Morgunblaðið - 01.12.2016, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 1. DESEMBER 2016
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Sogavegi 3
Höfðabakka 1
Sími 555 2800
SMÁLÚÐUFLÖK
STÓRLÚÐUSTEIKUR
1.990 kr.kg
Bjarni Benediktsson, formaður Sjálf-
stæðisflokksins, og Katrín Jakobs-
dóttir, formaður Vinstrihreyfingar-
innar – græns framboðs, komu saman
á öðrum tímanum í gær til að fara yfir
mögulegt ríkisstjórnarsamstarf
flokkanna tveggja. Hlé var gert á
fundinum síðdegis en haldið var
áfram í gærkvöldi. Hvorki náðist í
Bjarna né Katrínu áður en Morgun-
blaðið fór í prentun. Þingmenn flokk-
anna, sem blaðið náði tali af, sögðust
engar upplýsingar hafa um stöðu
mála. Ríkti þá algjör óvissa um hver
niðurstaða viðræðna yrði.
Katrín sagði í samtali við fjölmiðla
eftir þingflokksfund Vinstri grænna í
þinghúsinu í gær, fyrir fund hennar
og Bjarna, að þau hefðu hist á þriðju-
dag til að fara yfir málin og að þau
myndi hittast aftur til að ljúka þeirri
yfirferð. Spurð hvað þau hefðu aðal-
lega rætt svaraði Katrín að umræðan
hefði snúist um efnahagsmál.
Enn á byrjunarstigi
„Það er ekkert tímabært að segja
til um það,“ sagði Katrín aðspurð
hvort hún væri vongóð um að viðræð-
urnar við Bjarna leiddu til formlegra
stjórnarmyndunarviðræðna. Á þing-
flokksfundi Vinstri grænna var farið
yfir stöðuna en spurð um stemningu
fyrir mögulegu stjórnarsamstarfi við
Sjálfstæðisflokkinn sagði Katrín að
samtalið væri fyrir það fyrsta ekki
komið á það stig og Vinstri grænir
væru tilbúnir að tala við alla flokka.
„Við erum alveg ásátt um það. Við
vorum tilbúin til þess og vorum búin
að ákveða það að við værum reiðubúin
að ræða við alla flokka og við gerum
það að sjálfsögðu í fullri alvöru. En
hins vegar áður en hægt er að taka
ákvörðun um formlegar viðræður
þarf maður að átta sig á því hvort það
sé einhver raunverulegur málefnaleg-
ur grundvöllur.“ vilhjalmur@mbl.is
Óvissa um niðurstöðuna
 Bjarni Benediktsson og Katrín Jakobsdóttir ræða um mögulegar stjórnarmynd-
unarviðræður  Þingflokkur Vinstri grænna fundaði í gær fyrir fund formannanna
Bjarni
Benediktsson
Katrín
Jakobsdóttir
Mikil spenna ríkti í húsnæði Skáksambands Íslands í
gærkvöldi þar sem skákáhugamenn komu saman til að
fylgjast með úrslitum heimsmeistaramótsins í skák.
Fögnuðust braust út á tólfta tímanum þegar ljóst varð
að Norðmaðurinn Magnus Carlsen hafði sigur gegn
Karjakin í þremur atskákum gegn einni í gærkvöldi.
Tókst Carlsen því að verja heimsmeistaratitil sinn eftir
harða rimmu. Nánar í skákþætti aftar í blaðinu. »22
Morgunblaðið/Freyja Gylfa
Mikil spenna í opnu húsi hjá Skáksambandi Íslands í gærkvöldi
Fögnuðu sigri Norðmannsins
Forseti Íslands
hefur fallist á til-
lögu forsætisráð-
herra um að þing
verði kallað sam-
an þriðjudaginn
6. desember nk.
kl. 13.30. Sig-
urður Ingi Jó-
hannsson for-
sætisráðherra
segir tímabært
að Alþingi komi saman svo tími gef-
ist til þinglegrar meðferðar fjár-
laga og mála sem þeim tengjast.
„Þótt skammur tími sé til stefnu
tel ég að með góðri samvinnu verði
hægt að ljúka umfjöllun um þau á
tilsettum tíma,“ segir Sigurður.
Á fundi ríkisstjórnarinnar í gær-
morgun kynnti Bjarni Benedikts-
son fjármálaráðherra frumvarp til
fjárlaga fyrir árið 2017, svo og
frumvarp til laga um ýmsar for-
sendur fjárlagafrumvarpsins.
„Stefnt er að því að Alþingi komi
saman 6. desember,“ sagði Bjarni
Benediktsson í samtali við mbl.is að
loknum ríkisstjórnarfundinum.
Samkvæmt venju verður fjárlaga-
frumvarpið lagt fram á fyrsta degi
nýs þings.
Alþingi kvatt
saman þriðjudag-
inn 6. desember
Sigurður Ingi
Jóhannsson
Eldur kom upp í þriggja hæða íbúð-
arhúsi í Geldingaholti í Skagafirði í
gær. Íbúi hússins var ekki heima en
verkamenn voru að störfum þegar
eldurinn kom upp. Að sögn lögregl-
unnar á Norðurlandi vestra var
enginn í hættu.
Virtist eldurinn í fyrstu lítill en
þegar þakið var opnað til að leita að
eldsupptökum blossaði hann upp og
breiddi úr sér. Talið er að kviknað
hafi í vegg sem er einangraður með
torfi. Húsið er að sögn lögreglu
gjörónýtt en fjórir slökkviliðsbílar
tóku þátt í slökkvistarfinu.
Um klukkan 23 í gærkvöldi var
verið að rífa húsnæðið til að ráða
niðurlögum eldsins. Búist var við að
slökkviliðið yrði að störfum fram
eftir nóttu.
