Fréttatíminn - 20.01.2017, Blaðsíða 50

Vill þriðju Legally Blonde myndina
Leikkonan Reese Witherspoon, sem sló eftirminnilega í
gegn í kvikmyndunum Legally Blonde eitt og tvö, væri
alveg til í að leika í þriðju myndinni um hina litríku Elle
Woods. Reyndar finnst Reese þetta akkúrat rétti tím-
inn til að ráðast í gerð nýrrar myndar og vonast til
að einhver komi með frábæra hugmynd að handriti
sem fyrst.
Henni finnst mikilvægt að hvetja fleiri konur til
þátttöku í stjórnmálum og fá fleiri konur í valda-
mikil embætti. Henni þætti því tilvalið að láta Elle
Woods vera hæstaréttardómara í þriðju myndinni.
„Ég held að konur þurfi á slíkri jákvæðni og fyrir-
mynd að halda núna,“ segir Reese.
Gaga má tjá sig um pólitík
Líkt og fram hefur komið mun söngkonan Lady
Gaga vera með atriði í hálfleik úrslitaleiksins í
NFL ruðningsdeildinni, 5. febrúar næstkom-
andi, þar sem keppt verður um hina svoköll-
uðu Ofurskál eða Superbowl. Orðrómur hefur
verið uppi um að henni hafi verið bannað að tjá
sig um pólitík í atriði sínu eða minnast á Dona-
ld Trump, en forsvarsmenn NFL deildarinnar
hafa þvertekið fyrir að það sé raunin. Lady
Gaga, sem hefur opinberlega lýst yfir andúð
sinni á Trump og skoðunum hans, mun fá
fullt frelsi til að segja og gera það sem henni
sýnist í hálfleiknum. Þeir vilja ekki hefta hana
með neinum hætti eða láta það trufla sig að
hún hafi sterkar skoðanir.
Vill fá Khloe aftur
Körtuboltastjarnan og fyrrverandi eiginmaður
Khloe Kardashian, Lamar Odom, er mjög þakk-
látur fyrrverandi konu sinni fyrir stuðninginn
sem hún sýndi honum á meðan hann glímdi
við eiturlyfjafíkn og fór í gegnum
stranga meðferð. Og nú þegar hann
er laus við fíkniefnadjöfulinn vill
hann fá Khloe aftur. Með því vill
hann endurgjalda stuðninginn
sem hún hefur veitt honum.
Það gæti hins vegar reynst
þrautin þyngri fyrir hann að
fanga hjarta hennar á nýjan leik, því
þau hafa ekki bara gengið frá skiln-
aði sínum, heldur er hún komin með
nýja körfuboltastjörnu upp á arm-
inn, Tristan Thompson.
Sólrún Lilja Diego, ein vinsælasta
snapchatstjarna landsins, lokaði
óvænt snapchataðgangi sínum
á fimmtudaginn í síðustu viku
eftir að hún hafði fengið að upp-
lifa mjög neikvæð og óviðeigandi
komment frá fylgjendum um sig
og sína fjölskyldu. Þá fékk hún
einnig veður af niðurlægjandi um-
ræðu um sig víða á internetinu.
Umræðan særði Sólrúnu og með
tárin í augunum bað hún fylgj-
endurna um að sýna sér virðingu
og muna að hún er manneskja
með tilfinningar þó hún leyfi fólki
að fylgjast með sér á snapchat.
Hún sagðist ætla að loka aðgangi
sínum um óákveðinn tíma og
einbeita sér að því að sinna fjöl-
skyldunni.
Brotthvarf Sólrúnar, sem hefur
verið dugleg að veita ráð varðandi
þrif og skipulag, snerti greini-
lega marga og hreyfði við fólki
– líka þeim sem höfðu tekið þátt
í neikvæðu umræðunni. Þegar
hún birtist fylgjendum sínum
aftur á miðvikudag í þessari viku
sagðist hún orðlaus yfir öllum
fallegu skilaboðunum sem hún
hafði fengið, yfir 1500 talsins.
