Lystræninginn - 01.05.1979, Page 32

Adolf Ólafsson:
PERFORMANS
Lok opnast og sést ofan í hvítgljáandi keilu. Neðst
er kringlótt vatnsmagn sem gerir spegilmynd af öllu að
ofan. Nú sést á speglinum andlit sem horfir upp og tvær
hendur sem fást við hönnun. Nú er hún öll og árangur-
inn birtist milli handanna: ílangur hlutur. Nú hverfur
önnur höndin, en hin hannar hlutinn út yfir keiluna og
stöðvast þar. Þumalfmgurogvísifingurhaldaumhverf-
is hlutinn, en þrir fingur eru lausir undir hlutnum, séð í
kringlóttum vatnsspeglinum. Örstund. Nú tekur að
berast af hlutnum gruggugur vökvi af mikilli orku í
mjórri órofinni keðjuverkun. Gulleitur vökvinn fossar
ofan á kringlótt vatnsyfirborðið og gárar spegilmynd-
ina neðst í skálinni. Hlutur og andlit afmyndast og
renna út í froðukennt öldugjálfur. Rennandi vatnsniður
bergmálar um hvítgljáandi keilumyndað innhvolfið.
Dágóð stund. Streymið hægir á sér og stöðvast.
Niðurinn hjaðnar og kyrrist. Kringlótt yfirborðið slétt-
ist og spegillinn kemur í ljós. Báðar hendurnar hanna
hlutinn brott. Vatnsstreymi hefst út úr keilunni inn-
vortis allt í kring. Drynjandi kveður við. Soghljóð
vatnsmagns verður um stund. Loki er skellt ofan á
hljóðið og sogið og nú verður hlé. Undir lokinu sléttist
hreint vatnsyfirborðið að nýju og speglar lokið yfir.
32