Dagblaðið Vísir - DV - 10.03.2015, Qupperneq 4

4 Fréttir Vikublað 10.–12. mars 2015
Fólk hvatt til að
skila röngum
skattaskýrslum
Samtök meðlagsgreiðenda hafa
sent frá sér tilkynningu þar sem
þau hvetja einstæða meðlags­
greiðendur til „borgaralegrar
óhlýðni“ við skil á skattaskýrslum
nú í mars.
Samtökin mótmæla því að
umgengnisforeldrar séu ekki
for eldr ar í skiln ingi lag anna.
„Samtökin hvetja einstæða
meðlagsgreiðendur til að skrá sig í
skattaskýrslum sem einstæða for­
eldra, og mótmæla þar með því að
umgengnisforeldrar séu skráðir
sem barnslausir einstaklingar í
bókum hins opinbera. Að sama
skapi mótmælum við því að með­
lagsgreiðendur njóta ekki aðkomu
að velferðarkerfinu sem foreldrar.“
Samtökin vilja með þessu mót­
mæla aðgerðaleysi stjórnvalda.
„Með því að fylla skattaskýrsl­
una rangt út bendum við aukin­
heldur á, að einstæðir umgengn­
isforeldrar eru einstæðir foreldrar,
jafnvel þótt stjórnvöld og þing­
menn berji höfði við stein,“ segir í
tilkynningu samtakanna.
Ringulreið í ráðhúsinu
Tæplega þriðjungur starfsmanna verður hættur 1. maí
M
ikil ólga einkennir
enn ástandið í ráðhúsi
Reykjanesbæjar eftir miklar
mannabreytingar, launa­
lækkanir og niðurskurð á undan­
förnum vikum og mánuðum. Sam­
kvæmt heimildum DV munu 20
starfsmenn af um það bil 68 hafa
látið af störfum í ráðhúsinu þegar
apríl verður á enda runnin. Fullyrt
er í eyru DV, að margir fleiri hugsi
sér til hreyfings. Eins og DV greindi
frá á dögunum sagði nýr meirihluti
bæjarstjórnar upp öllum átta yfir­
mönnum í bænum. Fimm fram­
kvæmdastjórastöður voru í kjölfarið
auglýstar og sótti meirihluti fram­
kvæmdastjóranna um aftur. Í það
minnsta einn þeirra, Gylfi Jón Gylfa­
son fræðslustjóri, dró umsögn sína
til baka í síðustu viku, eins og DV
greindi frá, en bættur námsárangur
í sveitarfélaginu hefur vakið eftirtekt
á liðnum misserum.
Bærinn sendi frá sér tilkynningu
á mánudag þar sem fram kom að
tækist ekki að semja við kröfuhafa
um endurskipulagningu skulda
væri greiðslufall yfirvofandi. Bæjar­
félagið er, eins og fram hefur kom­
ið, skuldum vafið eftir 12 ára sam­
fellda stjórnartíð Árna Sigfússonar
og Sjálfstæðisflokksins en flokk­
urinn hefur raunar verið við völd í
bænum tvöfalt lengur. Fram kom
í skýrslu KPMG í nóvember að
Reykjanesbær skuldaði 40 milljarða
og að skuldahlutfall bæjarins væri
270 prósent. n
Í skugga skulda
Reykjanesbær
skuldar 40 milljarða.
Niðurskurður hefur
tekið sinn toll í ráð-
húsi bæjarins.
Fékk súrefni
og vökva í æð
Flugvél frá Lufthansa varð að
lenda á Keflavíkurflugvelli um
helgina vegna veikinda farþega.
Vélin var á leið frá Frankfurt
í Þýskalandi til Vancouver í
Kanada þegar farþeginn veikt­
ist. Farþeginn var fluttur á Heil­
brigðisstofnun Suðurnesja til að­
hlynningar. Tveimur dögum áður
hafði lögreglunni á Suðurnesj­
um verið tilkynnt um lendingu
flugvélar frá Air Canada af sömu
ástæðum. Sú vél var á leiðinni
frá Heathrow til Toronto þegar
farþeginn veiktist. Höfðu læknar
um borð gefið honum súrefni
og vökva í æð. Hann var einnig
fluttur með sjúkrabifreið á Heil­
brigðisstofnun Suðurnesja.
Leiguskuldir og höfnin
ógna fjárhag bæjarins
n Greiðslufall ef ekki semst um skuldir n Draumar og draugar fortíðar
Þ
yngstu skuldabaggarnir á
herðum Reykjanesbæjar
á næstu árum eru skuldir
sem tengjast vanskilum
bæjarfélagsins við EFF,
Eignarhaldsfélagið Fasteign hf. og
skuldir Reykjaneshafnar. Leigu­
skuldir Reykjanesbæjar við EFF
nema nú um 12 milljörðum króna
og skuldir Reykjaneshafnar um 7,5
milljörðum króna.
Þessar tvær skuldbindingar
Reykjanesbæjar slaga því hátt í
helming heildarskulda bæjarfé­
lagsins sem áætlaðar voru um 40
milljarðar króna þegar þegar ráðist
var í gerð neyðaráætlunar sem nú
er fylgt. Fyrir um ári voru heildar­
skuldir Reykjanesbæjar um 270 pró­
sent af árlegum tekjum bæjarfélags­
ins en lögum samkvæmt mega þær
ekki fara fram úr 150 prósenta marki
án afskipta eftirlitsnefndar með fjár­
málum sveitarfélaga.
