SÍBS blaðið - 01.01.2006, Page 20

20
Maríus Helgason, forseti SÍBS afhenti honum
farartækið í skiptum fyrir merkið með vinn-
ingsnúmerinu. Björn hinn ungi þakkaði við-
stöddum fyrir sig með handabandi og fór svo
í stutta flugferð ásamt föður sínum. Aðspurður
um hvernig honum hefði líkað svaraði hann:
,,Ég var hræddur. Vélin renndi sér niður bratta
brekku, niður í sand.”
En hvað varð svo um þessa sögufrægu vél,
einu flugvélina sem hefur verið vinningur í
happdrætti hérlendis?
Í úrklippusafni SÍBS er að finna grein eftir
Helga Daníelsson sem birtist í Skagablaðinu 21.
mars 1994. Þar rekur hann sögu flugvélarinnar
og happdrættisins um hana, líkt og fram hefur
komið hér að framan. Einnig er með greininni
mynd af flugvélinni á Langasandi. Síðan segir:
,,Þann 19. febrúar 1947 keypti nýstofnað flug-
félag, Vængir hf., vélina og notaði hana til
áætlunar- og leiguflugs. Fljótlega eftir það hóf
félagið áætlunarflug á milli Reykja-
víkur og Akraness. Flugvélin þótti
heppileg á þeirri flugleið því hún gat
lent bæði á sjó og á landi, enda var
það svo að hún lenti á Krossvíkinni
og var síðan ekið upp á Langasand,
enda ekki flugvöllur fyrir hendi á
Akranesi.
Ekki man ég til þess að fara með það
hve lengi félagið hélt uppi ferðum
til Akraness en það mun hafa verið
a.m.k. tvö næstu árin. Þeir eru efa-
laust margir, sem komnir eru yfir
miðjan aldur, sem flugu með þessari
flugvél á milli Akraness og Reykja-
víkur og muna eftir þessu. Ég minn-
ist þess að ég flaug a.m.k. tvisvar með henni til
Reykjavíkur.
Mér lék því nokkur forvitni á að vita hvað
orðið hefði af þessari skemmtilegu og sögu-
frægu flugvél og aflaði mér eftirfarandi upp-
lýsinga:
Það var 9. júlí 1950, að flugvélin var á Þing-
vallavatni. Þar hafði henni verið lent því hún
var í hringflugi með ferðafólk. Að kvöldi þessa
dags rakst hún á blindsker og sökk. Vélin náð-
ist upp og var flutt í flugskýli við Reykjavíkur-
flugvöll og geymd þar enda átti að gera hana
upp. Ekki tókst þó betur til en svo að eldur
kviknaði í skýlinu og brunnu vængir og mótor
en skrokkurinn bjargaðist. Þá var vélin dæmd
endanlega ónýt og skrokkurinn síðan notaður
sem vinnu skúr við húsbyggingu í Kópavogi.”
Þar lauk sögu þessarar flugvélagr, hinnar fyrstu
og einu sem vitað er til að hafi verið vinningur
í happdrætti hérlendis.
Stjórnklefi flugvélarinnar