Dagblaðið Vísir - DV - 29.05.2015, Page 32

4 Ferðaþjónusta - Kynningarblað Helgarblað 29. maí–1. júní 2015
D
rangeyjarferðir er fjöl­
skyldufyrirtæki sem staðsett
er á Reykjum á Reykjaströnd
í Skagafirði. Það var stofn­
að af Jóni Eiríkssyni þegar
hann hóf að sigla með ferðafólk út
í Drangey. Síðar byggði Jón upp
svæðið á Reykjum til ferðaþjónustu.
Viggó, sonur hans, og sonarsonur,
Helgi Rafn, hafa tekið við rekstrinum
ásamt fjölskyldum sínum og halda
áfram því starfi og uppbyggingu sem
Jón hóf á sínum tíma.
Sigling í Drangey
Drangeyjarferðir bjóða upp á sigl­
ingu út í Drangey, sem er ein af nátt­
úruperlum Skagafjarðar, og bað í
Grettislaug og Jarlslaug. Á Reykjum
er einnig Grettis Café, kaffihús og
bar, gistiheimili á tveimur hæðum
og stórt og gott tjaldsvæði. Afþreying
er í boði, skipulagðar gönguferðir og
sjóstangveiði.
„Drangey er frekar hrikaleg
ásýndum þegar þú kemur undir
bergið og mörgum finnst þeir verða
litlir við hliðina á náttúrunni. En
uppgangan er auðveld og flestum
fær,“ segir Viggó hjá Drangeyjarferð­
um. „Í fyrra gekk sem dæmi 84 göm­
ul kona upp og fór létt með það.“
Fjölbreytt afþreying á Reykjum
„Yfir sumarmánuðina bjóðum við
upp á daglegar ferðir út í Drangey,“
segir Viggó. Drangey er náttúruperla
í miðjum Skagafirði með flottu útsýni
yfir fjörðinn og fuglalífið er magnað.
Sjóstangveiði er skemmtileg af­
þreying fyrir alla, en stutt er að sigla
á gjöful fiskimið.
„Nýtt í sumar hjá okkur eru göngu­
ferðir yfir Tindastólinn með leiðsögn.
Hægt er að velja um tvær leiðir, styttri
ferðin er 4–5 klukkustundir en sú
lengri er 8–9 klukkustundir og lýkur
göngunni svo á Reykjum þar sem
hægt er að fá sér veitingar og slappa
af í Grettislauginni,“ segir Viggó.
Heitar laugar hafa
mikið aðdráttarafl
Grettislaug og Jarlslaug eru nátt­
úrulaugar hlaðnar ofan á heitum
uppsprettum. Grettislaug er nefnd
eftir Gretti sterka, en Jarlslaug,
nýrri laugin, eftir Drangeyjarjarlin­
um Jóni Eiríkssyni. Grettislaug var
valin önnur af bestu laugum lands­
ins fyrir stuttu af erlendu tímariti og
hafa laugarnar báðar mikið aðdrátt­
arafl fyrir ferðalanga á Íslandi, sem
finnst fátt jafnast á við að baða sig í
39 gráðu heitri laug á sjávarkamb­
inum. Við laugarnar er útisturta og
skiptiaðstaða.
Grettis Café býður
upp á léttar veitingar
„Fyrir þremur árum opnuðum við
Grettis Café á Reykjum, kaffihús og
bar,“ segir Viggó. Ferðafólki hefur
þótt það frábær viðbót á svæðinu.
Grettis Café er opnað kl. 9 og er opið
fram eftir kvöldi.
Tjaldsvæði og gistiheimili
Á Reykjum er stórt og gott tjaldsvæði
með salernisaðstöðu, grillaðstöðu
og litlu leiksvæði fyrir börnin. Einnig
er þar notalegt gistiheimili og í boði
eru bæði svefnpokapláss eða uppá­
búin rúm.
„Við tökum vel á móti hópum,
stórum sem smáum,“ segir Viggó.
Tilvalið er fyrir vinahópa, sauma­
klúbba eða fyrirtæki að hafa sam­
band og fá tilboð í afþreyingu fyrir
hópinn sinn. „Einnig bjóðum við
hópum upp á mat, léttar veitingar
eða kaffihlaðborð og hefur það verið
mjög vinsælt eftir ferðir,“ segir Viggó.
„Við höfum einnig fengið hingað fólk
í hestaferðum, sem nýtir sér laugina
og nærir sig svo á kaffihúsinu áður
en það heldur áfram ferðinni.“
Þann 27. júlí nk. verður tónlistar­
hátíðin Drangey Music Festival – þar
sem vegurinn endar haldin á Reykj­
um og er það í fyrsta sinn sem tón­
listarhátíð er haldin á staðnum.
Jónas Sig og Ritvélar framtíðar­
innar, Emilíana Torrini, Magni og
Contalgen Funeral.
„Miðasala á hátíðina gengur vel
og vanur maður í brúnni, Áskell
Heiðar sem hefur séð um Bræðsluna
en hann og ég erum hvatamenn að
Drangeyjar Music Festivalinu,“ segir
Viggó. Nánari upplýsingar má finna
á midi.is og heidar@fjolnet.is.
Drangeyjarferðir eru á Reykjum
í Skagafirði, síminn er 821­0090 og
821­0091, netfang drangey@fjol­
net.is. Heimasíða er drangey.net og
Drangeyjarferðir eru einnig á Face­
book. n
Drangeyjarferðir
Heitar laugar hafa mikið aðdráttarafl fyrir þreytta ferðalanga