Morgunblaðið - 04.10.2016, Side 2

2 FRÉTTIRInnlent
MORGUNBLAÐIÐ ÞRIÐJUDAGUR 4. OKTÓBER 2016
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Sigtryggur Sigtryggsson
sisi@mbl.is
Fyrirtækið Biokraft ehf. hefur sent
tillögu að matsáætlun til Skipulags-
stofnunar. Framkvæmdin felst í því
að reisa 13 vindmyllur í Þykkvabæ í
Rangárþingi ytra, sem verði allt að
149 metra háar. Biokraft var stofnað
af Steingrími Erlingssyni árið 2012
og 27. júlí 2014 gangsetti fyrirtækið
tvær vindmyllur í Þykkvabæ í til-
raunaskyni.
Fyrirtækið hyggst reisa 13 vind-
myllur í nálægð við núverandi vind-
myllur. Mastur hverrar vindmyllu
yrði allt að 92,5 metra hátt og þver-
mál snúningsflatar um 113 metrar.
Hæsti punktur spaða í toppstöðu
væri 149 metrar.
Í Þykkvabæ hefur meðalfram-
leiðsla vindmyllanna frá upphafi ver-
ið 42%, sem bendir til að þar séu
mjög hentugar aðstæður til raf-
orkuframleiðslu, jafnvel betri en að-
stæður úti á sjó. „Víða erlendis
þekkist það að vindmyllugarðar séu
nálægt mannabyggð, en þetta er í
fyrsta sinn sem þessi möguleiki er
skoðaður á Íslandi,“ segir í mats-
áætluninni.
Lægri vindmyllur til staðar
Virkjunarsvæðið nefnist Vinda-
borg, áður Djúpárvirkjun, og er um
357 hektarar að stærð, staðsett rétt
um 2,3 kílómetra norðan við Þykkva-
bæ, við svokallaða Austurbæjar-
mýri. Svæðið er á milli svokallaðs
Dammskurðar í suðri og Safamýrar
í norðri og liggur á milli Þjórsár og
Markarfljóts í nálægð við sjóinn.
Vindmyllurnar tvær sem búið er
að reisa eru hvor um sig 53 metrar á
hæð með 44 metra vænghaf og
hæsta hæð spaða í toppstöðu er 74
metrar. Vindmyllurnar eru 600 KW
hvor og árleg orkuframleiðsla þeirra
er 4 – 4,5 GWst.
Hið nýja vindmylluverkefni er háð
lögum um mat á umhverfisáhrifum.
Þessi tillaga að matsáætlun er fyrsta
skrefið í matsferlinu. Öllum er heim-
ilt að gera athugasemdir við tillög-
una og skulu þær berast Skipulags-
stofnun eigi síðar en 14. október
næstkomandi. Hægt er að kynna sér
hana á www.skipulag.is.
„Biokraft er ungt fyrirtæki sem
hefur það að markmiði að vera leið-
andi í nýtingu vindorku á Íslandi og
stuðla að sköpun nýs iðnaðar sem
bæði byggir á þjónustu við vindorku
og þekkingu íslenskra fræðimanna á
vindmyllum,“ segir m.a. í matsáætl-
uninni.
Vill reisa 149 metra háar vindmyllur
 Fyrirtækið Biokraft ehf. vill reisa 13 vindmyllur í Þykkvabæ  Verða nálægt mannabyggð
Teikning/Biokraft
Þykkvibær Myndin sýnir vel stærðarhlutföll vindmyllanna.
Mörg þúsund konur og karlar í Pól-
landi lögðu niður störf í gær og fóru
út á götur til að mótmæla nýrri fóst-
ureyðingalöggjöf. Verði hún að lög-
um verða allar fóstureyðingar,
nema þegar líf móður er í hættu,
bannaðar.
Hópur pólskra kvenna sem bú-
settar eru hér á landi skipulögðu
mótmæla- og samstöðufund, svo-
kölluð svört mótmæli þar sem mót-
mælendur klæðast svörtu og bera
svarta fána, á Austurvelli í gær og
þangað kom nokkur fjöldi fólks til
að sýna samstöðu.
Ásta Guðrún Helgadóttir, þing-
maður Pírata, hefur skrifað opið
bréf til þingmanna pólska þingsins
þar sem þeir eru hvattir til að draga
lagafrumvarpið til baka. Þrjátíu al-
þingismenn úr öllum flokkum hafa
skrifað undir bréf Ástu og í tilkynn-
ingu frá Pírötum segir að fleiri und-
irskriftir eigi mögulega eftir að
bætast við. Í bréfinu eru pólskir
þingmenn hvattir til að standa vörð
um sjálfsákvörðunarrétt kvenna,
réttindi þeirra og jafnrétti til heil-
brigðisþjónustu.