Ögurstund
„Eins og fram hefur komið í tilkynn­
ingum Reykjanesbæjar er fjárhags­
staða bæjarfélagsins alvarleg,“ segir
orðrétt í tilkynningu bæjaryfirvalda
til Kauphallarinnar í byrjun vikunn­
ar. „Bæjaryfirvöld eiga í viðræðum
við kröfuhafa um endurskipulagn­
ingu skuldbindinga bæjarfélagsins.
Stefnt er að því að niðurstaða þeirra
viðræðna liggi fyrir á næstu vikum.
Ef viðræðurnar skila ekki árangri
getur komið til greiðslufalls á skuld­
bindingum bæjarfélagsins í fram­
tíðinni.“ Núverandi meirihluti vinn­
ur í samræmi við neyðaráætlun sem
gengur undir nafninu Sóknin.
Þegar hefur verið hrundið í fram­
kvæmd ýmsum þáttum áætlunar­
innar svo sem með uppsögnum,
launalækkun og hækkun skatta
og gjalda. Til að mynda hækkaði
Reykjanesbær nýlega fasteignagjöld
um 67 prósent, mest allra sveitar­
félaga. Ætlunin er að ná 500 millj­
óna króna niðurskurði og 400 millj­
óna króna tekjuauka á ári til að
fylgja neyðaráætluninni. Í öðru lagi
er unnið að því að gera fyrirtæki í
eigu bæjarins, svo sem stórskulduga
Reykjaneshöfn og sorpeyðingar­
stöðina Kölku, sjálfbær. Í þriðja lagi
hefur verið tekið fyrir nær allar fjár­
festingar á vegum bæjarfélagsins.
Samningar við lánardrottna um af­
skriftir skulda eða viðráðanlega skil­
mála – sem kastljósinu er nú beint
að – er fjórða þrep áætlunarinnar.
Fortíðarvandi tengdur EFF
Gangi ekki að semja um afskriftir
og breytta skilmála skulda kom­
ast kjörnir fulltrúar vart hjá því að
ganga á fund eftirlitsnefndar með
fjármálum sveitarfélaga og afsala sér
stjórn Reykjanesbæjar. Eftir neyðar­
áætluninni er unnið í nánu samráði
við eftirlitsnefndina og ekki líklegt
að hún taki frumkvæði af kjörn­
um fulltrúum við slíkar aðstæður.
Athygli vekur hve íþyngjandi skuld­
bindingar Reykjanesbæjar eru orðn­
ar við Eignarhaldsfélagið EFF eða
um 12 milljarðar króna. Á annan tug
sveitarfélaga átti aðild að EFF þegar
best lét ásamt Íslandsbanka/Glitni
og Háskólanum í Reykjavík. EFF er
nú ekki svipur hjá sjón og gæti far­
ið svo að Reykjanesbær yrði eini eig­
andi félagsins þegar önnur sveitar­
félög hverfa á braut.
Um tíma áttu Íslandsbanki/Glitn­
ir og Reykjanesbær um 70 prósent
í EFF. Reykjanesbær hafði þá lagt
um 30 eignir; barnaskóla, íþrótta­
hús, íþróttavelli, golfvöll og Hljóma­
höllina inn í EFF og greiddi á móti
um einn milljarð í leigu á ári til
eignarhaldsfélagsins. Árni Sigfússon
var í senn bæjarstjóri og stjórnarfor­
maður EFF þegar þetta var og einn
helsti arkitektinn að því að ráðstafa
eignum bæjarbúa á þennan hátt.
Hrunið hækkaði erlendar skuldir
EFF verulega. Engu að síður var grip­
ið til þess ráðs að lækka tímabund­
ið leigugjald Reykjanesbæjar fyrir
skóla, íþróttamannvirki og fleira um
28 prósent. Sama átti við um aðra að­
ila að EFF.
EFF í gjaldþrot?
Þess má geta að helsti kröfuhafi
EFF, sem á nú 12 milljarða kröfu í
bæjar sjóð Reykjanesbæjar, er slita­
bú Glitnis. Sú staða getur komið upp
ef aðrir ganga út að EFF verði alfarið
eign Reykjanesbæjar. Við slíkar
kringumstæður er eins víst að kjörn­
ir fulltrúar eigi ekki annan kost betri
en að steypa EFF (eða arftaka þess) í
gjaldþrot. Þá ætti meðal annars slita­
bú Glitnis milljarða kröfu í þrotabú
EFF sem aftur ætti 12 milljarða kröfu
á bæjarsjóð Reykjanesbæjar. Að­
draganda ófara Reykjanesbæjar má
rekja aftur til stofnunar EFF árið 2002
og margvíslegra ákvarðana um fjár­
festingar þáverandi meirihluta sem
aldrei hafa skilað neinum tekjum en
bundið íbúunum þungan skulda­
bagga á herðar. n
„Ef viðræðurnar skila
ekki árangri getur
komið til greiðslufalls.
Jóhann Hauksson
johannh@dv.is
Brostnar vonir Draumarnir voru stórir en fallið og vonbrigðin mikil. Áfanga fagnað við álversbyggingu við Helguvíkurhöfn. Reykjaneshöfn
skuldar 7,5 milljarða króna og hefur litlar sem engar tekjur af hálfkláruðum fjárfestingum.
Skuldaklafi Endurgerð Hljómahallarinnar er íbúum í Reykjanesbæ þriggja milljarða króna skulda-
baggi. Bæjarfélagið hefur hana á leigu en skuldar Eignarhaldsfélaginu (EFF) 12 milljarða króna.
Íslenskir skartgripir
Úra og skartgripaverslun Heide Glæsibæ
Tilvalin fermingargjöf
Við erum líka á Facebook