Dagblaðið Vísir - DV - 05.06.2015, Blaðsíða 14

14 Fréttir Helgarblað 5.–8. júní 2015
Margnota augnhitapoki
Fæst í helstu apótekum og Eyesland Gleraugnaverslun, Glæsibæ
Ef augnhvílan er notuð tvisvar á dag með reglulegu
millibili hefur hún jafnan jákvæð áhrif á hvarmabólgu
(Blepharitis), vanstarfsemi í fitukirtlum, augnþurrk, vogris,
augnhvarmablöðrur og rósroða í hvörmum/augnlokum
Augnhvilan
Augnhvílan er auðveld í notkun og
vermir í 10 mínútur í hvert sinn.
Hún er einfaldlega hituð í 30 sekúndur
í örbylgjuofni og lögð yfir augun.
Ber ábyrgð á yfirlýs-
ingum um moskuna
Átök vegna yfirlýsinga í stjórn Kynningarmiðstöðvar íslenskrar myndlistar
F
ormaður Kynningarmið­
stöðvar íslenskrar myndlistar
(KÍM), Eiríkur Þorláksson,
segist taka ábyrgð á yfirlýs­
ingum sem voru sendar frá
kynningarmiðstöðinni en voru ekki
bornar undir stjórn áður. Hanna
Styrmisdóttir sagði í viðtali við DV í
vikunni að hún hefði sagt af sér sem
varaformaður KÍM vegna þess að yfir­
lýsingar voru ekki bornar undir hana.
Ekki borið undir stjórn
„Afsögn mín kemur til af því að ég get
ekki sem stjórnarmaður tekið ábyrgð
á yfirlýsingum sem varða hagsmuni
miðstöðvarinnar en hafa ekki verið
bornar undir stjórn,“ útskýrði hún
en yfirlýsingarnar sem um ræðir
vörðuðu Moskulistaverk á Feneyjatví­
æringnum sem var lokað af yfirvöld­
um þar í landi.
Formaður KÍM sendi yfirlýsingu
á DV eftir að greint var frá afsögn
Hönnu og þar segir Eiríkur orðrétt:
„Eins og fram kemur í fréttinni
voru þessar yfirlýsingar ekki í öllum
tilvikum bornar undir alla stjórnar­
menn áður en þær voru birtar opin­
berlega, og tek ég fulla ábyrgð á þeim
mistökum.
Hanna Styrmisdóttir kaus að segja
af sér sem varaformaður stjórnar
Kynningarmiðstöðvarinnar vegna
þessa. Ég virði ákvörðun hennar og
þakka henni fyrir innlegg hennar í
starfi stjórnarinnar þann tíma sem
hún hefur setið í stjórninni.“
Fullt og óskorað traust
Meðal þess sem Hanna var ósátt við
var tilkynning sem Björg Stefáns­
dóttir, framkvæmdastjóri KÍM skrif­
aði. Um þetta segir Eiríkur:
„Ég ber fullt og óskorað traust
til Bjargar Stefánsdóttur, fram­
kvæmdastjóra Kynningarmiðstöðv­
arinnar, sem að mínu áliti hefur sinnt
starfi sínu og einkum vinnu í kringum
íslenska sýningarskálann í Feneyjum
af mikilli fagmennsku og óbilandi
dugnaði við erfiðar aðstæður undan­
farnar vikur og mánuði.
Framundan er áframhaldandi
mikilvæg vinna við verkefnið, sem ég
treysti Björgu fyllilega til að leiða fyrir
hönd Kynningarmiðstöðvarinnar.“ n
Yfirlýsingin í heild
„Sem formaður stjórnar Kynningarmiðstöðvar íslenskrar myndlistar hef ég samþykkt og tek
fulla ábyrgð á þeim fréttatilkynningum, sem sendar hafa verið af út af hálfu Kynningarmið-
stöðvarinnar vegna málefna íslenska sýningarskálans í Feneyjum nú í ár.
Eins og fram kemur í fréttinni voru þessar yfirlýsingar ekki í öllum tilvikum bornar undir alla
stjórnarmenn áður en þær voru birtar opinberlega, og tek ég fulla ábyrgð á þeim mistökum.
Hanna Styrmisdóttir kaus að segja af sér sem varaformaður stjórnar Kynningarmiðstöðv-
arinnar vegna þessa. Ég virði ákvörðun hennar og þakka henni fyrir innlegg hennar í starfi
stjórnarinnar þann tíma sem hún hefur setið í stjórninni.
Ég ber fullt og óskorðað traust til Bjargar Stefánsdóttur, framkvæmdastjóra Kynningarmið-
stöðvarinnar, sem að mínu áliti hefur sinnt starfi sínu og einkum vinnu í kringum íslenska
sýningarskálann í Feneyjum af mikilli fagmennsku og óbilandi dugnaði við erfiðar aðstæður
undanfarnar vikur og mánuði.
- Framundan er áframhaldandi mikilvæg vinna við verkefnið, sem ég treysti Björgu fyllilega
til að leiða fyrir hönd Kynningarmiðstöðvarinnar.
