnn og gerði sér vonir um að vel
gengi gegn Víkverjum á morgun.
Þrír með
tvö mörk
3 leikmenn í Suðurnesjaliðunum
hafa nú skorað tvö mörk hver í
Islandsmótinu í knattspyrnu, en
alls hafa 19 leikmenn náð að skora í
þeiin leikjum sem fram hafa farið.
Eftirtaldir leikmenn hafa náð að
skora:
stig
Gunnar Oddsson, ÍBK........... 2
Iyar Guðmundsson, Reyni .... 2
Óli Þór Magnússon, ÍBK .... 2
Peter Farrell, ÍBK ........... 1
Guðjón Guðmundsson, Víði .. 1
Pétur Brynjarsson, Reyni .... 1
Daníel Egilsson, Reyni ....... 1
Ari Haukur Arason, Reyni ... 1
Kjartan Einarsson, Reyni .... 1
Guðmundur Jónasson, Höfnum 1
Albert Eðvaldsson, UMFN ... 1
Halldór Halldórsson, Höfnum 1
Símon Alfreðsson, UMFG ... 1
Hjálmar Hallgrímsson, UMFG 1
Ólafur Ingólfsson, UMFG ... 1
Freyr Bragason, IBK v........ 1
Ingvar Guðmundsson, IBK ... 1
Jón Ólafsson, ÚMFN ........... 1
Trausti Hafsteinsson, UMFN . 1
ðheppnin elti
Grindvíkinga
Grindvíkingar höfðu ekki
heppnina með sér þegar þeir
fengu Árbæjarliðið Fylki í
heimsókn i 3. deild íslands-
mótsins í knattspyrnu á laugar-
daginn. Grindvikingar sóttu
nær látlaust allan leikinn en
tókst ekki að skora, þrátt fyrir
fjöldann allan af marktækifær-
um. Fyikismenn fengu eitt færí í
leiknum og úr því skoruðu þeir
sigurmarkið, sem kom i siðari
hálfleik. Lokatölurnar urðu því
1:0 fyrir Fylki.
Nokkrir lykilmenn í liði
UMFG eiga við meiðsli að
striða og munar þar mestu um
markaskorarann Sigurgeir
Guðjónsson, sem ekki hefur
getað leikið með vegna
meiðsia. Þetta kom berlega
fram síðustu 20 mínúturnar,
en þá fór leikurinn að mestu
fram innan vítateigs Fylkis.
Ekki vildi boltinn samt í mark-
ið og Grindvíkingar sátu eftir
með sárt ennið.
Bestu leikmenn UMFG
voru: Símon Alfreðsson 3 stig,
Hjálmar Hallgrímsson 2 stig
og Rúnar Sigurjónsson 1 stig.
Næsti leikur UMFG verður
gegn Leikni á heimavelli á
morgun og hefst leikurinn kl.
14.
„Höfðum alla
burði til að sigra“
- sagði Haukur Hafsteinsson, þjálfari Víðis,
eftir jafntefii gegn FH
Föstudagur 12. júní 1987 13
Fyrsta mark Keflvíkinga í leiknum gegn Þór. Oli Þór Magnússon nær
sonar, og markvörður Þórs kemur engum vörnum við.
að skjóta á markið (innfellda myndin) eftir sendingu Ingvars Guðmunds-
Ljósm.: mad.
„Við höfðum alla burði til að
sigra í þessum leik og áttum góð
færi í fyrri hálfleik til að gera út
um leikinn," sagði Haukur Haf-
steinsson, þjálfari Víðis, Garði,
eftir að lið hans hafði gert jafn-
tefli 0:0 gegn FH í 1. deild ís-
landsmótsins í knattspyrnu í
Hafnarfirði á laugardaginn. Víð-
ismenn hafa farið hægt af stað í
íslandsmótinu, hafa fengið 2 stig
í þrem leikjum og aðeins skorað
eitt mark.
Haukur sagði að sóknarleik-
ur Víðis hefði verið mun beittari
í þessum leik en í fyrstu tveim
leikjunum, þó ekki hefði tekist
að skora að þessu sinni. ,,Sam-
leikurinn var ágætur þar til að
komið var að vítateig, þá fór allt
í vaskinn hjá okkur. I þessum
leik lékum við framar en í fyrri
leikjum og gafst það betur,“
sagði Haukur ennfremur.
