Morgunblaðið - 07.06.2016, Page 10

10 FRÉTTIRInnlent
MORGUNBLAÐIÐ ÞRIÐJUDAGUR 7. JÚNÍ 2016
Niels Parsberg Sig-
urðsson, fyrrverandi
sendiherra, lést á
Hrafnistu Boðaþingi í
Kópavogi föstudaginn
3. júní síðast liðinn,
níræður að aldri.
Niels fæddist í
Reykjavík 10. febrúar
1926. Foreldrar hans
voru Karitas Ein-
arsdóttir frá Eyri í
Skötufirði, f. 6.6. 1899,
d. 18.1. 1978 og Sig-
urður B. Sigurðsson,
stórkaupmaður og að-
alræðismaður Breta í
Reykjavík, frá Flatey á Breiða-
firði, f. 4.6. 1897, d. 19.10. 1970.
Niels Parsberg ólst upp í
Reykjavík og í Sölleröd í Dan-
mörku. Hann varð stúdent frá
Menntaskólanum í Reykjavík
1944, lauk embættisprófi í lög-
fræði frá HÍ 1950, var í fram-
haldsnámi í lögfræði við Univers-
ity of Oxford 1950-1951 og við
Sorbonne í París 1952. Hann öðl-
aðist hdl. réttindi 1951 og hrl.
réttindi 1966.
Niels hóf störf sem fulltrúi í ut-
anríkisþjónustunni 1952 og var í
þjónustu hennar í 44 ár, þar af
sendiherra frá 1967. Eftir störf í
ráðuneytinu heima 1961-1967 varð
hann fyrsti sendiherra Íslands
með búsetu í Brussel og gegndi
stöðu fastafulltrúa
gagnvart Nato og
EBE. Hann var
sendiherra í London
1971 til 1976 þegar
fiskveiðideilurnar við
Breta stóðu sem
hæst. Á löngum
starfsferli gegndi
hann stöðum sendi-
herra í fjölmörgum
ríkjum, m.a. var hann
sendiherra hjá þrem-
ur páfum í Páfagarði
frá 1976.
Niels var formaður
Vöku, félags lýðræð-
issinnaðra stúdenta, 1946-1947, sat
í stjórn Heimdallar 1950-1952 og
var formaður stjórnar Eimskipa-
félags Reykjavíkur hf. 1961-1967.
Hann hefur skrifað fjölda greina
um vestrænt samstarf, öryggi og
samvinnu í Evrópu.
Eiginkona Niels var Ólafía
(Lóa) Rafnsdóttir hússtjórn-
arkennari f. 19.11. 1930, d. 1.11.
1999. Foreldrar hennar voru Ingv-
eldur Einarsdóttir frá Garðhúsum
í Grindavík og Rafn A. Sigurðs-
son, skipstjóri frá Dýrafirði. Þau
eiga þrjú börn, Rafn Alexander,
Karitas og Sigurð Baldvin.
Útför Nielsar verður gerð frá
Dómkirkjunni í Reykjavík og
hefst athöfnin kl. 15 mánudaginn
13. júní næst komandi.
Andlát
Niels P. Sigurðsson
Bíla- og vélavörur
...sem þola álagið!
Það borgar sig
að nota það besta!
Viftur
HjólalegusettKúlu- og rúllulegur Hemlahlutir Hjöru- og öxulliðir
Stýrisendar
og spindilkúlurViftu- og tímareimar
Kúplingar- og höggdeyfar
Dalvegi 10–14 • 201 Kópavogi • Sími: 540 7000 • www.falkinn.is
Ágúst Ingi Jónsson
aij@mbl.is
Með kaupum Brims hf. á Ögurvík hf.
færist Brim upp í þriðja sæti af
kvótahæstu útgerðum landsins hvað
varðar heimildir í aflamarkskerfinu,
en greint var frá kaupunum á föstu-
dag. Brim var áður í 9. sæti og Ögur-
vík í 17. sæti. Fyrirtækin gera út
fjóra frystitogara og eftir kaupin
verður sameinað fyrirtæki alls með
rétt tæplega 22.900 þorskígildistonn.
