Fréttatíminn - 13.01.2017, Blaðsíða 30

30 | FRÉTTATÍMINN | Föstudagur 13. janúar 2017
Halla Harðardóttir
halla@frettatiminn.is
„Ég kom átján ára til Íslands frá Kól-
umbíu,“ segir Nelly Patricia Roa-
Arcierie sem kom hingað til lands
árið 2006 til að vinna sem au-pair
fyrir íslenska fjölskyldu. „Frænka
mín sem hefur búið hér í nokkur
ár fann vinnuna fyrir mig því mig
hafði lengi langað að komast eitt-
hvert í burtu. Mig langaði til að
prófa að fara til útlanda, bæði til að
sjá eitthvað nýtt en líka til að kom-
ast í skóla. Ég er ekki úr fátækri
fjölskyldu en mamma hafði samt
ekki efni á því að borga fyrir mig
háskólanám og í Kólumbíu er mjög
erfitt að fá skólastyrki.“
„Ég var búin að vera hér í sex
mánuði þegar ég kynntist mann-
inum mínum. Vinkona mín var
boðin í matarboð til hans og bauð
mér með sér því einhver sem átti
að koma í boðið hætti við á síðustu
stundu. Við féllum strax fyrir hvort
öðru og ári síðar fórum við að búa
saman. Tveimur árum síðar giftum
við okkur og svo stuttu síðar áttum
við fyrsta barnið okkar,“ segir Nelly
sem á tvö börn í dag, Freyju Sól og
Jósef Mána.
„Ég hef alltaf elskað börn og
byrjaði ung að passa. Þegar ég
var í gagnfræðaskóla vann ég
við að sækja börn í skólann, fara
með þau heim og gera með þeim
heimavinnuna. Eftir að hafa unnið
hér sem au-pair fékk ég vinnu
sem dagmamma og vann við það
í fimm ár en í dag vinn ég á leik-
skóla og finnst það frábær vinna.
Mig dreymir samt enn um að fara
í háskóla og læra því mig langar til
að verða kennari. Ég get það samt
ekki núna, það er of mikið að vera
í námi og vinnu með börnin, en ég
geri það kannski þegar börnin eru
orðin aðeins eldri.“
„Ég sakna fjölskyldunnar rosalega
mikið, sérstaklega mömmu minnar.
Mamma á níu systkini og allir búa
í sama hverfinu svo ég er vön því
að vera alltaf með mikið af fólki í
kringum mig. En sem betur fer er
hluti fjölskyldunnar hér. Við erum
svo heppin að afi okkar er frá Ítalíu
svo það er ekkert mál fyrir okkur
að ferðast um Evrópu eða flytja til
Íslands. María Helena frænka flutti
hingað fyrst, fyrir 26 árum, og svo
kom systir hennar og svo vinkona
hennar, og svo mamma hennar og
pabbi, svo kom frú Sofie og eftir að
ég flutti hingað hafa svo komið tvær
frænkur til viðbótar. Það bætist
hægt og rólega í hópinn. Þegar við
Stefán byrjuðum að búa bjuggum
við í Árbænum en mér fannst ég svo
einangruð þar því frænkur mínar
búa allar niður í bæ. Svo núna erum
við flutt í bæinn og það er miklu
betra. Það er rosalega gaman þegar
við hittumst, og mikil læti.“
„Við erum svo heppin
að afi okkar er frá Ítal-
íu svo það er ekkert
mál fyrir okkur að
ferðast um Evrópu
eða flytja til Íslands.“
Nelly Patricia
Roa-Arcierie:
Vildi komast
í burtu
Innflytjandinn
Nelly saknar fjölskyldunnar í Kólumbíu mikið
þó hana hafi unga dreymt um að komast í
burtu. Nokkrar kólumbískar frænkur í miðbæ
Reykjavíkur gera lífið þó léttara.
Mynd | Hari
volundarhus.is · Sími 864-2400
GARÐHÚS 14,5 m²
www.volundarhus.is
Vel valið fyrir húsið þitt
RÝMINGARSALA
20% aukaafsláttur af öllum
GARÐHÚSUM
á meðan byrgðir endast
V
H
/1
6-
05
GARÐHÚS 4,7m²
44 mm bjálki / Tvöföld nótun
GARÐHÚS 4,4m²
GARÐHÚS 9,9 m² án gólfs
GARÐHÚS 9,7m²
50% afsláttur
af flutningi á
GARÐHÚSUM og
GESTAHÚSUM
á allar þjónustu-
stöðvar Flytjanda.
GESTAHÚS og
GARÐHÚS
sérhönnuð fyrir
íslenskar aðstæður
Sjá fleiri
GESTAHÚS og
GARÐHÚS á tilboði
á heimasíðunni
volundarhus.is
· Allt á að seljast
· Fyrstur kemur fyrstur fær
· Ekki missa af þessu
Sjá nánari upplýsingar á heimasíðu
okkar volundarhus.is
og í síma 864-2400.