Dagblaðið Vísir - DV - 29.04.2016, Blaðsíða 11

Helgarblað 29. apríl–2. maí 2016 Fréttir 11
Hentar vel í matargerð, ofan á brauð, til að poppa popp,
í baksturinn, í þeytinginn, á húðina eða til inntöku.
byltingarkennt að túlka meistaraverk
hans á svo nýstárlegan hátt.
Skilaboð í verkum da Vinci,
Botticelli og Raphael
Giancarlo vill meina að hinn Guð-
dómlegi gleðileikur sé leiðarvísir
með földum skilaboðum sem vísi á
stað á Íslandi, nánar tiltekið á árfar-
veg á Kili, þar sem óskilgreind verð-
mæti eru falin. Kenningin byggist á
því að í bréfum Dante til vina sinna
tekur hann fram varðandi meistara-
verk sitt að þar sé á ferðinni leiðar-
vísir úr tölum og orðum.
Engar tölur er hins vegar að finna
í texta Gleðileiksins og því settist
Giancarlo niður og fann út flókin
töluleg skilaboð sem studdust við
línutal og staðsetningu áhrifaorða
í línu. Þannig fann hann út orðið
Tule sem og tilteknar breiddargráð-
ur sem vísa að hans mati aðeins á
einn mögulegan stað, til Íslands.
Um mikið verk var að ræða og oft
á vegferðinni efaðist ítalski stærð-
fræðingurinn. Það var ekki fyrr
en að hann byrjaði að skoða mál-
verk meistara endurreisnarinnar,
Leonardo da Vinci, Sandro Botticelli
og Raphael að hann sannfærðist
endanlega. Í verkunum má nefni-
lega finna ýmsar tilvísanir í Dante og
vísbendingar um að eitthvað mikil-
vægt tengist árfarveginum íslenska.
Dante-klúbburinn ekki hrifinn
Kenningar Giancarlo eru að mörgu
leyti umdeildar enda er hinn Guð-
dómlegi gleðileikur á slíkum stalli í
heimalandi hans að ekki er endilega
vel séð að túlka verkið með slíkum
byltingarkenndum hætti. Sagan segir
að Giancarlo hafi borið kenninguna
undir formann Dante-klúbbsins í
heimaborg sinni, en rétt er að geta
þess að af slíkum klúbbum státa allar
almennilegar heimsborgir.
Sá var nokkuð hrifinn af kenn-
ingunni og fannst hún í raun svo
athyglisverð að hann taldi hana
eiga erindi til sem flestra áhuga-
manna um Dante. Skömmu síð-
ar hafði hann hins vegar samband
við Giancarlo og tjáði honum að
hann gæti ekki talað hans máli, aðrir
klúbbfélagar hefðu gjörsamlega
þvertekið fyrir það.
Hermenn Snorra Sturlusonar
Giancarlo var þó ekki af baki dottinn
varðandi tengingu Dante við Ísland
og fyrir hreina tilviljun komst hann
í samband við Þórarin Þórarins son
arkitekt. Þórarinn er mikill áhuga-
maður um Íslendingasögurnar og
þegar hann hafði hlustað á kenn-
ingar Ítalans benti hann á atriði í
Sturlungu sem hafði oft valdið hon-
um heilabrotum. Í einum kafla
bókmenntaverksins segir orðrétt:
„ Eftir þetta fjölmenntu mjög hvorir
tveggja til alþingis. Snorri lét gera
búð þá upp frá Lögréttu er hann
kallaði Grýlu. Snorri reið upp með
sex hundruð manna og voru átta
tigir Austmanna í flokki hans al-
skjaldaðir“.
Þessi fullyrðing er athyglisverð
í ljósi þess að Snorri hafði aldrei
farið til útlanda og ekki einu sinni
Noregskonungur hafði haft burði til
þess að senda hermenn til landsins
þrátt fyrir að fylgjast vel með gangi
mála hérlendis á þessum málum.
Hvernig í ósköpunum fékk hann til
liðs við sig 80 manna, albúið herlið
útlendinga?
Óhætt er að segja að Giancarlo
hafi orðið spenntur yfir þessum upp-
lýsingum. Atburðirnir, sem lýst er í
Sturlungu, eiga að hafa átt sér stað
árið 1217 sem passar fullkomlega
inn í kenningar
Giancarlo um
musterisriddar-
ana. Sagan segir
að árið 1125 hafi
fyrstu musteris-
riddararnir fundið
eitthvað mikilvægt í Jerúsalem.
Hugsanlega forna muni og skráðar
heimildir sem tengdust
hinum raunverulegu
viðfangsefnum og sögu
elstu kristni. Sönnunar-
gögnin voru falin og
varðveitt í Frakklandi í
tæpa öld en árið 1209
var orðið svo róstusamt
í Evrópu að ákveðið
var að flytja fjársjóð-
inn á öruggan stað,
sá staður að mati
Giancarlo, er Ís-
land.
Staðarhættir
passa við
Gleðileikinn
Flest sumur síðan
2004 hafa Giancarlo og Þórarinn far-
ið ásamt hópi vaskra manna upp á
Kjöl að leita að vísbendingum
um fjársjóð musterisriddar-
anna. Einn af þeim var
dr. Vigfús Magnússon,
sem lést í fyrra, en
hann hafði tekið
þátt í verkefninu
frá upphafi. Ann-
ar þátttakandi
er leiðsögu-
maðurinn Gísli
Ólafur Pétursson
en hann heldur
einnig úti athyglis-
verðri síðu, GÓP-fréttir þar
sem rannsóknir Giancarlo eru raktar
og þessi samantekt byggir á. Leitin
hefur ekki verið til einskis því í gegn-
um árin hafa margar athyglisverðar
uppgötvanir verið gerðar sem styðja
við kenninguna.
Sú fyrsta var einfaldlega sú að all-
ir staðarhættir passa við lýsingar
„Þetta
gætu
allt eins verið
andleg skilaboð
„Snorri reið
upp með
sex hundruð
manna
Musterisriddarar? Í Sturlungu er
minnst á hóp 80 hermanna í fullum
skrúða sem eru af erlendu bergi brotnir.
Hvaða menn þetta voru hefur lengi valdið
áhugamönnum heilabrotum. Hverjir voru
þessir menn? Giancarlo Gianazza telur að
um musterisriddara hafi verið að ræða.
Vísbendingar Á frægri mynd Sandro Botticelli „Jómfrú og barn með dýrlingum“ (e. Virgin
and Child with Saints) má sjá Jóhannes skírara, í rauðum klæðum, við hásæti jómfrúarinnar.
Hægri hönd dýrlingsins vísar á áletrun undir hásætinu. „Vergine Madre, figlia del tuo figlio“
sem er fyrsta setningin í Gleðileik Dante. Á sama tíma horfir Jóhannes á hlut sem er í lófa
Mikaels erkiengils. Um er að ræða hnattlíkan af jörðinni en þar má greina útlínur lands
sem Giancarlo telur að sé Ísland. Í miðju landinu má sjá teiknaða línu sem er keimlík lögun
árfarvegarins þar sem talið er að fjársjóður musterisriddaranna sé falinn.