Morgunblaðið - 26.07.2016, Blaðsíða 10

10 FRÉTTIRInnlent
MORGUNBLAÐIÐ ÞRIÐJUDAGUR 26. JÚLÍ 2016
Sogavegi við Réttarholtsveg
Opið kl. 9-18 virka daga | Sími 568 0990 | www.gardsapotek.is
Lágt lyfjaverð - góð þjónusta
Einkarekið apótek
Pálína Ragnheiður
Kjartansdóttir, hús-
mæðrakennari og fyrr-
verandi ráðskona í eld-
húsi Heilsustofnunar
Náttúrufélags Íslands,
lést á elliheimilinu
Grund 21. júlí á 95. ald-
ursári.
Pálína fæddist í
Vestra-Geldingaholti í
Gnúpverjahreppi 14.
febrúar árið 1922, dótt-
ir Kjartans Ólafssonar
bónda og Guðrúnar El-
ísabetar Jónsdóttur
húsmóður.
Pálína stundaði nám við Hús-
mæðraskóla Reykjavíkur og var að-
stoðarkennari við skólann í sex ár.
Vorið 1960 útskrifaðist hún þaðan
sem húsmæðrakennari. Í ársbyrjun
1961 hóf hún störf sem ráðskona í
eldhúsi Heilsuhælis NLFÍ í Hvera-
gerði og þar til hún lét af störfum í
árslok 1993.
Pálína kynnti sér starfsemi nátt-
úrlækningahælisins Skodsborgar
fyrir norðan Kaupmannahöfn í Dan-
mörku haustið 1960.
Síðar fór hún þangað
einn vetur í nám. Hún
var frumkvöðull í að
kynna Íslendingum
grænmetisfæði og mat
úr baunum, korni og
ávöxtum og að kenna
þeim að skynsamlegt
mataræði sé lykill að
góðri heilsu. Kenn-
ingar heilbrigðisyf-
irvalda um hollt mat-
aræði urðu með
tímanum samhljóða
þessari stefnu.
Pálína varð þekkt
fyrir framúrskarandi bragðgóðan og
hollan mat og fyrir hve fallega hann
var fram borinn. Hún hafði sýni-
kennslu víða í gerð matarrétta nátt-
úrulækningastefnunnar. Hún gaf út
tvær matreiðslubækur: Mat-
reiðslubók NLFÍ með ágripi af nær-
ingarfræði 1968 og Matreiðslubók-
ina hennar Pálínu 1981. Forseti
Íslands veitti henni hina íslensku
fálkaorðu árið 1990 fyrir störf að
manneldismálum.
Andlát
Pálína Ragnheiður
Kjartansdóttir
Jóhannes Tómasson
johannes@mbl.is
Reykjastrandarvegur er fjölfarn-
asti malarvegur í Skagafirði. Síð-
asta sumar keyrðu daglega 195
bílar veginn, sem liggur norður til
Grettislaugar frá Sauðárkróki. Þó
er leiðin ekki greið. Ástandið á veg-
inum er mjög slæmt og skrifuðu
íbúar Reykjastrandar undir bréf til
sveitarstjórnar í júní þar sem þeir
kröfðust úrbóta. Vegurinn er afar
holóttur og viðhaldsaðgerðir Vega-
gerðarinnar duga skammt.
„Vegurinn er bara í ömurlegu
standi. Það er algjörlega fráleitt að
fólkinu sem býr við þennan veg sé
boðið upp á þetta. Vegurinn er
þannig að þótt hann sé heflaður
koma sömu holurnar eftir kortér.
Það er ekkert efni til að hefla ofan í
holurnar, þetta er bara grjót og
viðbjóður,“ sagði Viggó Jónsson,
umsjónarmaður skíðasvæðisins í
Tindastóli og stjórnarmaður í
sveitarstjórn Sauðárkróks, við
Morgunblaðið í gær. Viggó segist
finna til með fólkinu sem býr á
bæjunum við veginn. „Fólk þarf að
moka burðarlagið af diskunum sín-
um áður en það borðar.“
Betur má ef duga skal
Umbætur á Reykjastrandarvegi
eru eitt af áhersluatriðum sveitar-
félagsins. „Vegurinn er kominn á
dagskrá en betur má ef duga skal.
Það er bara sveitarstjórnarinnar
að þrýsta á að þessi vegur sem aðr-
ir malarvegir í Skagafirðinum séu
lagðir bundnu slitlagi,“ bætti Viggó
við.
Pálmi Þorsteinsson, rekstrar-
stjóri Vegagerðarinnar á Akureyri,
telur ólíklegt að bundið slitlag
verði lagt á Reykjastrandarveginn
vegna fjárskorts. Þó stendur til að
hefla veginn í náinni framtíð. „Það
eru eiginlega flestir malarvegir í
slæmu standi, svo einfalt er það.