Víðismenn voru sterkari í
fyrri hálfleik og fengu þá nokk-
ur góð marktækifæri sem þeir
nýttu ekki. FH-ingar voru
sterkari framan af í síðari hálf-
leik en undir lok leiksins sóttu
Víðismenn í sig veðrið og voru
betri í lokin.
I stigagjöf Víkur-frétta fengu
bræðurnir í liðinu öll stigin,
Daníel Einarsson fékk 3 stig,
Grétar Einarsson 2 stig og Vil-
hjálmur Eiarsson fékk eitt stig.
LOKS Lfl ÞOR!
Það ríkti talsverður spenningur meðal þeirra fáu áhorfenda sem
mættu á leik IBK og Þórs á laugardag, fyrsta heimaleik Keflvíkinga.
Kannski ekki að ástæðulausu cftir útreiðina gegn Val, og nú voru mót-
herjarnir ekki af verri endanum, topplið norðanmanna, Þór Ak., sem
hafði sigrað Fram sannfærandi í 1. umferð á útivelli.
Taugaspenna
Taugatitringur einkenndi
fyrri hálfleik hjá leikmönnum
beggja liða. Heimamenn voru
þó meira sannfærandi og fengu
nokkur sæmileg tækifæri til að
skora, en tókst ekki. Liðin
reyndu að ná upp spili en tókst
illa. Þórsarar fengu ekki
umtalsverð færi og það sem kom
inn í teig gómaði Þorsteinn
Rúnar efstur í
Fitjanestismótinu
Rúnar Hallgrímsson sigraði á
Fitjanestísmótinu í golfi.
Ljósm.: pkei.
Rúnar Haligrímsson, 12ára
piltur, sigraði á Fitjanestis-
golfmótinu sem haldið var í
síðustu viku. Rúnar lék á 63
höggum nettó og var sex
höggum betri en en næsti
maður. Bergsteinn Jósefsson.
Þriðji varð Lúðvík Gunnars-
son á 71 höggi.
Hafsteinn Sigurvinsson og
Sigurður Sigurðsson urðu
jafnir og efstir án forgjafar,
léku báðir á 79 höggum, en sá
síðarncfndi fékk 1. sætið fyrir
betri árangur á síðustu 6 hol-
unum. Aukaverðlaun voru
fyrir að vera næstur holu á 16.
braut. Þau hlaut Tryggvi Þ.
Tryggvason, sló kúluna 2.25 m
frá stöng.
Fitjanesti gaf vegleg úttekt-
arverðlaun til mótsins.
Hörð keppni hjá
Hirti og Lúðvík
Á laugardag var haldið 18
holu punktamót, svokallað
Hvítasunnumót. Hörð barátta
varð um efstu sætin og fór svo
að iokum að þeir Lúðvík
Gunnarsson og Hjörtur Kristj-
ánsson enduðu cfstir og jafnir
með 38 punkta. Var Lúlia
dæmdur sigur fyrir betri ár-
angur á síðustu holunum.
Júlíus Jónsson avrð þriðji með
36 punkta.
Mæðginin
sigruðu
Hjóna- og parakeppni var
haldin nú nýlega í Leirunni.
Góð þátttaka varð og voru
leiknar 18 holur. Sigurvegarar
urðu þau mæðgin Ásta Páls,
betur þekkt sem myndlistar-
kona, og sonur hennar Páll
Gunnarsson. Þau léku á 64
höggum nettó.
Sveitarstjórna-
keppnin
Hin árlega sveitarstjórna-
keppni verður haldin á föstu-
dag, 12. júní, og hefst kl. 17.
Allir sveitarstjórnarmenn af
Suðurnesjum mæta í Leiruna
og etja kappi við hvítu kúluna
og ef marka má keppnir síð-
ustu ára verður hún án efa
liörð, en í fyrra tóku Njarðvík-
íngar sig tii ogrufu margra ára
sigurgöngu Kefivíkinga og
sigruðu naumlega.
Félagar í GS ieika með sveit-
arstjórnamönnum og eru
hvattir til að mæta.
Bjarnason af miklu öryggi.
Ekkert mark hafði verið skorað
er dómari flautaði til hálfleiks.
