Morgunblaðið - 04.10.2016, Page 4

4 FRÉTTIRInnlent
MORGUNBLAÐIÐ ÞRIÐJUDAGUR 4. OKTÓBER 2016
Helgi Bjarnason
helgi@mbl.is
Til greina kemur að nota innheimtu
bílastæðagjalda til að standa undir
kostnaði við að bæta aðstöðu til að
taka á móti ferðamönnum við vin-
sæla áfangastaði ferðafólks í Rang-
árþingi eystra. Sveitarstjórinn lýsir
þeirri skoðun sinni að æskilegast
væri að gera varanleg bílastæði til
að fólk greiði slík bílastæðagjöld
með glöðu geði. 500 kr. bílastæða-
gjald gæti skilað 25 milljónum kr. til
uppbyggingar og þjónustu á stað
sem 50 þúsund bílar koma á.
Unnið að skipulagsmálum
Unnið er að skipulagsmálum við
Seljalandsfoss og Skógafoss. Sveit-
arfélagið á Hamragarða sem liggja
að Seljalandsfossi en eigendur
Seljalandsjarða eiga fossinn og
næsta nágrenni hans. Héraðsnefnd
Rangæinga og Vestur-Skaftfellinga
eiga Seljalandsfoss og landið þar
við.
Ísólfur Gylfi Pálmason, sveitar-
stjóri Rangárþings eystra, segir að
þrjú fyrirtæki hafi boðið fram þjón-
ustu sína við að koma upp búnaði til
að innheimta bílastæðagjöld við
áfangastaðina, með hliðstæðum
hætti og gert er á Þingvöllum og
víðar. Hann segir að það geti verið
áhugaverð leið en tekur fram að það
verði ekki gert nema í samvinnu
landeigenda og sveitarfélagsins í til-
viki Seljalandsfoss. Sveitarfélagið
hafi fyrir sitt leyti samþykkt að
koma þessu á sem allra fyrst. Verið
sé að ræða málið við landeigendur.
Ísólfur Gylfi lýsir þeirri skoðun
sinni að æskilegast væri að útbúa al-
mennileg bílastæði, áður en inn-
heimta hefst. Erfitt sé að rukka inn
á grasflatir, sérstaklega í ljósi þess
að landeigendur hafi ekki heimild til
að sekta þá sem ekki greiða. Hann
tekur þó fram að um þetta kunni þó
að vera deildar meiningar.
Nokkrir í kjölfar Þingvalla
Bergrisi hugbúnaður ehf. er eitt
af þeim fyrirtækjum sem hafa sett
upp stöðumælastaura við vinsæla
ferðamannastaði. Fyrirtækið setti
upp slíkan búnað í Þjóðgarðinum á
Þingvöllum og hefur samið um að
gera það við Sólheimajökul í Mýr-
dalshreppi og Stokksnes við Horna-
fjörð. Fleiri einkaaðilar eru að gera
slíka samninga við fyrirtækið, sam-
kvæmt upplýsingum frá því.
Bílastæðagjöld greiða fyrir uppbyggingu
Morgunblaðið/Kristinn
Seljalandsfoss Aðstöðu vantar við fossana undir Eyjafjöllum.
 Rætt um uppsetningu búnaðar til innheimtu við Seljalandsfoss og Skógafoss  Sveitarstjórinn telur
æskilegast að almennileg bílastæði séu útbúin áður svo að fólk sé tilbúið að greiða gjald fyrir bílastæði
Guðni Einarsson
Laufey Rún Ketilsdóttir
Breiðþota í þjónustu WOW air lenti
framan við þröskuld flugbrautar 32L
í Köln aðfaranótt 18. september sl., að
því er fram kom í The Aviation Her-
ald 30. september sl. Flugvélin lenti
því framan við sjálfa flugbrautina.