Sýndu
samstöðu
í svörtu
Morgunblaðið/Golli
Nýrri fóstureyðingalöggjöf í Póllandi sem skerðir réttindi kvenna var mótmælt á Austurvelli og íslenskir þingmenn skrifa bréf
Laufey Rún Ketilsdóttir
laufey@mbl.is
„Það er mjög hröð
þróun í ferða-
mennskunni og
menn eru ekki
enn komnir þang-
að að skilja að
landsbyggðin er
að sitja eftir,“ seg-
ir Róbert Guð-
finnsson, athafna-
maður á Siglu-
firði, en hann
telur að efla þurfi innanlandsflug út á
landsbyggðina beint frá alþjóðaflug-
velli. Hann hefur fundað með aðilum
innan ferðaþjónustunnar og í flug-
rekstri til að kanna möguleikana og
afstöðu þeirra.
Róbert hefur áður talað fyrir því að
koma flugvellinum á Siglufirði í gang
svo hægt sé að hefja þangað innan-
landsflug ef tengsl fást við alþjóða-
flugvöll. Til stendur að endurreisa
flugvöllinn á Siglufirði eftir að innan-
ríkisráðherra ákvað að veita til þess
fjármagn. „Ég hef ekki sérstakan
áhuga á flugrekstri sjálfur en ef eng-
inn annar vill gera það þá geri ég það
bara,“ segir Róbert en hann hefur
þegar staðið í mikilli uppbyggingu á
Siglufirði.
300.000 beint út á land
Á hinum Norðurlöndunum hafa
flugfarþegar tækifæri til þess að
fljúga beint frá alþjóðaflugvelli og inn
í land til minni staða. „Um 15% þeirra
sem lenda á Gardermoen í Ósló, koma
aldrei inn í Ósló,“ segir Róbert en ef
sú tölfræði yrði heimfærð á Ísland
mætti búast við að 300.000 farþegar
ferðuðust beint frá Keflavíkurflug-
velli og út á landsbyggðina ef farþeg-
um til Íslands fjölgar í tvær milljónir
á næsta ári eins og spár kveða á um.
„Við þurfum að efla innanlands-
flugið og breyta þessu — við eigum
ekki að vinna á gömlum forsendum.“
Vill ferðamenn út á land
Morgunblaðið/Eggert
Gæti opnað á ný Flugvöllurinn á
Siglufirði hefur lengi verið lokaður.
 Róbert segir að efla þurfi innanlandsflug til að styrkja
ferðaþjónustu á landsbyggðinni  Íhugar flugrekstur
Róbert
Guðfinnsson
Orkuveitan og Magma Energy Swe-
den, móðurfélag HS Orku, náðu sam-
komulagi sem staðfest hefur verið af
stjórn Orkuveitunnar, um breyttar
afborganir á skuldabréfi sem gjald-
falla átti í einu lagi í desember 2016.
Skuldabréfið var upphaflega gefið
út 11. desember 2009 en uppreiknað
virði þess er um 72 milljónir banda-
ríkjadala eða um 8,2 milljarðar króna.
Samið var um að helmingur fjár-
hæðar bréfsins yrði greiddur við
staðfestingu samkomulagsins sem nú
hefur fengist og hinn helmingur á
fyrri hluta árs 2018.
„Þetta mun bæta lausafjárstöðu
Orkuveitunnar verulega og gera það
að verkum að áhættan minnkar en
það er ákveðin áhætta að hafa svo
stórt skuldabréf útistandandi,“ segir
Kjartan Magn-
ússon, borgar-
fulltrúi Sjálfstæð-
isflokksins og
stjórnarmaður í
Orkuveitunni, um
samkomulagið.
„Það er gott að
það sé hægt að
klára þetta með
þessum hætti en
þetta mun meðal
annars bæta lánshæfi fyrirtækisins
enn frekar.“
Hlutabréf HS Orku munu áfram
verða að veði fyrir greiðslu skuld-
arinnar og vextir munu hækka í 5%.
Seðlabankinn mun skoða þessa
breyttu greiðslutilhögun.
laufey@mbl.is
Magma greiðir
helminginn núna
Kjartan
Magnússon
 OR samþykkti breyttar afborganir