Morgunblaðið - 17.12.2016, Page 57

MENNING 57
MORGUNBLAÐIÐ LAUGARDAGUR 17. DESEMBER 2016
TÓNLIST
Arnar Eggert Thoroddsen
arnareggert@gmail.com
Þetta árið hafa verið talsverð upp-
grip hérlendis í tónlist sem hefur að
gera með ósungnar stemmur, oft
kvikmyndalegar. Það er erfitt að
naglfesta nákvæmlega hvað þessi
geiri heitir, síðklassík („post-
classical“) hefur verið notað en gæt-
um að því að sá merkimiði á eðlilega
ekkert skylt við hina
„klassísku“ síðklassík og
gæti því verið ruglandi.
Tónlist þessi nýtir sér
minni úr skrifaðri tónlist
og „nútímatónlist“ en fer
auk þess óhikað inn á
dægurtónlistarlendur. Má
ég nota hið útþvælda og brátt merk-
ingarlausa hugtak „póstmódern-
ískt“, þ.e. reglur og hefðir eru virtar
að vettugi ef tónlistinni verður þjón-
að betur þannig. Jóhann Jóhanns-
son og Ólafur Arnalds hafa verið
iðnir við þennan epíska kola og verk
frá Kjartani Sveinssyni og Arnari
Guðjónssyni flögra um á svipuðu
svæði. Plata Arnars, Grey Mist of
Wuhan, inniheldur t.a.m. tónsetn-
ingu hans á kínversku borginni
Wuhan fremur en kvikmynd!
Það má líka hæglega tefla Úlfi
Eldjárn fram hér en nýjasta verk
hans, InnSæi: The Sea Within,
smellpassar í þennan flokk en um er
að ræða tónlist við heimildarmynd
sem Kristín Ólafsdóttir og Hrund
Gunnsteinsdóttir eru höfundar að.
Ég ætla ekki að rekja tónlistarferil
Úlfs í löngu máli hérna en hann hef-
ur komið að margvíslegum verk-
efnum sem spanna ansi tilkomu-
mikið róf; allt frá kersknislegu poppi
yfir í afstrakt tilraunamennsku og
alla þessa hluti hefur hann leyst á
einkar sannfærandi máta. Hann hef-
ur þá samið tónlist fyrir
ólíka miðla; auglýsingar,
leikhús og kvikmyndir en
auk þess hefur hann gert
tilraunir til að sprengja upp
hugmyndir okkar um hefð-
bundna miðlun, í samstarfi
við hönnuði og forritara
(þeir Siggi Oddsson og bróðir Úlfs,
Halldór, komu að því verkefni sem
kallast Infinite String Quartet).
Úlfur er fjölsnærður eins og sjá
má og þetta nýtir hann sér á Innsæi:
The Sea Within sem fer yfir víðan
völl stíllega séð. Hann bæði nýtir
sér þetta galopna viðhorf sitt til
lagasmíða (sjá t.d. fyrstu sólóplötu
hans, hina frábæru Field Recor-
dings: Music from the Ether) og
reynsluna sem hann er að safna í
sarpinn hvað tónsetningu á kvik-
myndum og sjónvarpsefni varðar
(sjá t.d. tónlist hans við heimild-
armyndina Ash, 2014). Á Innsæi má
því heyra mikilúðleg, stórbrotin
hljómföll; hæglátt og sveimbundið
streymi, endurtekningarsamar og
vart greinanlegar stemmur en líka
taktdrifna spretti þar sem ást hans
á Kraftwerk og súrkálsrokki brýst
út. Einnig undurblíðar melódíur,
eins og í hinu gullfallega „The Artist
is Present“. Lífræn og vélræn öfl
togast á og stundum er slagverk,
runnið undan rifjum Samuli Kosm-
inen (múm, Jónsi, Hauscjka, Kira
Kira) nýtt á áhrifamikinn hátt. Allt
er þetta í einum hrærigraut en samt
ekki – það er hreinn og rökréttur
þráður út í gegn á þessu vel heppn-
aða verki.
Ég hef það þá beint úr kjafti
hrossins að framundan sé mikil og
góð virkni, brátt muni The Ari-
stókrasía Project líta dagsins ljós í
efnislegu formi t.d. en þá snilld hef-
ur Úlfur verið að flytja á tónleikum.
Já, drengurinn er algjör hafsjór af
tónleik, svo mikið er víst …
Eldjárn fer á dýpið …
InnSæi: The Sea Within er nýjasta verk Úlfs Eld-
járns, en hann hefur komið víða við á gifturíkum ferli
og starfað innan margra og ólíkra geira tónlistarinnar.
»Úlfur er fjölsnærð-ur eins og sjá má og
þetta nýtir hann sér á
Innsæi: The Sea Within
sem fer yfir víðan völl
stíllega séð.
Andakt Úlfur
Eldjárn hugs-
ar upp næsta
verkefni sitt.
Kraumsverðlaunin, árleg plötu-
verðlaun tónlistarsjóðsins Kraums
sem starfræktur er á vegum
Auroru velgerðarsjóðs, hafa verið
afhent í níunda skipti.
Að þessu sinni hluti eftirfarandi
listamenn verðlaunin: Alvia
Islandia fyrir Bubblegum Bitch;
amiina fyrir Fantômas; GKR fyrir
samnefnda plötu; Gyða Valtýs-
dóttir fyrir Epicycle; Kælan mikla
fyrir samnefnda plötu; og Páll Ív-
an frá Eiðum fyrir This is my
shit.
Kraumsverðlaununum er ætlað
að kynna og styðja við útgáfu-
starfsemi íslenskra tónlistar-
manna og hljómsveita með því að
verðlauna og vekja sérstaka at-
hygli á því sem er nýtt og spenn-
andi – og þeim verkum sem þykja
skara fram úr í gæðum, metnaði
og frumleika. Verðlaunin eru ekki
bundin ákveðinni tónlistarstefnu
og þeim fylgja engir undirflokkar.
Kraumsverðlaunin hafa verið
afhent árlega frá árinu 2008 og
hafa alls 39 íslenskar hljómsveitir
og listamenn hlotið þau fyrir verk
sín.
Kraumsverðlaunin afhent í níunda sinn
Ljósmynd/Brynjar Snær Þrastarson
Gleði Verðlaunahafar voru að vonum ánægðir með viðurkenninguna.
Í tilefni útgáfu bókarinnar Reita,
Tools for Collaboration, verður
opnuð sýning og málstofa haldin í
Listasafninu á Akureyri, Ketilhúsi,
í dag klukkan 15. Smiðjan Reitir
hefur verið haldin síðustu fimm
sumur í Alþýðuhúsinu á Siglufirði
og hefur verið gerð ítarleg grein-
ing á verkefninu. Er hún nú komin
út í 448 blaðsíðna bók.
Sýning og málstofa um Reiti
Aðstandendur Smiðjan Reitir hefur verið
haldin undanfarin fimm sumur á Siglufirði.
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
...Margur er knár
þótt hann sé smár
Nýji SX Rational 2/3 GN ofninn
gerir allt það sama og
stærri gerðirnar.
Miðasala og nánari upplýsingar
SÝND KL. 2, 4.30 SÝND KL. 7 SÝND KL. 10
SÝND KL. 2, 3, 6, 9 í 2D - SÝND KL. 5 , 8, 10.45 Í 3D
TILBOÐ KL 2 OG 3
TILBOÐ KL 2 OG 4.30
Ármúla 38 | Sími 588 5010 | hljomsyn.com
Nýtt
Verð 109.900,-
Music System
frá Tivoli Audio