Dagblaðið Vísir - DV - 17.07.2015, Qupperneq 37

Helgarblað 17.–20. júlí 2015 Fólk 37
Stjörnum sem
ruglað er saman
n Finnst þér þessar stjörnur líkar?
Á
kveðið útlit virðist oft ráðandi
í Hollywood sem verður til
þess að stjörnunum er stund-
um ruglað saman. Æstir aðdá-
endur eru ekki alltaf að kippa
sér upp við hvort um Cate Blanchett
eða Kate Winslet sé að ræða. Þeir sjá
fræga stjörnu og vilja eiginhandar-
áritun. Stjörnunum finnst það hins
vegar stundum pirrandi. n
 Lucy Hale og Selena Gomez
Lucy Hale hefur náð að skapa sér nafn í sjónvarpsþáttum á borð við Pretty Little Liars en er
samt ruglað saman við frægari leikkonu, Selenu Gomez. Leikkonan lýsti því á Twitter hvernig
æstur aðdáandi hefði reynt að ná af henni símanum til að hringja í Justin Bieber, þáverandi
kærasta Gomez.
 Samuel L.
Jackson og
Laurence Fishburne
Samuel L. Jackson skammaði blaða-
mann KTLA þegar hann ruglaði leikar-
anum saman við Laurence Fishburne.
„Við erum kannski báðir svartir og
frægir en við erum ekki eins,“ hrópaði
Jackson að blaðamanninum.
Fishburne hefur sagt frá svipuðu
atviki. „Fyrir 20 árum, þegar ég var í
viðtali í New York, kom ung kona frá
Texas upp að mér og spurði; get ég
fengið áritun herra Jackson? Ég sagði
já og kvittaði Sam Jackson. Þetta er
ekkert vandamál.“
 Keira Knightley og Britney Spears
Í sjónvarpsþættinum The Graham Norton Show lýsti leikkonan Keira Knightley hvernig henni er reglulega
ruglað saman við aðrar stjörnur og þá aðallega Britney Spears. „Ég er bara mjög ánægð með það því þá
heldur fólk að ég geti dansað, sem ég get ómögulega. Ég hef verið Britney þrisvar sinnum.“
Keiru er einnig ruglað saman við leikkonuna Natalie Portman en leikkonurnar léku saman í Star Wars.
„ Æstir aðdáendur Natalie kalla oft á mig og elta mig um ganga flugvalla. Ég kenni eiginlega í brjósti um
hana því mínir aðdáendur er ekki svona æstir.“
 Daniel Radcliffe og Elijah Wood
Daniel Radcliffe er það oft ruglað saman við Elijah Wood að það er farið að fara í taugarnar á
honum. „Einu sinni á rauða dreglinum í Japan kom maður með mynd af Elijah og bað mig um
eiginhandaráritun. „Ég skrifaði einfaldlega; ég er ekki Elijah Wood,“ sagði Harry Potter-stjarnan.
 Elizabeth Banks og
Chelsea Handler
Leikkonan Elizabeth Banks segir fólk oft
villast á sér og sjónvarpskonunni Chelsea
Handler. „Einu sinni í Toronto gekk maður
upp að mér og sagði kærustuna sína brjálast
við sig ef hann fengi ekki eiginhandaráritun
þar sem hún væri minn mesti aðdáandi. Svo
fór hann að telja upp afrek mín og ég fattaði
að hann hélt að ég væri Chelsea Handler. Ég
gat ekki skemmt það fyrir honum.“
Handler hefur einnig verið tekin fyrir
leikkonuna. „Fólk segir að við séum mjög
líkar en að ég sé greinilega eldri. Við erum
jafn gamlar! Hvað er að fólki!“
 Ashlee Simpson og Britney Spears
Þegar Ashlee Simpson var með sinn eigin raunveruleikaþátt var oft ruglast á henni og
stórstjörnunni Britney Spears. Kannski var það ljósa hárið, sportbíllinn eða ljósmyndararnir
sem eltu hana á röndum.
 Cate
Blanchett og
Kate Winslet
Cate Blanchett er oft
ruglað saman við Kate
Winslet en leikkonurnar
deila umboðsmanni. „Ég
fæ oft fólk til mín sem
hrósar mér fyrir Titanic.
Ef fólk heldur að ég sé
Kate þá er ég bara glöð.“
Blanchett hefur verið
ruglað saman við fleiri
en Winslet því einu sinni
taldi Philip Bretaprins
að hún væri rafvirki.
„Hann bað mig að laga
DVD-spilarann sinn. Ég
sagðist ekki kunna það
enda væri ég leikkona.“