Morgunblaðið - 01.12.2016, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 1. DESEMBER 2016
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
...Margur er knár
þótt hann sé smár
Nýji SX Rational 2/3 GN ofninn
gerir allt það sama og
stærri gerðirnar.
BAKSVIÐ
Anna Lilja Þórisdóttir
annalilja@mbl.is
„Í dag er algengt að maður kaupi
flugmiða á netinu, innriti sig þar líka
og oftar en ekki er það ekki fyrr en
komið er um borð í flugvélina sem við
eigum samskipti við einhvern sem
vinnur hjá flugfélaginu. Oft er flug-
freyjan eða -þjónninn því eini snerti-
flötur farþegans við fyrirtækið.“
Þetta segir Ingibjörg Lárusdóttir,
forstöðumaður flugfreyja og -þjóna
hjá Icelandair.
Fyrirtækið aug-
lýsti nýverið störf
flugliða, hátt í tvö
þúsund manns
sóttu um þau, sem
er mesti fjöldi
umsókna sem
borist hafa og eft-
ir viðamikið ráðn-
ingarferli var 180
boðið að sitja
grunnnámskeið
fyrir flugliða.
Þetta er næststærsta einstaka
ráðningin í sögu fyrirtækisins, sú
stærsta var í fyrra þegar 230 voru
ráðnir í störf flugliða. Í ár var tekið
upp nýtt ráðningarferli sem að sögn
Ingibjargar var skemmtilegt verk-
efni. „Við byrjuðum á að fara í þarfa-
greiningu til að fá skýrari mynd af
hvernig fólki við erum að leita að. Við
stöndum t.d. frammi fyrir nýjum
áskorunum sem eru m.a. að háanna-
tíminn hefur lengst og við þurfum því
fólk sem getur unnið yfir lengra
tímabil en júní, júlí og ágúst.“
Ingibjörg og fleiri sem koma að
ráðningarferlinu sóttu nokkur erlend
flugfélög heim, kynntu sér hvernig
þau standa að ráðningum og völdu úr
ýmsar aðferðir sem þau töldu geta
vera árangursríkar. Þær voru síðan
aðlagaðar þörfum Icelandair og að-
stæðum hér á landi.
Ítarlegt ráðningarferli
„Ferlið var tvískipt,“ segir Ingi-
björg. „Í fyrri hlutanum voru boðaðir
800 af þeim rúmlega 1.900 sem sóttu
um starfið og tekið þriggja mínútna
örviðtal við hvern og einn og almenn
þekking könnuð.“
Eftir þetta voru um 400 umsækj-
endur boðaðir í seinni hluta ferlisins
þar sem þeim var falið að fást við ým-
islegt sem upp getur komið í flugferð.
Fjórir leikarar sköpuðu aðstæður
sem upp geta komið um borð og um-
sækjendurnir voru í hlutverki áhafn-
ar sem átti að leysa úr þeim að-
stæðum. Til að gera allt sem
raunverulegast fór þetta fram í flug-
vélaskrokki í þjálfunarsetri Ice-
landair. „Þannig gátum við séð
hvernig umsækjendur bregðast við
aðstæðum, en hluti þjálfunar flugá-
hafna fer þannig fram. En þetta var
ekki síður gert fyrir umsækjendurna
til að meta hvort þetta væri það sem
þá langaði virkilega til að starfa við,“
segir Ingibjörg.
Í kjölfarið fóru umsækjendur í ít-
arlegt viðtal þar sem farið var yfir
ferilskrá og tungumálakunnátta
könnuð. Að lokum var stutt viðtal.
„Við reyndum að hafa ferlið eins
gagnsætt og hægt var, niðurstaðan
var byggð á fimm einkunnum sem
níu prófdómarar gáfu,“ segir Ingi-
björg. „Mjög margir hæfir ein-
staklingar sóttu um og það erfiðasta
er að þurfa að hafna hæfu fólki, sem
við þurftum því miður vissulega að
gera.“
Áðurnefnt grunnnámskeið stendur
í þrjár vikur og er kennt á vegum
Flugskóla Íslands. Það er bæði bók-
legt og verklegt og þar er kennd
skyndihjálp, flug- og veðurfræði og
ýmist regluverk sem unnið er sam-
kvæmt í háloftunum. Standist þátt-
takendur þær kröfur sem gerðar eru
á þessu grunnnámskeiði og ítarlega
læknisskoðun fara þeir á fjögurra
vikna námskeið sem er á vegum Ice-
landair. Þar er áfram farið yfir ör-
yggis- og þjónustuþætti og kennt á
flugvélategundir fyrirtækisins.