Taka má fram að forystumenn Brims
hf. hafa lengi gert athugasemdir við
þorskígildisstuðla.
HB Grandi er í efsta sæti með
rúmlega 45 þúsund þorskígildistonn,
eða 10,8% af úthlutuðu aflamarki, og
Samherji Ísland kemur þar á eftir
með tæplega 26 þúsund þíg., eða
6,2%. Fyrir var Þorbjörn í Grindavík
í þriðja sætinu með tæplega 21.200
þorskígildistonn. Miðað er við upp-
lýsingar á heimasíðu Fiskistofu í
byrjun mars í vetur þar sem birtur
var listi yfir aflaheimildir þeirra 100
útgerða sem ráða yfir mestum afla-
hlutdeildum í upphafi nýs almanaks-
árs eftir úthlutun á aflaheimildum í
deilistofnum og viðbótarúthlutun í
loðnu.
Eftir sameiningu verður Brim hf.
með tæplega fjórðung grálúðu-
kvótans, en Brim var með 19,99% og
Ögurvík með 4,47% í grálúðu. Í gull-
karfa var Brim með 7,53% og Ögur-
vík 4,33%. Í þorski var Brim með
0,82% heimilda í aflamarkskerfinu og
Ögurvík með 1,13%.
Samkvæmt lögum um stjórn fisk-
veiða má heildaraflahlutdeild fiski-
skipa í eigu einstakra eða tengdra að-
ila ekki fara yfir 12% af samanlögðu
heildarverðmæti aflahlutdeilda allra
tegunda. Þá má aflahlutdeild í þorski
ekki fara yfir 12%. Í ýsu, ufsa, grá-
lúðu, steinbít, síld og loðnu má hún
ekki fara yfir 20% og í karfa ekki yfir
35%. Fyrirtækið hefur sex mánuði til
að breyta stöðunni í grálúðu.
Brim hf. verður þriðja
kvótahæsta útgerðin
 Þarf að lagfæra stöðuna í grálúðu á næstu sex mánuðum
Skapti Hallgrímsson
skapti@mbl.is
Sigrún Magnúsdóttir, umhverfis- og
auðlindaráðherra, og Eiríkur Björn
Björgvinsson, bæjarstjóri Akureyr-
ar, staðfestu í gær friðlýsingu Gler-
árdals ofan Akureyrar sem fólk-
vangs.
Ráðherra sagði það afar ánægju-
legt að staðfesta friðlýsingu Glerár-
dals. „Náttúruverndarmál eru í mik-
illi deiglu um þessar mundir og
skammt síðan farsæl niðurstaða
náðist í endurskoðun náttúruvernd-
arlaga á Alþingi. Þau tóku gildi í
nóvember síðastliðnum og þessi frið-
lýsing hér á Akureyri er því fyrsta
friðlýsing eftir gildistöku þeirra
laga,“ sagði Sigrún.
Náttúruskoðun og fræðsla
„Markmið friðlýsingarinnar er að
vernda Glerárdal og aðliggjandi
fjalllendi til útivistar almennings,
náttúruskoðunar og fræðslu. Frið-
lýsingin verndar auk þess land sem
er að mestu ósnortið með fjölbreytt-
um jarðmyndunum og gróðurfari og
er þannig stuðlað að því að varðveita
líffræðilega fjölbreytni og breyti-
legar jarðmyndanir,“ sagði Sigrún
við þetta tækifæri.
Náttúran ómetanleg auðlind
Eiríkur Björn Björgvinsson
bæjarstjóri sagði að það væri sér-
stakt ánægjuefni að mega staðfesta
og samþykkja tillögu um friðlýsingu
fólkvangsins á Glerárdal.
