SÍBS blaðið - 01.01.2007, Blaðsíða 3



Á 35. þingi SÍBS var megináherslan lögð á fyrirhugaðar
breytingar á lögum SÍBS. Miklar umræður fóru fram
um einstakar breytingartillögur. Í ljósi þess taldi ég
ástæðu til að boða til formannafundar aðildarfélaga og
sambandsstjórnar í samræmi við lög SÍBS. Fundurinn
var haldinn 13. desember sl. þar sem m.a. var farið yfir
hinar nýju lagabreytingar og rætt um hlutverk stjórna.
Skal nú vikið nánar að þeim atriðum.
1. Lagabreytingar
Á þinginu voru eftirfarandi lagabreytingar m.a. sam-
þykktar:
Þróunar- og rekstraráætlanir skulu gerðar fyrir Reykja-
lund til fjögurra ára í senn og endurskoðaðar árlega.
Þá ber stjórn Múlalundar að gera rekstraráætlanir fyrir fyrirtækið. Áætl-
anirnar skal leggja fyrir stjórn SÍBS til staðfestingar áður en þær koma til
framkvæmda. Breytingin er í takt við þær kröfur sem gerðar eru til stofnana.
Hún leiðir til þess að horfa þarf til lengri tíma með heildarstefnumörkun
SÍBS að leiðarljósi. Góð áætlanagerð er grunnforsenda góðs rekstrar. Á árinu
mun sambandsstjórnin vinna að reglum um framkvæmd áætlana og eftirlit
með þeim í nánu samstarfi við stjórnir rekstrareininga.
Réttur til setu í stjórnum innan SÍBS skal takmarkaður þannig að félags-
mönnum aðildarfélaga SÍBS − séu þeir starfsmenn aðildarfélaganna eða
starfsmenn fyrirtækja í eigu SÍBS − verði gert óheimilt að eiga sæti í
stjórnum þess. Grundvallaratriðið er að ekki þykir rétt að starfsmenn skuli
eiga kost á því að hafa eftirlit með sjálfum sér. Dæmi er um að þess konar
ákvæði hafi einnig verið látið ná til maka starfsmanna. Sambandsstjórn-
in hefur nú gert stjórnarsamþykkt þess efnis að þátttaka stjórnarmanna í
stjórnum innan SÍBS sé takmörkuð við eina stjórn. Stjórnarmenn geta því
t.d. ekki átt bæði sæti í stjórn Reykjalundar og sambandsstjórn eins og
tíðkast hefur fram að þessu.
Tillögur til breytinga á lögum SÍBS skulu berast sambandsstjórn í síðasta
lagi sex vikum fyrir sambandsþing. Eftir það er aðildarfélögum gefinn kost-
ur á að gera skriflegar athugasemdir við tillögurnar og skulu þær þá sendar
skrifstofu SÍBS eigi síðar en viku fyrir sambandsþing. Á síðasta þingi voru
lagðar fram allmargar breytingartillögur til viðbótar við þær sem komu frá
laga- og skipulagsnefnd. Nýja fyrirkomulagið hefur í för með sér að allar
tillögur sem fyrirhugað er að leggja fram á sambandsþingi hafi áður hlotið
yfirferð af hálfu sérfræðinga á viðkomandi sviði. Slíku er ætlað að stuðla að
betri framkvæmd.
2. Hlutverk stjórna
Á formannafundinum var farið yfir þrjú meginhlutverk stjórna, þ.e. eftir-
litshlutverk, þjónustuhlutverk og stefnumótunarhlutverk. Hvað varðar eftir-
litshlutverkið kom fram hér að framan að fyrirhugað er að setja reglur um
framkvæmd áætlana og eftirlit með þeim sem mun styrkja og bæta eftirlit
innan SÍBS. Þjónustuhlutverk stjórna innan SÍBS gagnvart félagsmönnum
sínum og rekstrareiningum á að vera í öndvegi. Jafnt og þétt hefur samstarf
aðildarfélaga SÍBS verið að aukast. Aukið fjármagn hefur verið sett í félags-
lega þáttinn og fékk SÍBS framlag á fjárlögum fyrir árið 2007 í félagsleg
verkefni. Loks ber að nefna stefnumótunarhlutverk stjórna. Á undanförnum
misserum hefur verið mikil umræða um skipulagsmál innan SÍBS og hefur
verið unnið að þeim málum. Innan SÍBS eru nokkrar stjórnir og gæta þarf
sérstaklega að samkvæmni í stefnumörkuninni þannig að markmið útiloki
ekki hvort annað. Í stefnumótuninni þarf að hafa í huga stefnu heilbrigðis-
og félagsmálayfirvalda en það eru þau tvö ráðuneyti sem SÍBS á í mestum
samskipum við. Þverfagleg nálgun, rökræður og skoðanamunur eru nauðsyn-
leg til að tryggja sem best að þau skref sem tekin eru verði farsæl fyrir SÍBS.
Sigurður Rúnar Sigurjónsson
L
e
i
ð
a
r
i
E f n i s y f i r l i t
Leiðari . . . . . . . . . . . . . . . . 3
Formannafundur.SÍBS . . . . . .4
Hangikjötsveisla.í.Múlalundi. . .8
Berklar.. . . . . . . . . . . . . . . .10
Frá.Hjartaheill . . . . . . . . . . .12
Stuðningshópar.fyrir.
félagsmenn.SÍBS. . . . . . . . .13
„Eins.manns.tæknideild
á.Reykjalundi“ . . . . . . . . . . .15
Rannsóknir.á.Reykjalundi . . .24
Nýr.happdrættismiði. . . . . . .31
Hálf.milljón.kemur.sér.vel . . .33
En.ég.elska.hann.Jóhann.. . .37
Lyfta.sett. í.SÍBS.húsið . . . . .38
Nýir.umboðsmenn. . . . . . . . .41
Skemmtun
Myndagátan . . . . . . . . . . . . .35
Krossgátan. . . . . . . . . . . . . .39
Ritstjóri og ábyrgðarmaður:
Pétur.Bjarnason
Ritnefnd:
Elísabet.Arnardóttir
Haraldur.Finnsson
Jóhanna.S ..Pálsdóttir
Útlit:
Hér.&.Nú.auglýsingastofa
Umbrot og prentun:
Gutenberg
Upplag.7 .000
Pökkun:
Vinnustofan.Ás
Auglýsingar:
Hænir.sf .
ISSN 1670-0031
Forsíðumynd:
Forsíðumyndin.er.frá.Glaumbæ.í.Skagafirði,.
tekin.í.sumarferð.starfsfólks.SÍBS.s .l ..
sumar .