Gunnar gaf tóninn
Strax í byrjun seinni hálfleiks
mátti sjá að Keflvíkingar ætluðu
að leggja allt í sölurnar fyrir
sigur. A fyrstu mínútunum fékk
Gunnar Oddsson boltann inn í
miðjan vítateig í dauðafæri,
lagði boltann fyrir sig í stað þess
að skjóta strax, og skaut rétt yfir
markið. Það var eins og vindi
væri hleypt úr blöðru, því Kefl-
víkingar áttu nánast leikinn eftir
þetta og mark lá í loftinu. Það
kom á 65. mín., er Ingvar gaf
gullfallega sendingu frá horn-
fána inn í miðjan markteig þar
sem Oli Þór kom aðvífandi og
skoraði af öryggi. Um 5 mín.
síðar skoraði Ingvar sjálfur.
Hann náði boltanum eftir mis-
tök varnarmanna Þórs rétt fyrir
utan vítateig, hljóp af stað inn í
teig og skaut góðu vinstri fótar
skoti í stöng og inn, vel að verki
staðið, og staðan orðin 2:0.
Skömmu seinna átti Ingvar
góða möguleika á að skora eftir
sendingu frá Jóhanni Magg., en
boltinn fór rétt framhjá. Dauða-
færin komu hreinlega í kippum.
Freyr komst á auðan sjó inn í
teig en í stað þess að skjóta
sjálfur gaf hann boltann á sam-
herja og sóknin rann út í sand-
inn. Freyr var aftur á ferðinni
stuttu síðar, gaf á Gunnar sem
þrumaði boltanum í þverslá og
út. Ingvar fékk annað tækifæri
eftir sendingu frá Frey, en
boltinn vildi bara ekki í netið.
Áður en dómari flautaði til leiks-
loka áttu bæði Sigurður Björg-
vins og Oli Þór góð
marktækifæri sem ekki nýttust.
Kefivíkingar fögnuðu í lokin,
2:0 sigur sem hefði hæglega
getað orðið stærri. Sumir sögðu
sömu tölu og ÍBK fékk á sig
gegn Val.
Það var allt annar bragur á
IBK-liðinu núna en gegn Val.
Flest allir stóðu sig vel og erfitt
að segja hverjir voru bestir. Jó-
hann Júl. og nafni hans Magn-
ússon voru traustir í vörninni
með góðan markvörð að baki, á
miðjunni áttu þeir Gunnar
Odds, Freyr og Siggi Bj. góðan
leik, og loks Ingvar Guðmunds-
son, sem er að „springa út“
þessa dagana.
„Keflvíking-
ar léku vel“
- sögðu þeir Guðni Kjartansson og Karl
Hermannson, fyrrum leikmenn IBK
og landsliðsins
„Það var allt annað að sjá
til Kefivíkinga núna. Þeirvoru
óhræddir og létu boltann
vinna. Þessi leikur hefði auð-
veldlega, með örlítilli heppni,
getað orðið mun stærri",
sögðu þeir Guðni Kjartans-
son, aðstoðarlandsliðsþjálf-
ari, og Karl Hermannsson,
báðir fyrrum leikmenn ÍBK
og landsliðsins. Þeir sáu um
stigagjöfina á leikmenn fyrir
Víkur-fréltir í þessum leili og
gáfu Gunnari Odds 3 stig,
Ingvari 2 og Sigurði
Björgvins 1 stig. ,,Það stóðu
sig allir vel og erfitt að gefa
mönnum stig eftir svona leik
og vonandi verður framhaldið
svona gott", sögðu þeir Guðni
og Karl.
Njarðvikingar
unnu sannfærandi
sigur í Garðabæ
Njarðvíkingar gerðu sér lítið
fyrir og sigruðu Stjörnuna 2:0 í
3. deild íslandsmótsins í knatt-
spyrnu í Garðabæ á laugardag-
inn. Bæði mörkin voru gerð í
fyrri hálfieik og eftir gangi
leiksins hefðu Njarðvíkingar átt
að skora enn fieiri mörk, því
þeir fengu aragrúa marktæki-
færa sem þeir nýttu ekki.
