Dagblaðið Vísir - DV - 05.06.2015, Blaðsíða 10

10 Fréttir Helgarblað 5.–8. júní 2015
Komdu
til oKKar
...Eða leigðu lyftu og
gErðu við bílinn sjálf/ur
auðbrEkku 25 (DalbrEkku mEgin) - s. 445-5562
Við gerum
Við bílinn
faglegar
Viðgerðir
Nærri uppselt
UNICEF og Rauði krossinn hafa
staðið fyrir neyðarsöfnun til
styrktar þolendum jarðskjálftans
mikla í Nepal. Liður í því eru
styrktartónleikar sem lyfjafyrir­
tækið Alvogen stendur fyrir og
rennur andvirði seldra miða
óskert til samtakanna. Nú þegar
hafa 1.000 miðar selst og að­
eins 100 miðar óseldir. Andvirði
miðasölu verður skipt jafnt á milli
samtakanna og er víst að rúmlega
fimm milljónir munu safnast.
Fjármunirnir renna óskertir til
hjálparstarfs á vegum UNICEF og
Rauða krossins í Nepal.
Nokkrir af vinsælustu tón­
listarmönnum Íslands hafa
ákveðið að leggja verkefninu
lið og munu koma fram á tón­
leikunum sem haldnir verða í
Silfurbergi í Hörpu þann 6. júní
næstkomandi. Tónleikarnir
hefjast kl. 21.00 og fram koma
Bubbi og Dimma, Retro Stef­
son, Amabadama og Ylja ásamt
Sigríði Thorlacius.
Gripnir
glóðvolgir
Laust eftir klukkan þrjú aðfara­
nótt fimmtudags svaraði lög­
reglan á höfuðborgarsvæðinu
tilkynningu um innbrot í austur­
borginni. Það var starfsmaður
Öryggismiðstöðvarinnar sem
tilkynnti um innbrot og þjófnað
í húsnæði. Hann sagði að tveir
menn væru inni í húsinu og
óskaði eftir lögreglu á staðinn.
Lögregla kom á staðinn og hand­
tók mennina. Í bifreið þeirra var
nokkuð af ætluðu þýfi. Mennirnir
voru vistaðir í klefa.
Rjúpum hefur fjölgað
Aðeins var aukning á Norðaustur- og Suðurlandi
R
júpnatalningum á vegum
Náttúrufræðistofnunar Ís­
lands vorið 2015 er lokið. Sam­
andregið fyrir öll talninga­
svæði var meðalfjölgun rjúpna 8
prósent á milli áranna 2014 og 2015.
Stofnbreytingar voru mismun­
andi eftir landshlutum og aðeins
á Norðausturlandi og Suðurlandi
var aukning. Í öðrum landshlutum
fækkaði rjúpum eða stofninn stóð í
stað.
Reglubundnar sveiflur í stofn­
stærð sem taka 10 til 12 ár hafa ein­
kennt íslenska rjúpnastofninn.
Þessar sveiflur hafa breyst í kjöl­
far friðunar 2003 og 2004 og sam­
dráttar í veiði frá 2005 og er nú mun
styttra milli hámarka en áður, að því
er kemur fram í tilkynningu frá Nátt­
úrufræðistofnun.
Í sögulegu samhengi er
rjúpnafjöldinn 2015 undir meðallagi
alls staðar nema á Norðausturlandi
og Austurlandi. Mat á veiðiþoli
rjúpnastofnsins og nánari greining
á ástæðum fjölgunar munu liggja
fyrir í ágúst í kjölfar mælinga á varp­
árangri rjúpna, afföllum 2014 til 2015
og veiði 2014. n freyr@dv.is
Rjúpa Í sögulegu
samhengi er rjúpna-
fjöldinn undir meðallagi
alls staðar nema á
Norðausturlandi og
Austurlandi. Mynd dV
Stundin leitar að
nýjum hluthöfum
n Stjórnin samþykkti hlutafjáraukningu n Vilja fá inn nýja en litla hluthafa
S
tjórn Útgáfufélagsins Stund­
arinnar ehf. hefur sam­
þykkt að auka hlutafé félags­
ins með því að bjóða til sölu
eignarhluti í fjölmiðlinum.