Maður fær enga peninga til að
halda þessum vegum við,“ sagði
Pálmi.
Fráleitt að bjóða
íbúum upp á þetta
 Skagfirðingar óánægðir með ástand Reykjastrandarvegar
Ljósmynd/Tómas Úlfarsson
Torfæra Reykjastrandarvegurinn er holóttur og erfitt er að keyra hann.
Andri Steinn Hilmarsson
ash@mbl.is
Úrskurðarnefnd umhverfis- og auð-
lindamála hefur hafnað kröfu Bergs
Rósinkranz, eiganda þriggja íbúða í
fjöleignarhúsinu að Klapparstíg 33,
um að fella úr gildi ákvörðun bygg-
ingarfulltrúans í Reykjavík um að
veita byggingarleyfi til að innrétta
veitingastað á jarðhæð hússins.
Morgunblaðið fjallaði um málið í
maí.
Verður því veitingastaður opnað-
ur á jarðhæð hússins og um starf-
semi veitingastaðarins gilda almenn-
ar miðborgarheimildir og má
veitingastaðurinn því hafa opið til
klukkan þrjú að nóttu um helgar og
til klukkan eitt að nóttu á virkum
dögum.
Ætlar með málið fyrir dómstóla
Bergur Rósinkranz er ósáttur við
nýja nágrannann, veitingahúsið, þar
sem það kann að raska ró í íbúðunum
fyrir ofan en þær eru m.a. leigðar út
til ferðamanna. Hann segir í samtali
við Morgunblaðið að húseigendalög
séu í landinu og hann muni láta
reyna á þau fyrir dómstólum.
„Ég held að það væri best að fá
bara fordæmi í málinu,“ segir Berg-
ur og bætir því við að eigendur verði
að leita réttar síns og fara með málið
alla leið.
Í málsrökum Bergs fyrir úrskurð-
arnefndinni kemur fram að veitinga-
rekstur á fyrstu hæð og í kjallara
hússins raski hagsmunum hans
verulega.
„Í stað kyrrlátrar starfsemi í
greindu húsnæði, með lokunartíma
kl. 18 alla virka daga og kl. 16 um
helgar, sé nú veitt leyfi fyrir starf-
semi sem hefjist á hádegi og ljúki kl.
01 á virkum dögum og til kl. 03 um
helgar. Mun sú starfsemi trufla gesti
kæranda og raska næturró þeirra,“
segir í málsrökunum.
Reykjavíkurborg sagði aftur á
móti að byggingarleyfið væri í fullu
samræmi við Aðalskipulag Reykja-
víkur 2010-2030 og deiliskipulag fyr-
ir reitinn. Segir í málsrökum borg-
arinnar að samkvæmt gildandi
skipulagi fyrir svæðið sé heimilt að
reka þar veitingahús og slíkur rekst-
ur sé náskyldur rekstri verslana.
Þegar hagnýting séreignar sé hliðr-
að með þessum hætti, þ.e. úr versl-
unarrekstri í veitingarekstur, reyni
á það hvort aðili sem um slíkt sæki
uppfylli fagleg skilyrði laga til að
mega reka veitingahús á viðkomandi
stað og hvort slíkt sé heimilt í gild-
andi skipulagi. Öll slík skilyrði hafi
verið uppfyllt .
Óánægja með
veitingastað
Klapparstígur Deilt er um opnun veitingahúss á jarðhæð bláa hússins.
 Veitingastaður opnaður við Klappar-
stíg 33  Má vera opinn til 3 um helgar
Fjórtán vegfarendur slösuðust í
þrettán umferðarslysum á höfuð-
borgarsvæðinu í síðustu viku. Í
færslu á Faceboook-síðu lögregl-
unnar á höfuðborgarsvæðinu í gær
segir að illa gangi að fækka slysum
og það sé áhyggjuefni. Þar segir
einnig að fjöldi reiðhjólaslysa veki
athygli en næstum þriðjungur
slysanna í síðustu viku voru reið-
hjólaslys.
Laugardagurinn 23. júlí var sá
dagur vikunnar þegar flest slys
voru tilkynnt, en alls voru þau fimm
og samtals voru fjórir fluttir á
slysadeild vegna þeirra. Daginn áð-
ur féll stúlka af reiðhjóli í Löngu-
mýri eftir að geitungur hafði stung-
ið hana í vörina og var hún flutt á
slysadeild.
14 vegfarendur slös-
uðust í síðustu viku
Slys Talsvert var um umferðarslys á
höfuðborgarsvæðinu í síðustu viku.