Dagblaðið Vísir - DV - 03.02.2015, Síða 4

Vikublað 3.–5. febrúar 20154 Fréttir
ÚRVAL
FÆÐUBÓTAREFNA
Glæsibæ & Holtagörðum
Netverslun: www.sportlif.is
Sterkustu
brennslu-
töflur í
Evrópu
Hafði sætaskipti
við farþegann
Ökumaður, sem grunaður er
um ölvun við akstur, lenti í
árekstri á Breiðholtsbraut um
miðjan dag á sunnudag. Sam­
kvæmt upplýsingum frá lög­
reglu hafði maðurinn verið
sviptur ökuréttindum vegna
fyrri afglapa.
Eftir áreksturinn reyndi öku­
maðurinn að hafa sætaskipti
við farþega í bifreiðinni en vitni
gáfu lögreglu upplýsingar um
hver hefði ekið er áreksturinn
varð.
Ökumaðurinn var frjáls
ferða sinna að lokinni frum­
rannsókn lögreglu, bifreið hans
fór af vettvangi með dráttarbif­
reið.
Sektuð vegna
sundlauga
Neytendastofa hefur lagt 100
þúsunda króna stjórnvaldssekt
á Reykjavíkurborg vegna skorts
á verðmerkingum á söluvörum
í Vesturbæjarlaug og Árbæjar­
laug.
Neytendastofa skoðaði á
dögunum allar verðmerkingar í
sundlaugum Reykjavíkur, bæði
hvað varðar aðgangsgjald og
verkmerkingar á söluvörum.
Eftir fyrri heimsókn stofnunar­
innar voru gerðar athugasemd­
ir við verðmerkingar í fimm
sundlaugum en þrjár þeirra
fóru að fyrirmælum Neytenda­
stofu og höfðu bætt merkingar
sínar þegar eftirlitinu var fylgt
eftir með annarri heimsókn.
Enn vantaði hins vegar verð­
merkingar á söluvörur í laug­
unum í Vesturbæ og Árbæ og
þarf Reykjavíkurborg að gjalda
fyrir það.
Harma að kvótinn sé
á leið úr Fjallabyggð
n Útgerð seld á tæpan milljarð króna n Bæjaryfirvöld nýttu ekki forkaupsrétt
B
æjaryfirvöld í Fjallabyggð
harma að allar veiðiheimildir
útgerðarfélagsins Sigluness
hf. hafi verið seldar út úr
sveitarfélaginu. Gunnar I.
Birgisson, bæjarstjóri Fjallabyggðar,
segir sveitarfélagið hvorki hafa laga­
legar heimildir né fjárhagslega getu
til að stöðva söluna sem er upp á
tæpan milljarð króna.
„Við getum ekkert gert nema
harmað þetta því við höfum hvorki
tök eða tæki til að kaupa þennan
kvóta og halda honum innan sveitar­
félagsins. Það er mjög slæmt að slík­
ar aflaheimildir fari héðan en við eig­
um mjög erfitt með að stöðva þetta,
því miður,“ segir Gunnar.
Eiga forkaupsrétt
Eigendur Sigluness buðu Fjallabyggð
að kaupa línubátinn Jonna ÓF­86 af
útgerðarfélaginu í september í fyrra.
Bæjaryfirvöld ákváðu þá að nýta ekki
forkaupsrétt sveitarfélagsins í veiði­
heimildir Jonna. Eigendur útgerðar­
félagsins gerðu í kjölfarið samning
um sölu á öllum hlutum Sigluness,
og þar með bátnum og hans aflahlut­
deild og aflamarki, við eignarhalds­
félagið Ögur ehf. Ögur er skráð í
Kópavogi og rekur meðal annars
smábátaútgerðina Otur ehf., skipa­
smíðafyrirtækið Víkingbáta ehf. og
fasteignafélagið Kópavogstún ehf.
Salan á útgerðarfélaginu
var til umfjöllunar í bæjarráði
Fjallabyggðar þann 24. janúar síðast­
liðinn. Í bókun bæjarráðs frá þeim
fundi segir að sveitarfélagið geti ekki
stöðvað söluna og að ráðið harmi
niðurstöðuna.
„Þetta er vont mál því allur fisk­
ur sem fer út úr bæjarfélaginu er of
mikið,“ segir Gunnar.
Í bókuninni er einnig vísað til
lagalegrar óvissu og það tekið fram
að óútkljáð mál liggi fyrir dómstól­
um. Gunnar segir bæjarráð vísa þar
til ákvörðunar Héraðsdóms Reykja­
víkur um að ógilda kaup Síldar­
vinnslunnar hf. á öllu hlutafé í út­
gerðarfélaginu Bergi­ Hugin ehf.
