Dagblaðið Vísir - DV - 19.06.2015, Qupperneq 17
Fréttir 17Helgarblað 19.–22. júní 2015
Hótel Saga, Hagatorgi • 107 Reykjavík • Sími: 511 2111 og 862 0822 (utan opnunartíma)
Láttu þér líða vel
meccaspa.is
Opnunartími
Virka daga frá kl. 7.00 - 20.00
Laugardaga frá kl. 9.00 - 18.00
Sunnudaga frá kl. 10.00 - 14.00
Tökum vel á móti hópum af öllum stærðum, einnig utan hefðbundins opnunartíma. Dekur í boði.
Hvað er „Borderline-
persónuleikaröskun“?
Borderline persónuleikaröskun er sjúk-
dómsástand á einhvers konar jaðarsvæði
í geðsjúkdómakerfinu. Megineinkenni
þessarar röskunar eru:
n Óstöðugleiki í mannlegum
samskiptum.
n Óljós sjálfsmynd.
n Stjórnlitlar tilfinningar.
n Hvatvísi.
n Sjálfseyðileggjandi hegðun, ss.
stjórnlaus eyðsla, óhóflegt kynlíf,
ofneysla áfengis og lyfja, ofát.
n Sjálfsvígstilraunir og hótanir um
slíkt.
n Tilfinningasveiflur miklar.
n Erfitt með að stjórna reiðitilfinn-
ingu, kenna öðrum um, finnast aðrir
á móti sér.
n Háður öðrum, leitar eftir nánd en á
erfitt með að nýta sér hana.
„Sjúklingar sveiflast mjög hratt á milli
stórra geðbrigða, úr reiði í gleði, gleði
í depurð, en þetta er ekki eins og hjá
geðhvarfasjúklingum þar sem sveiflurn-
ar eru lengri og meira viðvarandi. Hjá
persónuleikaröskuðum einstaklingi eru
sveiflurnar mjög snöggar og þær valda því
að hugsunin verður á köflum ansi órökrétt.
Reiðiköst og hvatvísi gera samskipti við
aðra oft mjög erfið og langvarandi innri
vanlíðan með miklu vonleysi geta gert
einstaklinginn ófæran um að eiga eðlilegt
líf,“ sagði geðlæknirinn Halldóra Ólafs-
dóttir um persónuleikaröskunina í viðtali
við Læknablaðið.
Þá sagði hún einnig að Borderline-
persónuleikaröskun hafi lengi vel verið
notuð sem hálfgerð ruslakista fyrir sjúk-
linga sem þóttu erfiðir og illgreinanlegir.
„Undirliggjandi orsakir geta verið
margvíslegar og flóknar þó einkennin
séu greinileg. Þetta er því sumpart eins
konar regnhlífarhugtak og gagnið af
greiningunni er fyrst og fremst praktískt
varðandi meðferð. Það hefur komið í ljós
að sjúklingar í þessu ástandi sækja mjög í
geðþjónustuna og þeim virðist fara fjölg-
andi. Við erum því að sjá birtingarform
persónuleikaröskunar í æ meira mæli.
Þessir sjúklingar hafa reynst heilbrigðis-
og velferðarkerfinu dýrir, þar sem margir
þeirra lenda á örorku, þeir eru oft mjög
veikir og okkur hefur gengið illa að lækna
þá.“
ir, sem sagt mánudaginn 6. apr-
íl. Hann var þá staddur í World
Class í Laugum. Við fórum þang-
að saman og báðum hann að hitta
okkur fyrir utan anddyrið,“ segir
Hlín sem viðurkennir að hafa ver-
ið mjög reið á þessum tímapunkti.
„Við öskruðum á hann þarna til
skiptis og hann sagði að ég hefði
bara misskilið þetta allt saman.
Það kom eiginlega engin niður-
staða úr þessu samtali önnur en
sú að ég lét hann vita að ég ætlaði
að kæra hann,“ segir Hlín sem eft-
ir þetta ráðfærði sig við bestu vin-
konu sína, vinkonu sem stutt hef-
ur við bakið á henni frá því þessi
reyfarakennda atburðarás fór af
stað.