Konur í miklum meirihluta
Þegar Icelandair auglýsti eftir
flugfreyjum og -þjónum í fyrra sætti
það nokkurri gagnrýni að 35 ára ald-
urshámark var tiltekið í auglýsing-
unni. Svo var ekki í ár, umsækjendur
voru á breiðu aldursbili og að sögn
Ingibjargar var núna ráðið fólk á
aldrinum 23 til 53 ára. „Í fyrra var
ákveðið að tilgreina þetta aldursbil
vegna þess að við þurftum að fá fólk á
tilteknum aldri til starfa til að jafna
aldurssamsetninguna í hópnum. Við
þurftum þess aftur á móti ekki núna.“
Í gegnum tíðina hafa konur verið í
miklum meirihluta þeirra sem sækja
um störf flugliða og svo er enn. „Ég
held að umsóknir frá körlum nái ekki
10%. Það væri óskandi ef kynja-
hlutföllin væru jafnari, en konur virð-
ast hafa meiri áhuga á starfinu en
karlar,“ segir Ingibjörg.
Hjá Icelandair eru um 1.000 stöðu-
gildi flugfreyja og -þjóna. Þess er
krafist af umsækjendum að þeir séu
með stúdentspróf eða ígildi þess, en
ekki er óalgengt að í hópnum sé fólk
með talsvert meiri menntun. „Þetta
er upp til hópa mjög menntaður hóp-
ur. Við höfum verið með læknanema,
við erum með marga hjúkrunarfræð-
inga, lögreglumenn, lögfræðinga,
kennara, viðskiptafræðinga – þetta
er öll flóran.“
Þurfa að vera við öllu búin
Spurð hvort það sé séríslenskt að
fólk með svo mikla menntun starfi
sem flugliðar segist Ingibjörg ekki
vita til þess að það hafi verið kannað,
en ekki sé ólíklegt að svo sé. „En við
erum a.m.k. óskaplega stolt af þess-
um flotta og fjölbreytta hópi.“
Sjálf starfaði Ingibjörg sem flug-
freyja í 18 ár. Hún skipti um starfs-
vettvang eftir að hafa lokið meistara-
gráðu í lögfræði og starfaði hjá
Fangelsismálastofnun ríkisins um
tveggja ára skeið. En flugið heillaði
aftur og dró hana aftur á heimaslóðir
og í núverandi starf.
– En hvernig er góð flugfreyja eða
flugþjónn?
„90% af þjálfuninni, jafnvel meira,
snýr að öryggisatriðum. Við erum að
búa okkur undir aðstæður sem við
vonumst til að komi ekki upp, en sá
sem sinnir þessu starfi þarf að vera
við öllu búinn. Við viljum að tekið sé
hlýlega á móti farþegum þegar þeir
koma inn í flugvélarnar okkar, við
leggjum áherslu á íslenska upplifun
sem félagið hefur valið til að höfða til
farþega sinna og vekja áhuga þeirra
á Íslandi sem áhugaverðum stað til
að sækja heim. Starfið sem slíkt
snýst um að þjónusta farþega, þannig
að lykilatriðið er rík þjónustulund og
að hafa gaman af að uppfylla vænt-
ingar og kröfur viðskiptavinarins þó
að öryggið sé alltaf númer eitt,“ segir
Ingibjörg.
Jafnan sækja mörg hundruð
manns um störf flugliða þegar þau
eru auglýst og ekki er ólíklegt að Ís-
land eigi heimsmet í hlutfalli af íbúa-
fjölda sem sækir um þessi störf. Ingi-
björg segir að líklega séu margar
skýringar á þessum vinsældum
starfsins. „Þetta er skemmtilegt og
fjölbreytt starf þar sem engir tveir
dagar eru eins, en þetta er líka mikil
vinna og mikið álag sem hentar alls
ekki öllum. Annars tel ég að fyr-
irtækið sjálft dragi að. Icelandair er
traust fyrirtæki sem fagnar 80 ára af-
mæli sínu á næsta ári og við sem
vinnum þar erum stór og samheldinn
hópur.“
Heimsmet í flugfreyjuumsóknum?
 Meira en tíu voru um hvert sumarstarf flugliða hjá Icelandair  Réðu fólk á aldrinum 23-53 ára
 Ítarlegt umsóknarferli  Fólk með ýmiss konar menntun og starfsreynslu starfar í háloftunum
Morgunblaðið/Eggert
Á skólabekk Verðandi flugfreyjur hjá Icelandair sitja þessa dagana þriggja vikna grunnnámskeið fyrir flugliða.
Ingibjörg
Lárusdóttir
„Ég hugsaði að núna væri tækifær-
ið til að láta reyna á þetta. Ég hef
lengi haft áhuga á að starfa sem
flugfreyja, en hafði ekki svigrúm til
að sækja um fyrr en núna,“ segir
Anna María Guðmundsdóttir, 36 ára
sjúkraliði og förðunarfræðingur,
sem situr nú grunnnámskeið Ice-
landair.