„Náttúra Íslands er ómetanleg
auðlind. Hreint loftið, silfurtærar ár,
bláminn í fjarska [...] Erlendir gestir
okkar eru agndofa og auðvitað er
þetta auðlind sem við þurfum að
standa vörð um. Við þurfum að friða
ákveðin svæði, varðveita gróðurfarið
þar, dýralífið og einstaka náttúru.
Þannig svæði er Glerárdalur. Það er
svæði sem þarf að verja fyrir átroðn-
ingi, hlúa vel að, en jafnframt gera
aðgengilegt öllum almenningi sem
vill njóta náttúrunnar,“ sagði Eirík-
ur Björn.
„Fólkvangur á Glerárdal verður
án efa kærkomin viðbót við þá
möguleika sem Akureyringar og
gestir þeirra hafa nú þegar til heil-
næmrar hreyfingar og hollrar úti-
veru í bæjarlandinu.“
114 friðlýst svæði á landinu
Þá sagði Eiríkur að bæjarstjórn
Akureyrar hefði gert það að for-
gangsmáli sínu að Akureyri yrði
væn og græn og kolefnishlutlaus á
allra næstu árum.
„Við viljum vera umhverfisvænt
grænt samfélag – og ýmislegt hefur
nú þegar verið gert sem miðar að því
markmiði.“
Með þessari friðlýsingu fólkvangs
í Glerárdal eru friðlýst svæði á Ís-
landi 114 talsins og flatarmál þeirra
samtals 20.852 ferkílómetrar.
Glerárdalur friðlýstur fólkvangur
 Fyrsta friðlýsingin eftir gildistöku nýrra náttúruverndarlaga  Varðveiti líffræðilega fjölbreytni
og jarðmyndanir  Forgangsmál að Akureyri verði kolefnishlutlaus á næstu árum, segir bæjarstjóri
Morgunblaðið/Skapti Hallgrímsson
Ánægð Sigrún Magnúsdóttir, umhverfis- og auðlindaráðherra, og Eiríkur
Björn Björgvinsson, bæjarstjóri á Akureyri, með Glerárdal í baksýn.
Ferðamálasamtök Norðurlands
eystra og Markaðsstofa Norður-
lands skora á ríkisstjórn og Alþingi
að tryggja fjármuni til þess að klára
uppbyggingu Dettifossvegar (862)
og setja þau áform inn á samgöngu-
áætlun til næstu ára.
„Að klára að byggja upp þennan
veg með bundnu slitlagi sem allra
fyrst er afar stórt hagsmunamál
allra á Norðurlandi. Framkvæmdin
mun hafa gríðarlega mikil áhrif á
dreifingu ferðamanna og samkeppn-
ishæfni svæðisins, auk þess að bæta
samgöngur og þar með lífsgæði fyrir
íbúa,“ segir í tilkynningu þessa efnis.
Segir þar að markaðsstofan hafi
árið 2015 unnið skýrslu um áherslur
í vegamálum á Norðurlandi, sem
send var til Vegagerðarinnar. Tekið
var saman hvar helst væri úrbóta
þörf í vegamálum á svæðinu, byggt á
umsögnum heimamanna. Var Detti-
fossvegur efstur á blaði.
Þá er tekið undir áskorun Akur-
eyrarbæjar á ríkisstjórn og Alþingi
frá 2. júní, um að leggja nú þegar
fram fjármagn til þess að klára
flutning á efni úr Vaðlaheiðargöng-
um í flughlað við Akureyrarflugvöll.
„Stækkun flughlaðs við völlinn er
grundvöllur framtíðar uppbygging-
ar á vellinum og að hann geti sinnt
sínu hlutverki sem einn af þremur
varaflugvöllum alþjóðaflugs á Ís-
landi.“ sh@mbl.is
Dettifossvegur
verði kláraður
 Skora saman á ríkisstjórn og Alþingi