Vinsamlegast,
Eiríkur Þorláksson, formaður stjórnar
Kynningarmiðstöðvar íslenskrar myndlistar.“
Valur Grettisson
valur@dv.is
Moskunni var lokað
Moska var framlag Íslands til Feneyjatvíæringsins í ár, einnar þekktustu myndlistar­
hátíðar heims.
Moskan var staðsett í hinni sögufrægu kaþólsku kirkju Santa Maria della Misericordia
í Cannaregio­hverfinu í Feneyjum. Hún var hugsuð sem samkomustaður samfélags
múslima í Feneyjum og í henni var boðið upp á ýmsa kennslu og menningarviðburði
fyrir almenning.
Innsetningin var hugarsmíð svissneska listamannsins Cristophs Büchel. Verkið nefnist
„MOSKAN: Fyrsta moskan í gömlu miðborg Feneyja“ og var unnið í samstarfi við félög
múslima á Íslandi og í Fenyjum, en sýningarstjóri var Nína Magnúsdóttir.
Moskunni var lokað með lögregluvaldi þann 22. maí síðastliðinn en borgaryfirvöld í
Feneyjum og forsvarsmenn Feneyjatvíæringsins höfðu mótmælt verkinu harðlega.
Axlar ábyrgð
Eiríkur Þorláksson
er listfræðingur.
Moskan í Feneyjum
Moskunni var lokað þann
22. maí síðastliðinn.
Leiddur út í járnum
Sérsveit í umfangsmiklum aðgerðum í Keflavík
S
érsveit Ríkislögreglustjóra
og lögreglan á Suðurnesjum
stóðu í umfangsmiklum að­
gerðum við Hrannargötu í
Keflavík rétt fyrir klukkan tvö í gær.
Lögreglunni barst tilkynning um
andlega veikan mann sem lét ófrið­
lega í sameign í fjölbýlishúsi. Sérsveit
ríkislögreglustjóra var fengin til að­
stoðar. Ekki kom til neinna átaka og
var maðurinn færður á lögreglustöð
til viðræðna.
Mál mannsins er nú komið á borð
fagfólks í heilbrigðiskerfinu og er
verið að aðstoða hann.
Varðstjóri lögreglunnar á
Suðurnesjum, Sigvaldi Arnar Lárus­
son, neitaði því að eitthvað væri að
gerast þegar DV hafði samband í gær
þrátt fyrir að sjónarvottar hafi séð
umræddar aðgerðir lögreglu.
Samkvæmt þeim voru sérsveitar­
menn gráir fyrir járnum í Röstinni í
Keflavík en þar býr fjöldi einstaklinga
í leiguíbúðum.
DV hefur fengið það staðfest að
lögreglan hafi óskað eftir sjúkrabif­
reið frá Brunavörnum Suðurnesja,
sem kom á staðinn ásamt hinu fjöl­
menna lögregluliði. n
Handjárnaður Lögreglan leiðir manninn
út í handjárnum í Keflavík.
Vildi gefa
líffærin sín
„Ingibjörg Melkorka hafði látið
í ljós þá ósk, að ef til þess kæmi,
yrði hún líffæragjafi. Við því
var orðið og er það okkur nokk­
ur huggun á erfiðum stundum
að líf hennar geti orðið öðrum
til aðstoðar,“ segir í tilkynningu
frá foreldrum og fjölskyldu Ingi­
bjargar Melkorku Ásgeirsdóttur
sem lést í kjölfar þess að hafa
neytt eiturefnisins E­pillu aðfara­
nótt síðastliðins sunnudags. Hún
var sautján ára gömul og lætur
eftir sig foreldra, fjórar systur
og einn bróður. Hún var nem­
andi í Menntaskóla Borgarfjarð­
ar síðastliðið skólaár en stundaði
áður nám í Brekkubæjarskóla á
Akranesi og í Heiðarskóla í Hval­
fjarðarsveit. Bænastund verður í
Akraneskirkju í dag, föstudaginn
5. júní, klukkan 17.30.
Foreldrum og fjölskyldu henn­
ar er umhugað um að því sé kom­
ið á framfæri að Ingibjörg Mel­
korka hafði aldrei áður neytt
fíkniefna, líkt og E­pillu. Hún tók
inn eina og hálfa E­töflu. Eftir það
sofnaði hún og vaknaði ekki aft­
ur. Hún var flutt á gjörgæsludeild
Landspítalans við Hringbraut þar
sem hún var úrskurðuð látin að­
faranótt þriðjudagsins 2. júní.
„Von okkar er að þessum skila­
boðum verði komið út í samfé­
lagið sem víðast, öðrum til aðvör­
unar um þá dauðans alvöru sem
neysla vímuefna getur haft,“ segja
þau og minna á að eitt skipti get­
ur verið nóg.
Fjölskyldan þakkar samhug
og vinarþel sem þeim hefur verið
sýnt á erfiðum stundum undan­
farna daga.