Dagblaðið Vísir - DV - 10.11.2015, Blaðsíða 8

Vikublað 10.–12. nóvember 20158 Fréttir
Láttu þér líða vel
Opnunartími
Virka daga frá kl. 7.00 - 20.00
Laugardaga frá kl. 9.00 - 18.00
Sunnudaga frá kl. 10.00 - 14.00
meccaspa.is
Hótel Saga, Hagatorgi • 107 Reykjavík • Sími: 511 2111 og 862 0822 (utan opnunartíma)
Gildir f
yrir alla
r
tegund
ir af nu
ddi við

afhend
ingu þe
ssa
miða.
20%
afsláttu
r
Gefa þrettán
milljónir
Rauði krossinn á Íslandi hefur
ákveðið að veita 13 milljónum
króna til að svara kalli Alþjóða­
sambands Rauða krossins og
Rauða hálfmánans til að fjár­
magna aðkallandi hjálparað­
gerðir vegna neyðarástands á
Grikklandi. Þetta kemur fram í
tilkynningu frá Rauða krossinum.
Á þessu ári hafa rúmlega 600
þúsund flóttamenn lagt leið sína
til Grikklands og hefur straumur
fólks aukist sérstaklega mikið
undanfarna þrjá mánuði. Þar af
hafa yfir 300 þúsund manns kom­
ið til eyjarinnar Lesbos sem er
einungis um tveir ferkíló metrar
að stærð.
„Sjálfboðaliðar og starfs­
fólk gríska Rauði krossinn hefur
starfað dag og nótt undanfarna
mánuði við að koma hjálpar­
gögnum til þeirra sem á þurfa
að halda. Fjárhagslegt bolmagn
gríska Rauða krossins er hins
vegar takmarkað vegna gífurlegs
álags á árinu og þarfnast aðstoð­
ar annarra landsfélaga. Þar ætlar
Rauði krossinn á Íslandi ekki að
láta sitt eftir liggja.
Aðgerðirnar fela meðal annars
í sér mataraðstoð, heilbrigðis­
aðstoð, dreifingu hreinlætis­
pakka og aðstoð við flóttafólk til
að komast í samband við viðskila
ættingja og ástvini,“ segir Rauði
krossinn.
Burlington þriðji
stærsti kröfuhafi LBI
Vogunarsjóðurinn í hópi stærstu hluthafa hins nýja félags eftir nauðsamning
B
urlington Loan Manage­
ment, írskt skúffufélag á veg­
um bandaríska vogunar­
sjóðsins Davidson Kempner,
verður einn stærsti hluthafi
eignaumsýslufélags gamla Lands­
bankans (LBI) eftir staðfestingu
nauðasamnings. Samtals nema sam­
þykktar almennar kröfur Burlington
á hendur LBI ríflega 98 milljörðum
króna að nafnvirði sem gerir sjóðinn
að þriðja stærsta samningskröfu­
hafa slitabúsins með um 6,1% hlut.
Umsvif Davidson Kempner á Íslandi
einskorðuðust lengst af einkum
við kaup á kröfum á slitabú Glitnis
og Kaupþings en á árinu 2014 hóf
Burlington einnig að kaupa kröfur af
miklum móð á LBI.
DV hefur undir höndum lista yfir
alla þá kröfuhafa – samtals 1.520
talsins – sem verða hluti af fyrirhug­
uðum nauðasamningi LBI og var
sendur til kröfuhafa þann 6. nóvem­
ber síðastliðinn. Kröfuhafar munu
greiða atkvæði um nauðsamnings­
frumvarp LBI á kröfuhafafundi 23.
nóvember næstkomandi. Áætlað­
ar heimtur almennra kröfuhafa eru
14,38% sem þýðir að Burlington get­
ur vænst þess að fá um 14 milljarða
króna í sinn hlut eftir að búið verð­
ur að umbreyta óseldum eignum í
reiðufé og greiða út til kröfuhafa.
Langstærstu samningskröfu­
hafar LBI eru hins vegar ACMO
S.a.r.l., skúffufélag í Lúxemborg,
og Deutsche Bank Trust Company
Americas en samtals eiga þessi fé­
lög um 34% allra krafna á hendur
LBI. Fullyrða má að félögin séu ekki
raunverulegir eigendur krafnanna
heldur aðeins vörsluaðilar fyrir ýmsa
erlenda fjárfestingasjóði. Það sama
gildir um Deutsche Bank í London
sem er fimmti stærsti almenni kröfu­
hafi LBI. Eignasafn Seðlabanka Ís­
lands (ESÍ) verður fjórði stærsti
hluthafi eignaumsýslufélags LBI en
samþykktar kröfur bankans á hendur
slitabúinu nema yfir 97 milljörðum.
Það þýðir að sá erlendi gjaldeyrir
sem mun að endingu falla í skaut ESÍ
verður um 14 milljarðar.
Landsbankinn kaupir
Landsvirkjunarbréf
Á síðustu mánuðum hefur reiðu­
fé slitabús LBI í erlendum gjaldeyri
aukist um meira en 90 milljarða.
Það skýrist af 47 milljarða fyrirfram­
greiðslu Landsbankans inn á skuld
sína við LBI, 28 milljarða upp­
greiðslu ríkissjóðs á Avens­skulda­
bréfinu og sölu á skuldabréfi á hend­
ur Landsvirkjun. Gengið var nýlega
frá samkomulagi um kaup Lands­
bankans á skuldabréfinu fyrir 8,3
milljarða en bréfið er í Bandaríkja­
dölum og á gjalddaga árið 2018.