Greint er frá ákvörðun stjórnarinnar á
vef Fjölmiðlanefndar og að tilkynning
um hlutafjáraukninguna hafi borist
nefndinni þann 29. maí síðastliðinn.
„Þetta er vinna sem er í gangi og
það lá fyrir þegar við stofnuðum mið­
ilinn að við ætluðum að bjóða fólki að
kaupa lítinn hlut í blaðinu og fá inn
marga litla hluthafa. Það er stefnan,“
segir Ingibjörg Dögg Kjartansdótt­
ir, ritstjóri og einn eigenda Stundar­
innar, í samtali við DV.
2,5 milljóna hámark
Samkvæmt heimildum DV hafa
eigendur fjölmiðilsins meðal annars
rætt við fjársterka einstaklinga úr ís­
lensku viðskiptalífi. Einkahlutafé­
lagið var stofnað í lok síðasta árs en
Stundin hóf göngu sína um miðjan
febrúar. Fjölmiðillinn er í eigu Ingi­
bjargar, Jóns Trausta Reynissonar,
framkvæmdastjóra Stundarinnar og
ritstjóra, Heiðu B. Heiðarsdóttur, Jóns
Inga Stefánssonar og einkahlutafé­
lagsins Góður punktur. Það er aftur í
eigu Reynis Traustasonar, fyrrverandi
ritstjóra DV, og Halldóru Jónsdóttur
sjúkraliða. Allir fimm hluthafar fé­
lagsins eiga fimmtungshlut í því sam­
kvæmt skráningu Fjölmiðlanefndar
um eignarhald fjölmiðilsins.
„Það er þak á því hversu mikið nýir
hluthafar geta keypt fyrir og við höf­
um haldið þeirri stefnu sem við lögð­
um upp með að fá með okkur sem
flesta og sem breiðast eignarhald.
Eftir sem áður mun sá hópur sem
stofnaði Stundina eiga meirihluta í
henni,“ segir Ingibjörg og svarar að­
spurð að nýir hluthafar geti ekki keypt
sig inn í félagið fyrir hærri upphæð en
tvær og hálfa milljón króna.
Reynir Traustason segir í samtali
við DV að langt sé liðið síðan stjórnin
hafi heimilað hlutafjáraukninguna.
Aðspurður um hversu mikið eigi að
auka hlutafé félagsins svarar Reynir
að hann hafi þær upplýsingar ekki á
reiðum höndum.
„Þetta er eins og við lögðum upp
með í upphafi en ég man ekki þess­
ar tölur,“ segir Reynir. Ekki náðist í Jón
Trausta Reynisson, ritstjóra og fram­
kvæmdastjóra Stundarinnar.
Slógu met með hópfjármögnun
Stundin, sem í vikunni gaf út sitt
fimmta tölublað og rekur einnig vef­
miðil, var stofnaður með tilstuðlan
hópfjármögnunar í gegnum vefsíð­
una Karolina Fund. Söfnunin vakti
mikla athygli enda slógu aðstand­
endur hennar nokkur met á hóp­
fjármögnunarsíðunni. Þar var hægt
að gerast áskrifandi að miðlinum
og kaupa auglýsingar til styrktar
góðgerðarmála að eigin vali. Átak­
ið hófst 5. janúar síðastliðinn og
einungis einum degi síðar höfðu
stofnendurnir safnað 32 prósentum
af markmiðum sínum eða rúmlega
1,2 milljónum króna. Var það besta
byrjun í sögu Karolina Fund. Ein­
um degi síðar var markmiðinu um
að safna fimm milljónum króna til
rekstursins náð. Tæpum mánuði
síðar var annað met slegið, 45 þús­
undir evra, eða tæpar 50 milljónir
króna, höfðu safnast, eða 152 pró­
sent af upphaflegu markmiði. n
„Það er þak á því
hversu mikið nýir
hluthafar geta keypt fyrir.
Hluti eigenda-
hópsins Jón Ingi
Stefánsson, Ingibjörg
Dögg Kjartansdóttir,
Jón Trausti Reyn-
isson og Heiða B.
Heiðarsdóttir eiga
öll 20 prósenta hlut í
Stundinni.
Haraldur Guðmundsson
haraldur@dv.is