Dagblaðið Vísir - DV - 19.06.2015, Síða 28
28 Skrýtið Sakamál Helgarblað 19.–22. júní 2015
n Tvær ungar konur myrtar með stuttu millibili n Ein hvarf og er einnig talin hafa verið myrt
F
yrir hartnær tuttugu árum
hurfu, með nokkurra mánaða
millibili, þrjár ungar konur í
WA-fylki í Ástralíu (Western
Australia). Konurnar áttu
það sameiginlegt að hafa farið út að
skemmta sér á Claremont-svæðinu,
auðugu úthverfi Perth.
Síðan þá hafa Claremont-
raðmorðin, eins og málið hefur verið
nefnt, legið eins og mara yfir Perth.
Hvorki hefur gengið né rekið hjá
lögreglunni að leysa morðin á Jane
Rimmer og Ciöru Glennon og hvarfi
Söruh Spiers og nærri tveimur ára-
tugum síðar hafa engin svör fengist
sem varpað gætu ljósi á hver ódæðis-
maðurinn er.
Mannshvarf og morð
Ritarinn Sarah Spiers hvarf af yfir-
borði jarðar eftir að hafa skemmt
sér með vinum sínum á Bayview-
klúbbnum í Claremont á þjóðhá-
tíðardegi Ástrala, 26. janúar 1996.
Sarah, sem var átján ára, hafði sagt
skilið við vini sína og beið eftir laus-
um leigubíl. Hvorki hefur sést tangur
né tetur af henni síðan.
Fimm mánuðum síðar hvarf 23
ára kona, Jane Rimmer, starfsmaður
barnaverndar, á sama stað. Hún átti
það sammerkt með Söruh að hafa
verið úti á lífinu með vinum sínum.
Um mánuði síðar fannst lík hennar í
gróðurlendi í suðurhluta Perth.
Raðmorðingi leikur lausum hala
Í mars 1997 skilaði Ciara Glennon,
27 ára lögfræðingur, sér ekki heim
eftir gleðikvöld í Claremont og
fannst lík hennar nokkrum vikum
síðar í gróður lendi norður af Perth.
Þegar þarna var komið sögu
var lögreglan þess fullviss að
raðmorðingi léki lausum hala. Rann-
sóknarteymið, Macro, sem komið
var á laggirnar ákvað að leita hóf-
anna á meðal leigubílstjóra, enda
höfðu konurnar þrjár horfið er þær
biðu eftir leigubíl.
Leigubílageirinn tekinn í gegn
Þessi eini þráður sem teymið hafði
varð til þess að gervöllum leigubíla-
geira WA-fylkis var snúið á haus og
til að bæta gráu ofan á svart varð al-
menningur hræddur við að nýta sér
þjónustu leigubíla. Einkum og sér í
lagi óaði konum við að taka leigubíl
einar síns liðs.
Til að gera langa sögu stutta leiddi
þessi þráður ekki til neins nema þess
að leigubílstjórar á sakaskrá misstu
starf sitt og leigubifreiðaþjónustur
breyttu stöðlum sínum. Síðar kom í
ljós að notkun leigubíla dróst saman
sem nam 25–30 prósentum af því
sem tíðkast hafði.
Lögregluþjónn og opinber
starfsmaður
Þegar þetta havarí var yfirstaðið
beindust sjónir rannsóknarteym-
isins að öðrum mögulegum vís-
bendingum. Snemma beindist
grunur lögreglunnar að ungum lög-
regluþjóni, en sá hafði skotið upp
kollinum í einni tálbeituaðgerð lag-
anna varða. Umræddur lögreglu-
þjónn sá að lokum sinn kost vænstan
að koma fram í sjónvarpi og lýsa op-
inberlega yfir sakleysi sínu.
Einnig fannst lögreglunni 42 ára
opinber starfsmaður vel þess virði
að skoða nánar. Fylgst var með hon-
um allan sólarhringinn um skeið en
heimtur lögreglunnar voru rýrar og
maðurinn aldrei ákærður.
Fyrrverandi bæjarstjóri
Fyrrverandi bæjarstjóri Claremont
vakti einnig áhuga lögreglunnar, en
hann var þekktur fyrir að hampa
einstaklingsfrelsi meira en góðu hófi
gegndi. Hann sór af sér alla aðild
að þessu glæpum og slíkt hið sama
gerði leigubílstjóri sem hafði ekið
Söruh og tveimur öðrum á hótel
kvöldið áður en Sarah hvarf.
Bradley nokkur Murdoch bland-
aðist í rannsóknina en hann hafði
verið sakfelldur fyrir morð á bresk-
um ferðamanni sem snertir þessa
frásögn annars ekki hið minnsta.
Að lokum má nefna tugthúslim að
nafni Mark Dixie sem fékk dóm fyr-
ir að myrða breska fyrirsætu. Hvort
tveggja, Bradley og Mark, var síðar
kastað fyrir róða hvað rannsóknina
varðaði.
Enn til rannsóknar
Lögreglan hefur ekki enn gefið upp
á bátinn að gátan leysist og fyrir
nokkrum mánuðum bárust þau tíð-
indi að hún teldi ekki fráleitt að kon-
urnar væru fórnarlömb skyndiárás-
ar og þær hefðu verið neyddar inn í
einhvern bíl – og leigubíll kæmi þar
hvergi við sögu.
Þrátt fyrir mikla viðleitni af hálfu
lögreglunnar hefur fátt nýtt kom-
ið í ljós síðan Sarah hvarf og Ci-
ara og Jane voru myrtar og verður
tíminn að leiða ljós hvort þar verði
breyting á. n
„Einkum og
sér í lagi óaði
konum við að taka leigu-
bíl einar síns liðs.
Óleyst gáta í ástralíu
Sarah Spiers
Hvarf af yfir-
borði jarðar.
Ciara Glennon
Var myrt eftir
gleðskap með
vinum sínum.
Jane Rimmer
Sást síðast bíð-
andi eftir leigubíl.
Buxur vesti
Brók og skór
Einstakur markaður í hjarta borgarinnar
kolaportid.isOpið laugardaga og sunnudaga frá kl. 11-17