Húsnæðið gjör-
ónýtt eftir bruna
Erla Rún Guðmundsdóttir
erlarun@mbl.is
Halldór Halldórsson, formaður Sam-
bands íslenskra sveitarfélaga, segir
nýjan samning sambandsins við Fé-
lag grunnskólakennara vera stóran
bita fyrir mörg sveitarfélög. Elliði
Vignisson, bæjarstjóri í Vestmanna-
eyjum, sagði í viðtali við fréttavefinn
Eyjar.net í gær að kjarasamningur-
inn fæli í sér „hátt í 50 milljóna
kostnaðarauka“ fyrir sveitarfélagið
en í fjárhagsáætlunum var gert ráð
fyrir 40 milljóna rekstrarafgangi.
Því sé ljóst að aðgerða sé þörf til að
koma til móts við aukin útgjöld.
Hleypur á milljörðum
Halldór segir stöðuna álíka í fleiri
sveitarfélögum. „Við vissum að í
þessu værum við að teygja okkur al-
veg til hins ýtrasta […] Mér sýnist
þetta vera staðan víða. Það breytir
því ekki að við verðum að borga
kennurum góð laun, en þetta tekur
auðvitað á.“
Telur Halldór að heildarkostnað-
urinn hlaupi á milljörðum en hann
vonast þó til að kjarasamningurinn
verði samþykktur því í honum felist
líka ákveðin tækifæri.
„Það er bókun í samningnum um
að fara í gegnum skólastarfið og
skoða hvort við getum bætt okkur
gagnvart rekstri skólanna. Við erum
með einn dýrasta grunnskólann inn-
an OECD-ríkjanna en samt eru laun
kennara undir meðaltali svo við þurf-
um einhvern veginn að stemma þetta
betur af,“ segir Halldór.
Skiptar skoðanir
Félag grunnskólakennara kynnti
samninginn fyrir trúnaðarmönnum
grunnskóla í Reykjavík og víðar í
gær. „Eins og við var að búast eru
skiptar skoðanir og mikil umræða,“
sagði Ólafur Loftsson, formaður Fé-
lags grunnskólakennara, um kynn-
ingarfundina.
Ragnar Þór Pétursson, grunn-
skólakennari og trúnaðarmaður í
Norðlingaskóla í Reykjavík, sagði í
samtali við mbl.is í gær að nýi samn-
ingurinn væri „ískyggilega líkur“
þeim samningum sem grunnskóla-
kennarar hafa þegar fellt.
Ólafur sagðist ekki hafa orðið var
við slíka gagnrýni en hann er Ragn-
ari Þór ósammála. „Ég tel ekki rétt
að stilla þessu svona upp. Við höfum
auðvitað heyrt í umræðunni að fólk
er að velta því fyrir sér hver mun-
urinn á þessu tvennu sé en þetta er
algjörlega sitt hvor hluturinn.“
Fleiri uppsagnir
Átta kennarar við Réttarholts-
skóla, um 30% allra kennara við skól-
ann, sögðu í gær upp störfum og tel-
ur Jón Pétur Zimsen skólastjóri þá
ekki hafa verið nógu ánægða með
nýjan samning. Ólafur sagðist ekki
hafa tilfinningu fyrir því hvaða áhrif
nýr samningur hefði á uppsagnir
kennara. „Menn þurfa auðvitað tíma
til að melta þetta, velta fyrir sér
kostum og göllum og setja í sam-
hengi.“
Kjarasamningurinn stór
biti fyrir sveitarfélögin
 Staðan víða erfið
 Viðbrögð kenn-
ara eru misjöfn
Morgunblaðið/Stella Andrea
Undirskriftir Skrifað undir nýjan
kjarasamning við sveitarfélögin.
Samtals 25 svokölluð hrunmál eru
enn til meðferðar hjá embætti hér-
aðssaksóknara eða í dómskerfinu.
Þetta kom fram í svari embættisins
við fyrirspurn mbl.is.
Átta mál eru í gangi í dómskerf-
inu. Markaðsmisnotkunarmál Glitn-
is og umboðssvikamál tengt félaginu
Hreiðar Már Sigurðsson ehf. eru til
meðferðar fyrir héraðsdómi og tvö
mál bíða ákvörðunar um áfrýjun,
meðal annars Aurum-málið sem ný-
lega var dæmt í. Þá eru fjögur mál
til meðferðar fyrir Hæstarétti.
Fimm mál eru í rannsókn og ell-
efu í ákærumeðferð sem felur í sér
að málin eru í ákvörðunarferli hjá
saksóknara hjá embættinu um hvort
ákært verði eða ekki.
Eitt mál er enn í bið og ákvörðun
hefur ekki verið tekin um hvort það
verði rannsakað.
25 hrunmál
ennþá til
meðferðar
 Átta mál í gangi
í dómskerfinu
Skráð atvinnuleysi í október var
2,0%, en að meðaltali voru 3.333 at-
vinnulausir í október og fjölgaði
atvinnulausum um 47 að meðaltali
frá september þegar atvinnuleysi
mældist 1,9%. Eygló Harðardóttir,
félags- og húsnæðismálaráðherra,
greindi frá stöðu vinnumarkaðar-
ins á ríkisstjórnarfundi í gær. Hún
segir stöðu vinnumarkaðarins góða
og fjölgun skráðra atvinnulausra
skýrist af árstíðarbundnum sveifl-
um.
Í október fjölgaði atvinnulausum
körlum um 59 frá september en að
meðaltali var 1.491 karl á atvinnu-
leysisskrá. Atvinnulausum konum
fækkaði um 12 frá september og
voru 1.842 konur á atvinnuleysis-
skrá.
Skráð atvinnuleysi 2% í október