Lendingin tókst og flugvélin ók út af
brautinni á síðustu afrein að aksturs-
braut og þaðan upp að flugstöð. Flug-
brautin sem um ræðir er 1.863 metra
löng og styttri en önnur flugbraut
flugvallarins sem var lokuð á þessum
tíma vegna viðhalds.
Flugvélin sem um ræðir er í eigu
portúgalska flugfélagsins HiFly og af
gerðinni Airbus A330-200, með
skráningarstafina CS-TQW. Hún var
tekin í notkun 1999 og er því rúmlega
17 ára gömul.
Flugnúmerið var WW-752 og fór
flugvélin frá Keflavíkurflugvelli
klukkan 19.21 þann 17. september sl.
áleiðis til Kölnar, samkvæmt upplýs-
ingum Morgunblaðsins. Í athuga-
semdum lesenda við frétt The Avia-
tion Herald kemur fram að flugið hafi
upphaflega átt að vera til Düsseldorf
en áfangastaðnum verið breytt í Köln
áður en flugið hófst.
Í fréttinni sagði einnig að rann-
sóknarnefnd flugslysa í Þýskalandi
(BFU - Bundesstelle für Flugunfall-
untersuchung) hefði metið atvikið
sem alvarlegt (serious incident) og
hafið rannsókn á því. Einnig kom
fram í frétt The Aviation Herald að
flugvélin hefði verið í Köln í 43
klukkustundir eftir lendinguna. Þá
hefði henni verið flogið til Beja í
Portúgal. Þegar fréttin var birt sl.
föstudag var sagt að flugvélin hefði
ekki verið notuð til farþegaflugs eftir
atvikið í Köln, eða í tólf daga.
Flugvélin var ekki rekin á flug-
rekstrarleyfi WOW air.
Í svari við fyrirspurn Morgun-
blaðsins greindi HiFly frá því að flug-
vélin hafi ekki skaddast á neinn hátt
við atvikið. Ekki hafi verið hægt að
greina neitt óvenjulegt í lendingu og
flugvélin sé og hafi alltaf verið not-
hæf.
154 um borð í flugvélinni
„Það gerðist ekkert það alvarlegt
að það kalli á einhvers konar aðgerðir
að okkar hálfu,“ segir Sigurður
Magnús Sigurðsson, framkvæmda-
stjóri flugrekstrar hjá WOW air, en
þegar flugvélar séu ekki á flugrekstr-
arleyfi þeirra sé málið að vissu leyti
úr þeirra höndum. „Við fengum að
vita að flugvöllurinn hefði tilkynnt um
atvik, að það hefðu brotnað einhver
ljós á flugbrautinni, en það er í raun
allt sem við fáum að vita.“ Málið sé á
milli þess sem hafi flugrekstrarleyfið;
HiFly, portúgalskra yfirvalda og
flugvallaryfirvalda á svæðinu.
154 farþegar voru um borð í vélinni
en Sigurður segist ekki vita til þess að
neinn þeirra hafi haft samband við
WOW air vegna málsins.
Þota á vegum WOW
lenti utan brautar
 Engan sakaði  Var ekki á flugrekstrarleyfi WOW air
Morgunblaðið/Golli
Flugvél Ein af flugvélum WOW air
lenti utan flugbrautarinnar í Köln.
Guðlaugur Magnússon, fram-
kvæmdastjóri Bergrisa, segir að
með bílastæðagjöldunum geti
landeigendur fengið tekjur til að
bæta aðstöðu til móttöku ferða-
fólks, meðal annars bílastæði og
salerni. Sem dæmi má nefna að
ef innheimtar eru 500 kr. fyrir
bílastæði á stað sem 50 þúsund
bílar koma á nema brúttótekjur
25 milljónum á ári. Guðlaugur
segir að landeigendur geti
ákveðið að nota hluta gjaldsins
til að auka öryggi ferðafólks og
útbúa kynningarefni til að bæta
upplifun gesta.
