Morgunblaðið - Sunnudagur - 05.06.2016, Page 8

CHRISTOPHER JAMES eða „Chris“ Evans fæddist árið 1966 rétt fyrir utan bítlaborgina
sjálfa, Liverpool, í bænum Warrington. Hann er yngstur í hópi þriggja systkina en foreldrar
hans eru Martin Joseph Evans (1921-1979) og Minnie Beardsall. Skólaganga Chris Evans er
ekki sú glæsilegasta en hann hætti í skóla 16 ára gamall og tók þess í stað að sér alls konar störf í
heimabæ sínum Warrington en þar starfaði hann m.a. sem einkaspæjari.
Starfið sem leiddi Evans inn á braut fjölmiðlunar var ólaunað starf hjá Piccadilly Radio, Man-
chester, árið 1983 sem aðstoðarmaður hins skrautlega Timmy Mallett sem er kannski fyrst og
fremst þekktur fyrir skrautlegan og litskrúðugan klæðaburð sinn. Hann fékk fast starf hjá stöð-
inni ári síðar og tók þá að sér alls konar verkefni, allt frá þáttastjórn þar sem hlustendur gátu
hringt inn og selt hina ýmsu hluti í að keyra á milli húsa í borginni og koma hlustendum á óvart.
Upphafið að frægðinni má rekja til ársins 1992 en þá tók Evans við þáttastjórn vikulegs
sunnudagsþáttar á BBC Radio 1 sem naut töluverðra
vinsælda. Dvölin á Radio 1 var þó stutt því Evans vildi
einbeita sér að öðru verkefni, sjónvarpsþættinum The
Big Breakfast á Channel 4. Hann stofnaði síðan sitt
eigið framleiðslufyrirtæki árið 1994, Ginger Produc-
tions, og átti það eftir að verða ein besta ákvörðunin á
ferli kappans því um aldamótin seldi hann fyrirtækið
á 225 milljónir punda og fékk sjálfur út úr sölunni
35,5 milljónir punda. Evans var því hæst launaði
fjölmiðlamaður og skemmtikraftur árið 2000 á
Bretlandi.
Hann hóf síðar störf hjá BBC Radio 2 auk
þess að vera stjórnandi sjónvarpsþátta á borð
við The One Show, Famous and Fearless og
OFI Sunday.
Fyrir um ári var Evans kynntur sem arf-
taki Jeremy Clarkson sem aðalþáttastjórn-
andi Top Gear. Þættirnir nutu gífurlegra vin-
sælda hjá Clarkson, sem hafði þá Richard
Hammond og James May sér við hlið, og eru
þeir sýndir um allan heim. Evans bíður því
stórt verkefni að fylla í skörð þremenning-
anna sem skutu Top Gear á stjörnuhim-
ininn. Sér til halds og trausts hefur Evans
valið stórleikarann Matt LeBlanc og fór
fyrsti Top Gear-þátturinn undir þeirra stjórn í
loftið fyrir viku.
Í PRÓFÍL
8 MORGUNBLAÐIÐ SUNNUDAGUR 5.6. 2016
Fyrir rétt tæpu ári eða hinn 16. júní 2015 var Chris
Evans kynntur af BBC sem næsti þáttastjórnandi Top
Gear. Jeremy Clarkson, sem kom þáttunum á kortið,
hafði verið látinn taka pokann sinn eftir stimpingar
við einn af framleiðendum þáttanna fyrr sama ár.
Þættirnir hafa notið gífurlegra vinsælda undanfar-
inn áratug og eru sýndir um allan heim. Evans þarf
því að fylla stórt skarð og til verksins hefur hann m.a
fengið með sér fyrrverandi Friends-stjörnuna Matt
LeBlanc og hina þýsku kappaksturskonu Sabine
Schmitz.
Fyrsti þátturinn fór í loftið fyrir viku og voru við-
brögð aðdáenda þáttarins blendin. Meðan Evans ver
eigin framistöðu og segir áhorfið viðunandi hefur
fjöldi aðdáenda gagnrýnt þáttinn. Ekki hjálpar að ein-
göngu 4,4 milljónir horfðu á Evans stjórna Top Gear í
fyrsta sinn, en 5,8 milljónir horfðu á fyrsta þátt síð-
ustu seríu undir stjórn Clarkson. Top Gear hafa verið vinsælustu bílaþættir undanfarinn áratug og einn vinsælasti þáttur í sjónvarpi einnig en hann er sýndur um allan heim.
Brösótt byrjun
á Top Gear
Einkalíf Evans er nokkuð skrautlegt en
hann á eina dóttur, fædda 1986, með
fyrrverandi unnustu sinni, Alison
Ward. Árið 1991 giftist Evans út-
varps- og þáttastjórnandanum Carol
Deirdre McGiffin. Þau skildu að
borði og sæng árið 1994 og gengu
síðan alfarið frá skilnaði sínum
1998.
Um mitt ár 2000 hitti Evans
Bille Piper en hana þekkja ef-
laust margir úr sjónvarps-
þáttum á borð við Doctor
Who, Secret Diary of a
Call Girl og Penny Dread-
ful. Þau giftu sig í Vegas
ári síðar en skildu árið 2007.
Sama ár giftist Evans módelinu og
blaðakonunni Natöshu Shishmanian og
eiga þau saman tvö börn í dag.
Konurnar
í lífi Evans
Top Gear-
arftakinn
Árið 2007 giftist Evans
Natasha Shishmanian.
Nýir þáttastjórnendur Top Gear ásamt hinum einstaka Stig sem enginn veit deili á.
’Evans var því hæstlaunaði fjölmiðlamað-ur og skemmtikraftur árið2000 á Bretlandi.
Evans hóf feril sinn í fjölmiðlun sem
aðstoðarmaður Timmy Mallett .
Chris Evans núverandi þáttastjórnandi Top Gear ásamt Jeremy Clarkson sem kom þáttunum á kortið.
Beretta/Sims/REX Shutterstock
Billie Piper
fyrrverandi
kona Evans