Slitabúið hefur núna yfir að ráða
nægjanlegu reiðufé í erlendri mynt
svo hægt sé að gera upp við for­
gangskröfuhafa að fullu með greiðslu
að fjárhæð 211 milljarða áður en árið
er liðið. Fram til þessa hefur slitabú­
ið innt af hendi fimm hlutagreiðslur
til forgangskröfuhafa upp á samtals
1.118 milljarða, eða sem nemur 85%
af höfuðstól krafna þeirra. Uppgjör
forgangskrafna LBI stafar sem kunn­
ugt er frá innstæðum sem Lands­
banki Íslands safnaði í útibúum sín­
um í Amsterdam og London undir
vörumerkinu Icesave í aðdraganda
bankahrunsins 2008.
Þrír stjórnarmenn
Í frumvarpi að nauðasamningi
ásamt ýmsum fylgiskjölum og gögn­
um sem hafa verið send til kröfu­
hafa, og DV hefur undir höndum,
kemur meðal annars fram að allir al­
mennir kröfuhafar muni fá greidda
lágmarksgreiðslu í evrum að jafn­
virði 1,7 milljóna króna. Þá er áætlað
að þær eignir sem verða á forræði
stjórnar hins nýja félags eftir nauða­
samning – þegar búið er að greiða
út til forgangskröfuhafa og inna af
hendi stöðugleikaframlag til stjórn­
valda – muni nema ríflega 231 millj­
arði króna. Þar munar mestu um 152
milljarða skuld Landsbankans við
LBI í erlendri mynt og lán til erlendra
fyrirtækja að fjárhæð 46 milljarða.
Við staðfestingu nauðasamnings
mun LBI gefa út skuldabréf í evrum,
og nýja hluti í félaginu, sem verður
afhent samningskröfuhöfum í hlut­
falli við fjárhæð krafna þeirra. Sam­
kvæmt frumvarpi að nauðasamn­
ingi verður um að ræða vaxtalaus
skuldabréf að jafnvirði 288 milljarða
íslenskra króna með lokagjalddaga
á árinu 2035. Afborganir af bréfinu
ráðast af því hvernig til tekst að um­
breyta óseldum eignum í laust fé.
Gert er ráð fyrir því að hið nýja
félag LBI verði með lögfesti á Ís­
landi og að stjórnin verði skipuð
þremur einstaklingum. Ekki liggja
fyrir tilnefningar að stjórnarmönn­
um á þessari stundu en á síðasta
kröfufundi LBI óskaði slitastjórnin
eftir því að kröfuhafar myndu koma
með tillögur að einstaklingum til að
taka sæti í stjórninni. n
Hörður Ægisson
hordur@dv.is
Fjárfestingar Davidson Kempner í kröfum
á hendur íslensku slitabúunum hófust árið
2009 og jukust umsvif sjóðsins hröðum
skrefum næstu árin. Er vogunarsjóðurinn
meðal annars stærsti einstaki kröfuhafi
Glitnis en á árinu 2013 seldi sjóðurinn hins
vegar megnið af kröfum sínum á hendur
Kaupþingi. Sá sem hefur haft umsjón
með fjárfestingum Davidson Kempner á
Íslandi, í gegnum skúffufélagið Burlington
Loan Management, er sem kunnugt er
Bretinn Jeremy Lowe, stundum þekktur
sem „Herra Ísland.“
Árið 2014 hóf Burlington að kaupa
umtalsvert af almennum kröfum á
slitabú LBI. Þá er talið að Deutsche
Bank í London, sem keypti mikið magn
forgangskrafna á LBI á síðasta ári, meðal
annars Icesave-kröfu hollenska seðla-
bankans, hafi aðeins verið milliliður fyrir
hönd vogunarsjóða á borð við Burlington.
Fyrir utan kröfur á föllnu bankana þá á
Burlington Loan Management einnig
mikilla hagsmuna að gæta – bæði sem
hluthafi og kröfuhafi – í Lýsingu, Bakkavör
Group og eignaumsýslufélaginu ALMC,
áður Straumi-Burðarási fjárfestinga-
banka.
Stærsti kröfuhafi Íslands
Kröfuhafi Kröfufjárhæð að nafnvirði (í milljörðum) Hlutdeild
ACMO S.a.r.l. 400 25%
Deutsche Bank Trust Company Americas 304 19%
Burlington Loan Management 98 6,1%
Eignasafn Seðlabanka Íslands (ESÍ) 97 6,1%
Deutsche Bank AG, London 86 5,4%
Goldman Sachs Lending Partners 51 3,2%
Wingspan Master Fund 43 2,7%
CF IC Investors II 36 2,3%
CVF LUX Master S.a.r.l. 34 2,1%
SL Investments S.a.r.l. 26 1,6%
Trinity Investment 24 1,5%
Bayerische Landesbank 22 1,3%
AIO III S.a.r.l. 21 1,3%
AIO IV S.a.r.l. 21 1,3%
CVF Lux Securities Trading 18 1,2%
LLSM L.P. 14 0,9%
Stonehill Master Fund 14 0,8%
Ríkisábyrgðarsjóður 12 0,8%
Credit Suisse International 11 0,7%
AIO III Finance (Ireland) Limited 10 0,7%
20 stærstu kröfuhafar gamla Landsbankans