Dagblaðið Vísir - DV - 05.06.2015, Blaðsíða 20

20 Fréttir Erlent Helgarblað 5.–8. júní 2015
Smart sumarföt
fyrir smart konur
Sjáðu
úrvalið á
tiskuhus.is
Bæjarlind 1-3 201 Kópavogur S: 571-5464
Stærðir 38-54
Sprenging kostaði 90 mannslíf
n Rigningar og flóð í Ghana valda miklu tjóni n Fólkið leitaði skjóls á bensínstöð
R
úmlega 90 manns létu lífið
þegar eldur kviknaði í bens­
ínstöð í Accra, höfuðborg
Ghana, fimmtudaginn 4.
júní. Síðustu tvo daga hefur
mikið rignt þar í borg og er fjöldi íbúa
heimilislaus og án rafmagns.
Umfang flóðanna gerði björg­
unarfólki afar erfitt um vik við störf
sín og ekki er loku fyrir það skotið að
tala fórnarlamba eigi eftir að hækka.
Fólkið hafði leitað sér skjóls
á bensínstöðinni og notað sem
tímabundið skýli þegar eldurinn
braust út. Talið er líklegt að upp­
tök eldsins megi rekja til miðstöðva
vörubíla í nágrenninu.
Forseti Ghana, John Mahama,
fór á staðinn og var yfirvegaður í
fasi. Stjórnvöld glíma nú við eftir­
mála slyssins. Þakkaði Mahama
björgunarmönnum fyrir framlag
þeirra og líf þeirra sem þeim tókst
að bjarga. Sagðist hann jafnframt
vera harmi sleginn og orða vant
vegna atburðarins.
Fjölmiðlar í Ghana hafa birt
myndefni sem sýnir að líkunum hafi
verið staflað upp á palla vörubíla.
Nærliggjandi byggingar hafa
einnig brunnið enda hafa flóð kom­
ið í veg fyrir nauðsynlegar björg­
unaraðgerðir.
Ástandið í Accra síðustu daga
Fjöldi íbúa Accra hefur þurft að líða
fyrir rigninguna. Bílar hafa skolast í
burtu með vatnselgnum og mörgum
vegum hefur verið lokað.
Hundruð eru föst á vinnustöðum
sínum og margir hafa neyðst til að
sofa í bílum sínum þar sem öll um­
ferð hefur stöðvast.
Þá eru mörg hverfi í Accra raf­
magnslaus þar sem að rafmagns­
stöðvar hafa eyðilagst í flóðunum.
Fjöldi heimila er á floti og fólk
gengur um götur borgarinnar á nátt­
fötum einum saman eftir að hafa
neyðst til að yfirgefa heimili sín fyrir­
varalaust.
Haft var eftir einum manni í
svæðisútvarpi Accra að hann hefði
þurft að lyfta börnum sínum upp á
fataskáp til að bjarga þeim frá vatni
sem flæddi inn í húsið.
Að sögn forseta Ghana bætti ekki
úr skák að fólk hefði komið sér upp
húsnæði í vatnsfarvegum og valdið
stíflum í niðurföllum – það hafi vafa­
laust haft áhrif á umfang hamfaranna.
Spáð er frekari rigningu í Ghana
á næstu dögum. n
Björgunarmaður
Eldur kviknaði á
bensínstöð. Mynd ReuteRs
Vörubíll
Lík færð af
slysstað.
Mynd ReuteRs
Brunninn bíll
Sprenging varð
í bensínstöð í
Ghana. Mynd ReuteRs
Birna Guðmundsdóttir
birna@dv.is