Miklar tekjur
INNHEIMTA BÍLASTÆÐA-
GJALDA
Sigurður Bogi Sævarsson
sbs@mbl.is
Sveitarstjórn Dalabyggðar hefur
samþykkt að selja öll mannvirki að
Laugum í Sælingsdal, íþróttasal,
sundlaug, skólahús, hótel og fjögur
íbúðarhús sem áður voru kenn-
arabústaðir. Alls eru þessar bygg-
ingar um 3.880 fermetrar og eru að
stærstum hluta í eigu sveitarfé-
lagsins, en ný hótelálma sem útbúin
var fyrir fáum árum er sameign
Dalabyggðar, Icelandair hotels og
búnaðarfélaganna í Dölum.
Áhugi á kaupum
Sveitarfélagið hefur leitað sam-
þykkis meðeigenda sinna um sölu.
Gerir Sveinn Pálsson sveitarstjóri
ráð fyrir að byggingarnar verði
auglýstar til kaups á næstu vikum.
„Það hefur legið í loftinu í tals-
verðan tíma að sveitarfélagið hefði
hug á að selja þessar byggingar. Við
höfum að undanförnu fengið bæði
hringingar og heimsóknir frá fólki,
meðal annars í ferðaþjónustu, sem
er áhugasamt um kaup, en sveit-
arstjórnin vildi doka við með sölu.
Nú teljum við hins vegar rétta tím-
ann og að með sölu mannvirkjanna
geti sveitarfélagið losað um tals-
verða fjármuni,“ segir sveitarstjór-
inn. Bent er á að það geti aukið
vægi og hækkað verð bygginganna
á Laugum að ferðamannastraumur
um svæðið er meiri en áður var.
Ræður þar bæði fjölgun ferða-
manna almennt og eins að nú eru
Dalirnir í þjóðbraut, þar sem nú
liggur leiðin vestur á firði þar þvert
í gegn. Í hótelálmunni að Laugum
eru 20 rúmgóð hótelherbergi, auk
salarkynna, eldhúss og fleira. Í ann-
ari álmu, sem áður var heimavist
grunnskóla, eru 24 lítil herbergi. Á
staðnum eru einnig – og verða seld
– 25 metra útisundlaug og 400 fer-
metra íþróttasalur. Búningsaðstaða
fyrir laugina og íþróttasalinn eru
sameiginleg. Alls er fasteignamat
bygginganna á Laugum 266 millj.
kr. og brunabótamatið liðlega einn
milljaður króna.
Skólahald aflagt um aldamótin
Að Laugum var lengi starfræktur
heimavistarskóli fyrir sveitirnar í
Dalasýslu, eins og byggðin hét þá.
Um aldamótin var skólahald þar
lagt af og nú er börnum af svæðinu
öllu ekið í Auðarskóla í Búðardal og
íþróttaaðstaðan er ekki nýtt nema
að litlu leyti. Yfir sumartímann er
rekið Eddu-hótel að Laugum og á
veturna eru þar reknar vinsælar
ungmennabúðir sem nemendur úr
9. bekk grunnskólans víðs vegar af
landinu sækja.
Skólaþorpið að Laugum til sölu
 Skólahús, hótel, sundlaug, íþróttasalur og fjórir kennarabústaðir í Dölunum  Ferðaþjónustan sýnir
áhuga á eignunum  Sveitarfélagið losar um fjármuni  Fasteignamat er um einn milljarður króna
Morgunblaðið/Sigurður Bogi
Laugar Miklar byggingar og glæsilegar sem fara á söluskrá innan tíðar.
Forvitnir ferðamenn undruðust að sjá mann hanga í línu neðan úr þyrlu í
nágrenni Nauthólsvíkur í gær. En ástæðan fyrir þessum fimleikum í loftinu
var æfing Landhelgisgæslunnar og sérsveitar ríkislögreglustjóra.
Morgunblaðið/Árni Sæberg
Vakti
athygli
í línunni