SÍBS fréttir - 01.12.1999, Side 27

Um þjálfunarmannvirki
á Reykjalundi
Bráðlega mun á Reykjalundi rísa mikið
hús sem á að hýsa nýja sundlaug, stóran
leikfimisal og tækjasal ásamt tilheyrandi
búningsaðstöðu. Með tilkomu þessa húss
mun öll aðstaða til þjálfunar stórlagast og
möguleikarnir aukast.
Sú sundlaug sem við
höfum í dag er 10 m. löng
og 33-34° C heit. Hún
hefur verið notuð fyrir
vatnsleikfimi og sund-
kennslu, en vegna þess
hve stutt hún er og heit,
hentar hún ekki til
almennrar sundiðkunar.
Þá er núverandi búnings-
aðstaða algerlega óviðun-
andi vegna þrengsla og
loftleysis.
Sund er í mörgum til-
vikum mikilvirk aðferð til
endurhæfingar, en þann
þátt höfum við orðið að
leysa gegnum árin með
því að fara með fólkið í
Varmárlaug, sem er mjög
óhentugt vegna fjar-
lægðar frá Reykjalundi.
Nú, í vaxandi byggð og
fjölgun íbúa í Mosfells-
bæ, er þar naumast rúm
fyrir okkar skjólstæðinga lengur. Notkun okkar á
Varmárlaug hefur einskorðast við mjög afmark-
aðan tíma að deginum og 3 daga vikunnar. En með
nýrri laug opnast möguleikar allan daginn, alla
daga.
Vatn gefur okkur mikla möguleika til þjálfunar,
hvort heldur er til að synda í eða til annars konar
æfinga. Margir eiga t.d. auðveldara með að hreyfa
sig í vatni en á þurru landi. Endurhæfingarstofnun
án laugar sem gefur þessa möguleika er óhugsandi
í dag.
Fyrirhuguð laug verður tvískipt, annars vegar
sundlaug og hins vegar æfingalaug með viðeig-
andi hitastigi og stærð.
Fyrir leikfimiaðstöðu höfum við notast við sam-
komusal Reykjalundar, sem er of lítill, með ónógri
Birgir Johnson
Lárus Marinusson
Á þessu líkani (1:300) sést vel hversu myndarleg
bygging nýja íþróttahúsið verður. Fremst er
aðalbyggingin á Reykjalundi, ásamt borðsal.
lofthæð, loftræstingu og vöntun á föstum búnaði
(t.d. rimlum o.fl.) og nánast engu geymslurými.
Með tilkomu nýja salarins verður gjörbreyting
á öllum ofangreindum þáttum og einnig verður
hægt að bjóða upp á mun tjölbreyttari notkun.
Hægt verður að skipta salnum í 2 sali ef vill.
Nýr og stærri tækjasalur verður einnig til húsa
í þessari byggingu og leysir af hólmi tækjasal á
núverandi sjúkraþjálfunardeild. Það rými sem þar
losnar verður kærkomið til annarra nota.
Svo vill til að heilsuþjálfun á Reykjalundi á 20
ára afmæli um þessar mundir og hefur búið við
mjög þröngan og ófullkominn húsakost allan þann
tíma. Á Reykjalundi tvinnast sjúkraþjálfun og
heilsuþjálfun saman og hér verður til sú innan-
hússaðstaða sem nýtist báðum faggreinum.
Þegar þessi nýja bygging verður að veruleika
má líkja henni við byltingu í starfseminni.
Birgir Johnson, sjúkraþjálfari
Lóirus Marinusson, heilsuþjálfari
BÚNAÐARBANKINN
- Traustur banki
Austurstræti 5
SÍBS-fréttir • 27