Hún segir reglugerðir, m.a. um
öryggi og starfsumhverfið í heild
sinni, vera fyrirferðarmiklar í náminu. Eins sé lögð
talsverð áhersla á veður- og flugfræði, eldvarnir og
skyndihjálp.
„Flugfreyja eða -þjónn getur nefnilega þurft að
vera svo margt. Eina stundina er hún hjúkr-
unarfræðingur og þá næstu sálfræðingur. Þannig að
hún þarf að hafa breiða getu til að takast á við
óvæntar aðstæður sem þarf að fást við inni í þessu
litla rými sem er flugvélin,“ segir Anna María.
Hún segir námskeiðið hafa að mörgu leyti verið ít-
arlegra en hún átti von á. „Ég bjóst t.d. ekkert sér-
staklega við að það væri farið svona djúpt í veður-
fræði eða hvernig flugvélar fljúga. Þetta er reyndar
mjög skemmtilegt og svarar mörgum spurningum
sem ég var að velta fyrir mér. Ég hlakka til að fara
að vinna við þetta og nýta það sem ég er að læra
núna,“ segir Anna María.
Flugfreyja getur þurft að vera svo margt
HLAKKAR TIL AÐ HEFJA STÖRF Í HÁLOFTUNUM
Anna María
Guðmundsdóttir
„Ég sótti um þetta starf vegna þess
að ég tel að það sé skemmtilegt og
fjölbreytt; það gefur möguleika á að
hitta nýtt fólk og fara á nýja staði. En
ég geri mér vel grein fyrir því að
þetta er mjög krefjandi og erfitt starf
sem reynir á margt,“ segir Arna
Jónsdóttir, 22 ára danskennari hjá
World Class og nemi í viðskiptafræði
í HR.
Hún segir að það hafi komið sér
virkilega skemmtilega á óvart þegar henni var boðin
þátttaka á grunnnámskeiðinu. Hún hafi lengi haft
augastað á starfinu, en ekki getað sótt um fyrr, því
hún hafði ekki aldur til þess fyrr en nú.
„ Í gegnum tíðina, þegar ég hef verið að ferðast,
fylgist ég yfirleitt með flugfreyjunum að störfum allan
tímann. Ferðafélögunum finnst nú oft meira en nóg
um,“ segir Arna og hlær. „En þetta starf hefur höfðað
svo lengi til mín.“
Spurð hvaða kostum hún telji að góð flugfreyja þurfi
að vera búin svarar hún að hún þurfi að vera viðbúin
hverju sem er. „Sýna frumkvæði, hafa gaman af sam-
skiptum og vera snögg að hugsa og úrræðagóð.“
Þarf að vera viðbúin hverju sem er
KOM VIRKILEGA SKEMMTILEGA Á ÓVART
Arna
Jónsdóttir
Ein þeirra
sem nú sitja
grunn-
námskeið
Icelandair
fyrir flugliða
er Sigríður
Sól Björns-
dóttir, 44
ára við-
skiptafræð-
ingur hjá
fyrirtækjaþjónustu Icelandair.
Hún hefur líklega meiri
reynslu af slíku nám-
skeiðahaldi en flestir aðrir, því
þetta er þriðja nýliðanám-
skeiðið fyrir flugliða sem hún
situr. „Ég fór fyrst á námskeið
hjá Atlanta 1993 og vann í
pílagrímaflugi í tvö sumur, síð-
ar hjá Icelandair 1996 þar sem
ég starfaði síðan sem flug-
freyja í þrjú ár. Það eru 17 ár
síðan ég vann síðast sem flug-
freyja og þess vegna varð ég
að fara aftur á nýliða-
námskeið,“ segir Sigríður Sól.
Hún segir talsverðan mun
vera á þessu námskeiði og því
sem hún var síðast á fyrir 20
árum. Umgjörðin sé talsvert
meiri nú en áður og þá sé
meira farið í reglugerðir. „En
áherslan er alltaf fyrst og síð-
ast á öryggið og það hefur
ekkert breyst.“
Hún segir nokkrar ástæður
fyrir því að hún hafi sóst eftir
flugfreyjustarfinu á ný næsta
sumar „Ég þekki starfið og
veit hvað það er fjölbreytt og
skemmtilegt. Ég starfa nú þeg-
ar hjá fyrirtækinu en sé þetta
sem tækifæri til að sjá aðra
hlið á starfseminni og vera í
meiri nálægð við viðskiptavin-
inn.“
Þriðja nýliða-
námskeiðið
ÞEKKIR STARFIÐ
Sigríður Sól
Björnsdóttir