Vestmannaeyjabær taldi sig eiga rétt
á að ganga inn í kaupsamninginn,
á grundvelli forkaupsréttar sveitar­
félagsins í samræmi við 12. grein
laga um stjórn fiskveiða, en Síldar­
vinnslan hefur áfrýjað úrskurði hér­
aðsdóms.
Skuldastaðan erfið
Gunnlaugur Oddsson, fram­
kvæmdastjóri og annar eigandi
Sigluness, segir skuldastöðu út­
gerðarfélagsins hafa verið erfiða um
langt skeið og að eigendurnir hafi því
verið nauðbeygðir til að selja. Skuld­
ir Sigluness námu 913 milljónum
króna í árslok 2013, samkvæmt árs­
reikningi, en eignirnar tæpum 600
milljónum.
„Þetta er ekkert ósvipað dæmi og
er úti í Grímsey,“ segir Gunnlaugur
og vísar til frétta af útgerðarfyrirtækj­
um í Grímsey sem eiga í erfiðleikum
með að standa í skilum með lán sem
tekin voru hjá Íslandsbanka.
„Við vorum að kaupa dálítið mik­
inn kvóta á árunum 2006 og 2007,
meðal annars frá Grímsey, og á er­
lendum lánum. Flest lánin hafa nú
verið dæmd lögleg og sparisjóðurinn
hérna neitar að gera nokkuð meira
fyrir okkur,“ segir Gunnlaugur.
Siglunes var stofnað árið 1996 og
á um 400 þorskígildistonn og þar af
um 310 tonn af þorski og 50 tonn af
ýsu. Gunnlaugur segir kaupverðið
trúnaðarmál. Í fundargerð bæj­
arráðs Fjallabyggðar frá 19. septem­
ber 2014 kemur fram að báturinn og
veiðiheimildirnar hafi verið metnar
á tæpan milljarð króna.
„Þetta hefur átt sér langan að­
draganda en það vita allir í bænum
af þessu. Auðvitað þykir mér það
leitt að kvótinn verði ekki eftir í bæn­
um en það er ekkert við því að gera,“
segir Gunnlaugur. n
„Auðvitað þykir
mér það leitt að
kvótinn verði ekki eftir í
bænum en það er ekkert
við því að gera.
Siglufjörður Siglunes hf.
hefur selt línubátinn Jonna
ÓF, sem er hægra megin á
myndinni, ásamt veiðiheim-
ildum til eignarhaldsfélagsins
Ögurs sem er skráð í Kópavogi.
mynd HrEiðar JóHannSSon
Haraldur Guðmundsson
haraldur@dv.is
Bæjarstjóri Fjallabyggðar Gunnar I.
Birgisson. mynd SiGtryGGur ari
„Alvarlegar afleiðingar“
Gjaldeyrishöftin farin að skaða samkeppnishæfi fyrirtækja
S
amtök iðnaðarins sendu
á mánudag bréf þar sem
þau óskuðu eftir fundi með
Bjarna Benediktssyni fjár­
málaráðherra vegna skaðlegra
áhrifa gjaldeyrishaftanna á ís­
lensk iðnfyrirtæki í alþjóðlegri
samkeppni og á hraðvaxandi fyrir­
tæki á sviði nýsköpunar. Þetta
kemur fram í tilkynningu frá sam­
tökunum.
Tilefnið eru fréttir um að rót­
gróið íslenskt iðnfyrirtæki,
Promens, hyggist flytja höfuð­
stöðvar sínar frá Íslandi. Vonast er
til að fundurinn með fjármálaráð­
herra geti farið fram innan fárra
daga. Afrit af bréfinu var sent á Sig­
mund Davíð Gunnlaugsson for­
sætisráðherra.
Samtökin lýsa sig í bréfinu
reiðubúin til samvinnu við stjórn­
völd um að greina stöðu mála
varðandi samkeppnishæfni al­
þjóðlegra fyrirtækja hér á landi,
leggja mat á umfang þess skaða
sem höftin hafa þegar valdið og
ekki síst að útfæra mögulegar leiðir
til að bæta stöðuna innan ásættan­
legs tímaramma. Samtökin leggja
þunga áherslu á að sérstaklega
verði hugað að aðstöðu íslenskra
fyrirtækja í alþjóðlegri starfsemi
þegar tímasett og þrepaskipt áætl­
un um afnám hafta verði sett fram.
„Um er að ræða enn eitt dæm­
ið um alvarlegar afleiðingar þess
að loka landinu með höftum.
Raunveruleg merki sjást nú
um að samkeppnisstaða Ís­
lands og möguleikar til upp­
byggingar alþjóðlegra fyrirtækja í
landinu séu í hættu,“ segir Almar
Guðmundsson, framkvæmdastjóri
Samtaka iðnaðarins, í tilkynningu
frá samtökunum. n
Formennirnir Bjarni Benediktsson fékk bréf
frá Samtökum iðnaðarins, Sigmundur Davíð
Gunnlaugsson fékk svo afrit. mynd SiGtryGGur ari