„Eftir að hafa rætt við bestu
vinkonu mína ákvað ég að fara á
bráðamóttökuna,“ segir Hlín, sem
fékk í kjölfarið að ræða við lög-
fræðing sem henni var útvegaður
á vegum teymis Landspítalans.
„Lögfræðingurinn segir við mig
að það sé nánast útilokað að fá ein-
hvern dæmdan fyrir kynferðisbrot
þegar engin lífsýni séu til staðar
og ég hélt á þessum tímapunkti
að ég þyrfti bara að sætta mig við
þetta. Ég var samt ekki á því og við
ræddum þetta saman, ég og Malín,
og ég ætlaði að kæra. Fyrrverandi
samstarfsfélagi minn, maðurinn
sem nauðgaði mér, var þá búinn
að reyna að hringja í Malín alveg
á fullu, oft á dag og hvern einasta
dag alveg frá því að við hittum
hann í Laugum. Hann bauðst til
þess að ljúka þessu með greiðslu
miskabóta og á þeim tíma fannst
mér það bara ákveðinn endir á
þessu máli sem var að valda mér
miklum kvíða og ýtti undir geð-
raskanirnar og þetta myrkur sem á
það til að færast yfir.“
Fannst milljón of mikið
Hlín segist ekki muna nákvæmlega
hvað þeim systrum fór á milli þegar
þær komu sér saman um upphæð
miskabótanna, enda segist hún hafa
verið í miklu ójafnvægi á þessum
tíma. Hún segist þó muna eftir því að
þeim fannst milljón of mikið.
„Malín spáði í hvernig við ætl-
uðum að skipta þessu. Hún ætlaði
að láta mig fá meirihlutann en ég
ákvað að láta hana fá helminginn
enda hafði hún staðið í þessu fyr-
ir mig. Ég var afskaplega þakklát
henni fyrir að hafa staðið við bak-
ið á mér frá degi eitt og ég hélt að
við Malín værum nánar og að við
stæðum saman, en annað kom svo
sannarlega á daginn.“
Í fyrstu fréttum af meintu
nauðg uninni og hinni hlið máls-
ins, hinni meintu fjárkúgun, var
sagt frá því að Malín hefði gefið
umræddum samstarfsfélaga Hlín-
ar kvittun fyrir móttöku 750 þús-
und króna, sem að þeirra sögn var
greiðsla miskabóta. Á Malín að
hafa skrifað kvittunina á bréfsefni
Morgunblaðsins þar sem hún var
stödd á flokksþingi Framsóknar-
flokksins laugardaginn 11. apríl.
Samkvæmt heimildum DV er til
upptaka af símtali á milli Malín-
ar og þess sem Hlín kærði fyrir
nauðg un þennan laugardag og var
hún lögð fram sem sönnunargagn
gegn þeim systrum í fjárkúgunar-
málinu, en sú kæra var lögð fram
þann 3. júní. Samkvæmt sömu
heimildum DV lagði maðurinn
fram kæruna í kjölfar þess að frétt-
ir fóru að berast af fjárkúgunar-
málinu á hendur forsætisráðherra
Íslands.
En aftur að flokksþingi fram-
sóknarmanna. Samkvæmt fyrstu
fréttum af málinu átti afhending
hinna meintu miskabóta sér stað
sama dag og flokksþingið fór fram.
Þetta segir Hlín að sé rangt. Mað-
urinn hafi komið með peningana
í umslagi, merktu Malín, og skil-
ið það eftir í móttöku Morgun-
blaðsins þar sem, eins og áður hef-
ur komið fram, Malín starfar.
Erfitt að vera kölluð lygari
Hlín þvertekur fyrir að þessi mál
tengist á nokkurn hátt og segir að
maðurinn sé að reyna að nýta sér
fjárkúgunarmálið til þess að gera
lítið úr „gríðarlega alvarlegum hlut
sem hafði mikil áhrif á mig“ eins og
Hlín sagði orðrétt.
