Ægir - 01.02.2017, Blaðsíða 6

6
Áhrif margra vikna sjómannaverkfalls fóru að verða sýnilegri með
hverjum deginum þegar á janúarmánuð leið. Ekki hvað síst í byggð-
arlögum út um landið þar sem stórar vinnslur hafa verið stopp frá
því um miðjan desember og bæði sjómenn og landverkafólk án at-
vinnu. Það kemur líka vel í ljós þegar sjávarútvegshjólið í samfélag-
inu stöðvast hversu víðtæk áhrifin eru og ná langt inn í þjónustu-
og hliðargreinar í atvinnulífinu.
Verkföll eru og verða neyðarbrauð launþega. En þegar langur
tími líður á milli þess að gerðir séu kjarasamningar í jafn stórri sétt
og sjómannastéttin er þá þarf kannski ekki að koma á óvart að
verkfall verði langvinnt, fyrst það á annað borð skall á. Eitt er að ná
lendingu í kjarasamingum en ekki síður er mikilvægt að í kjölfarið
skapist líka ró og umhverfi þar sem traust byggist upp á nýjan leik
milli viðsemjenda. Því óumdeilanlega er það svo að þegar svo hart
er tekist á sem raun ber vitni nú fjarar undan trausti.
Að svo miklu marki sem umræðan í samfélaginu hefur náð til
þeirra efnisatriða sem tekist er á um í sjómannasamningunum hef-
ur endurspeglast að hagsmunir beggja vegna borðsins eru mjög
ólíkir. Það sem er mikilsvert atriði fyrir ákveðinn hóp sjómanna
skiptir annan hóp í þeirra röðum litlu sem engu. Svipuð saga hefur
heyrst af fundum fulltrúa útgerðanna. Fyrirtækin hafa mjög ólíka
möguleika á að mæta kröfum. Þetta færir enn og aftur heim sann-
inn um þá miklu breidd sem er í sjávarútvegi en um leið er umhugs-
unarefni hvort fyrirkomulag kjarasamninga milli útgerða og sjó-
manna hafi þróast í takti við útgerð sem um margt er gjörbreytt frá
því sem var á árum áður.
Á nákvæmlega sama tíma og verkfallið stendur yfir kom til lands-
ins Engey RE, fyrsti nýsmíði ferskfisktogarinn af níu sem nú koma í
flotann hver á fætur öðrum. Í þessum skipum birtist ekki bara nú-
tíminn heldur líka framtíðin því nýjum skipum er jú ætlað að þjóna
um langt árabil. Því horfa hönnuðir, tæknifyrirtæki og útgerðir í sam-
einingu til þess sem best gerist, hvort heldur er í aðbúnaði og öryggi
áhafnar, meðferð afla, orkunýtingu og þannig mætti lengi telja. Jafn-
vel birtist með þessum skipum hugtakið mannlaus lest, sem mörg-
um eldri sjómannninum þykir næsta ótrúleg staðreynd í ísfisktogara.
Þetta er eitt dæmið af mörgum um gjörbreytingu sem er að verða á
vinnustöðum stórs hóps sjómanna. Því betur verður þróunin ekki
stöðvuð og mun halda áfram. Hún er einn þeirra fjölmörgu þátta
sem taka þarf með í reikninginn við samningaborðið.
Ekkert er sjálfsagt hvað varðar sölu fiskafurða og á engan hátt
hægt að ganga að því sem vísu að allir erlendir kaupendur verði til
staðar að verkfalli loknu og höfðu tekið við afurðum frá Íslandi fyrir
verkfall. Eins og dr. Jón Þrándur Stefánsson bendir á í viðtali hér í
blaðinu hefur ekki orðið önnur eins truflun á afhendingu afurða frá
Íslandi frá því ferskafiskafurðavinnslan tók að vaxa fyrir fáum árum.
Slíka truflun segir hann á engan hátt æskilega, frá markaðslegum
sjónarhóli. Á hinn bóginn er líka vert að hafa í huga að í þessum
efnum reynir á nákvæmlega sömu aðila og byggt hafa upp, í sam-
starfi við framleiðendur, góða afurðamarkaði á undanförnum árum.
Þess er skemmst að minnast að þrátt fyrir lokun Rússlandsmarkaðar
fyrir makrílafurðum tókst samt að vinna varnarsigur í sölu þeirra af-
urða með nýjum mörkuðum. Allt mun með sama hætti verða lagt í
sölurnar til að tryggja að langtímaáhrif verkfallsins á afurðamarkaði
verði sem minnst.
Jóhann Ólafur Halldórsson skrifar
Atvinnugrein í hægagangi
R
itstjórn
a
rp
istilll
Vökvakerfislausnir
Vökvadælur, vökvamótorar
og stjórnbúnaður

Danfoss hf. Skútuvogi 6, 104 Reykjavík, Sími: 510 4100
www.danfoss.is
Stjórnbúnaður skipa. Tæknibúnaður sem ætlaður
er til notkunar á sjó mætir erfiðustu hugsanlegu
skilyrðum. Álag óblíðrar náttúru, miklar
hitabreytingar og stöðugur ágangur af söltum
sjó, eykur þörf viðskiptavina fyrir áreiðanlegan
og skilvirkan búnað.
Út gef andi:
Athygli ehf. ISSN 0001-9038
Rit stjórn:
Athygli ehf. Glerárgötu 24, Ak ur eyri.
Rit stjór i:
Jóhann Ólafur Hall dórs son (ábm.)
Sími 515-5220. GSM 899-9865.
Net fang: johann@athygli.is
Aug lýs ing ar:
Augljós miðlun. Sími 515-5206.
GSM 898-8022. Net fang: inga@athygli.is
Suðurlandsbraut 30. Reykjavík.
Hönnun & umbrot:
Athygli ehf.
Suðurlandsbraut 30. Reykjavík.
Sími 515-5200.
Á skrift:
Hálfsársáskrift að Ægi kostar 6100 kr.
Áskriftar símar 515-5200 & 515-5205
ÆG IR kem ur út 10-11 sinn um á ári.
Eft ir prent un og ívitn un er heim il,
sé heim ild ar get ið.