Fyrra mark _ Njarðvíkinga
skoraði Jón Olafsson eftir
góða sókn á 15. mínútu. Ólaf-
ur Gylfason átti sendingu fyrir
markið, Friðrik Ragnarsson
lét boltann fara framhjá sér til
Jóns, sem skoraði með góðu
skoti.
Fimmtán mínútum seinna
skoraði svo Trausti Hafsteins-
son seinna markið og kom það
eftir mikla pressu að marki
Stjörnunnar. Boltinn barst út
í teig til Trausta sem sendi
boltann í netið með föstu
skoti.
Bestu leikmenn UMFN í
þessum leik voru Trausti Haf-
steinsson með 3 stig, Valþór
Sigþórsson 2 stig og Ólafur
Birgisson sem fékk eitt stig.
Næsti leikur Njarðvíkinga
verður gegn Reyni, Sandgerði,
á heimavelli á morgun kl. 14
og verður þar áreiðanlega hart
barist.
Óli Þór Magnússon ÍBK, lék vörn Þórs oft grátt í leik liðanna um síðustu helgi. Hér hefur hann snúið af
sér þrjá varnarmenn og félagi hans, Sigurður Björgvinsson (annar frá hægri) fylgist spenntur með.
Ljósm.: mad.
Valþór Sigþórsson UMFN.
Ljósm.: pket.
Valþór og
Símon efstir
Valþór Sigþórsson og Símon Al-
freðsson eru nú efstir og jafnir að
stigum í stigakeppni Víkur-frétta
um besta leikmanninn í 3. deild ís-
landsmótsins í knattspyrnu, en alls
hafa nú 19 leikmenn fengið stig í
stigagjöfinni og eru það eftirtaldir:
stig
Valþór Sigþórsson, UMFN ... 6
Símon Alfreðsson, UMFG ... 6
Pálmi Ingólfsson, UMFG .... 5
Jóhannes Sigurjónsson, Reyni 4
Davíð Skúlason, Reyni ......... 4
Helgi Kárason, Reyni .......... 3
Þórður Ólafsson, Reyni......... 3
Björn Oddgeirsson, UMFN .. 3
Albert Eðvaldsson, UMFN ... 3
Hjálmar Hallgrímss., UMFG 3
Trausti Hafsteinsson, UMFN . 3
Bjarni Ólason, UMFG ........... 2
Páll Þorkelsson, UMFN ......... 2
Ari Haukur Arason, Reyni ... 2
Helgi Bogason, UMFG............ 1
Stefán Pétursson, Reyni ....... 1
Rúnar Sigurjónsson, UMFG .. 1
Ólafur Birgisson, UMFN .... I
Kjartan Einarsson, Reyni .... 1
ÍBK-stúlkurnar
töpuðu stórt
ÍBK-stúIkurnar töpuðu stórt
fyrir Skaga-stúlkunum í 1. deild
kvenna á íslandsmótinu í knatt-
spyrnu á Akranesi á föstudaginn.
Lokatölurnar urðu 6:0 og hafa
IBK-stúlkurnar nú tapað fyrstu
tveim leikjum sínum í mótinu án
þess að skora mark.
Lið ÍBK náði sér aldrei á strik á
Akranesi. Þær léku vörnina aftar-
lega og ætluðu greinilega að leika
upp á jafntefli, en dæmið gekk ekki
upp og fimm sinnum í fyrri hálfieik
mátti markvörður ÍBK hirða bolt-
ann úr markinu. Sum markanna
voru af ódýrari gerðinni og komu
eftjr klaufaleg mistök í vörn ÍBK.
í síðari hálfieik var allt annar
bragur á liði ÍBK sem barðist mun
betur en í þeim fyrri. Stúlkunum
tókst samt ekki að skora, en fengu á
sig eitt mark sem kom eftir horn-
spyrnu.
Stigahæstu stúlkurnar í liði ÍBK
urðu: Guðný Magnúsdóttir 3 stig,
Kristín Blöndal 2 stig og Stefanía
Bergmann 1 stig.
Guðný og
Kristín efstar
Stigahæstu stúlkurnar í 1. deild-
arliði ÍBK að loknum tveim fyrstu
leikjunum í stigakeppni Víkur-
frétta eru: stig
Guðný Magnúsdóttir ............ 5
Kristín Blöndal................ 5
Svandís Gylfadóttir ........... 1
Stefánía Bergmann ............. 1