Hún hrósaði þeim sem sáu að sér
og sendu henni afsökunarbeiðni
og þótti vænt um að sjá hvað
mörgum var ekki sama hvern-
ig henni liði og komið væri fram
við hana. Sólrún ætlar að halda
ótrauð áfram að „snappa“ og
hefur einnig stofnað like-síðu á
facebook, þar sem hún ætlar að
setja inn ýmsar upplýsingar sem
gagnast fylgjendum hennar.
Hvarf af snapchat vegna neikvæðrar umræðu
Sólrún Diego tók leiðinleg komment inn á sig og dró sig í hlé um tíma, en hefur nú snúið aftur.
Sólrún var orðlaus yfir öllum
fallegu skilaboðunum sem
húm fékk.
L-Mesitran
Náttúruleg
sáragræðsla
með hunangi
Vörurnar fást í Lyf og heilsu, Apótekaranum, Hraunbergsapóteki, Lyfjaveri,
Lyfsalanum Glæsibæ,Akureyrarapóteki, Apóteki Mos og Apóteki Ólafsvíkur.
Nánari upplýsingar
fást á www.wh.is.
Þorrabjórarnir komu í sölu í Vínbúðunum í gær og dómnefnd Fréttatímans greip þá glóðvolga. Úrvalið er
fjölbreytt að þessu sinni; allt frá
hefðbundnum léttum árstíðar-
bjórum og upp í 14.5% níðþunga
Russian Imperial Stout-bjóra. Stóri
Skjálfti frá Ölvisholti og Surtur 8.4
frá Borg þóttu bera af.
Þorrabjórarnir eru tólf að þessu
sinni, þrettán ef talinn er með
mjöðurinn Gunnlöð frá Borg
brugghúsi. Hann flokkast ekki
sem bjór enda bruggaður úr hun-
angi en flýtur með sem gestabjór í
þessari úttekt.
Hinir tólf bjórarnir eru mjög
ólíkir. Annars vegar er um sjö
nokkuð hefðbundna árstíðarbjóra
en hins vegar fimm mismunandi
Surti frá Borg brugghúsi. Surtirnir
eru allir um eða yfir tíu prósent í
alkóhóli, bragðmiklir Stout-bjórar
og eiga litla samleið með hinum
sjö. Því var brugðið á það ráð í
þessari úttekt að setja Surtina í
sér flokk. Dómnefndin tók út alla
bjórana og útnefndi sigurvegara í
báðum flokkum.
Í almenna flokknum þótti Stóri
Skjálfti frá Ölvisholti bera af. Stóri
Skjálfti er afmælisútgáfa Skjálfta
en tíu ár eru um þessar mundir
síðan byrjað var að brugga í Ölvis-
holti. Meðal annarra velheppnaðra
þorrabjóra, að mati dómnefndar-
innar, voru IPA Þorrabjór frá Segli
67 og Juniper Bock frá Víking.
Þorrakaldi og Þorragull fengu sér-
stök verðlaun og þóttu henta best
á þorrablótið.
Surtirnir fimm fengu allir góða
umsögn dómnefndar. Bestur þótti
sá stærsti, Surtur nr. 8.4 sem hefur
fengið að þroskast á Single Malt
Whisky-tunnu. Hann er heil 14.5%.
„Þetta er algert konfekt,“ var með-
al annars sagt um hann.
Ítarleg úttekt er á þorrabjórun-
um á vef Fréttatímans og þar má
lesa ummæli dómnefndar um alla
bjórana.
Fimm Surtir og
tíu ára Skjálfti
Verðlaunahafar
Besti þorrabjórinn
Almennur flokkur
Stóri Skjálfti
Ölvisholt brugghús
Besti þorrabjórinn
Í flokki Surta
Surtur nr. 8.4
Borg brugghús
Bestir með á þorrablótið
Þorrakaldi
Bruggsmiðjan Kaldi.
Þorragull
Ölgerðin.
Dómnefndin tók starf sitt mjög alvarlega. Þau eru frá vinstri Finnbogi Rafn Jónsson, 34 ára hagfræðingur, Viðar Hrafn Steingrímsson, 43 ára
kennari, Margrét Grétarsdóttir, 33 ára framleiðandi og Hrafnkell Freyr Magnússon, 34 ára eigandi bruggverslunarinnar Brew.is. Mynd | Hari
…fjörið 2 | amk… FÖSTUDAGUR 20. JANÚAR 2017