„Hann vildi greiða bætur og
gleyma þessu máli. Ég vildi bara
loka þessu máli svo ég gæti haldið
áfram með líf mitt. Mér fannst á
þeim tíma að þetta hefði verið góð
lokun því lögfræðingur Neyðar-
móttökunnar hafði sagt að þessi
mál væru erfið í dómskerfinu. Það
er sárt og erfitt að þurfa að ganga
í gegnum jafn ömurlegan hlut
eins og nauðgun er en það er al-
veg skelfilegt og í raun næstum
óyfirstíganlegt að vera kölluð lyg-
ari þegar ég er að segja frá atburði
sem henti mig,“ segir Hlín sem trú-
ir því að sannleikurinn muni koma
í ljós, í báðum málum.
Fyrst þú nefnir það. Um hvað
snerist þessi fjárkúgun? Hvað stóð
í þessu bréfi sem þú sendir og ertu
með einhver gögn sem sanna þetta
allt saman?
„Ég ætla ekki að fara neitt út í
innihald bréfsins sem við sendum.
Ég mun ekkert gera það fyrr en
rannsókn málsins lýkur. Ég get þó
sagt það að fjölmiðlar, eins og til
dæmis Vísir, bókstaflega fabúler-
uðu um innihaldið í fyrstu frétt-
um af málinu og fréttaflutningur
um að það tengdist yfirtöku á DV
er uppspuni fréttamanna.“
En þær fréttir sem síðar voru
sagðar af innihaldi hótunarbréfs-
ins – eru þær réttar?
„Ég hef, í samráði við lög-
fræðinginn minn, ákveðið að tjá
mig ekkert um innihald bréfsins
og ég ætla bara að ítreka það að
ég mun ekkert fara út í það, hvorki
núna í þessum miðli eða á öðrum
tíma annars staðar, fyrr en rann-
sókn málsins lýkur.“
„Hvernig líf á ég fram undan?“
Hvað tekur við hjá Hlín þegar öll-
um þessum málum er lokið, þegar
niðurstaða liggur fyrir hjá lögreglu og
mögulega saksóknara, þegar mögu-
legur dómur liggur fyrir? Blaðamað-
ur verður að spyrja Hlín hvort það sé
erfitt fyrir hana að sjá fyrir sér eðli-
legt líf á Íslandi og hvort hún ætli yf-
irhöfuð að búa hérna á landinu.
„Þetta er erfiðasta spurning í
heimi. Hvernig líf á ég fram und-
an? Ég vona að sjálfsögðu að þetta
opni meira á umræðuna um geð-
sjúkdóma. Þetta sést ekkert utan á
fólki. Hefðir þú giskað á að það væri
ég sem sérsveitin handtók í Hafnar-
firði fyrir að reyna að kúga forsætis-
ráðherra?
Það er nefnilega málið. Þetta er
ekki afsökun og ég er ekki að nota
þetta sem afsökun en þetta útskýr-
ir margt. Ég vildi að ég gæti tek-
ið til baka það sem ég gerði, ekki
mín vegna, heldur þeirra sem ég
hef meitt og sært með þessu, en ég
get það ekki og verð að taka því sem
kemur.“
Hvað Ísland varðar og mögulega
framtíð hennar hér á landi vill Hlín
sem minnst tjá sig um það.
„Ég ætla bara að byrja á því að
ljúka þessum málum sem ég stend
í og síðan ætla ég að skipuleggja
framtíðina. Það er erfitt fyrir mig að
segja hvort ég ætli að flytja utan eða
ekki. Ég skoða þetta í rólegheitun-
um þegar öllu þessu er lokið.“ n
Veikindi Hlín segist
hafa verið „langt niðri“
á þeim tíma sem hún
gerði tilraun til fjárkúg-
unar. Mynd Sigtryggur Ari