Dagblaðið Vísir - DV - 22.07.2016, Blaðsíða 26
Helgarblað 22.–25. júlí 20166 Verslunarmannahelgin - Kynningarblað
E
dinborgarhúsið er sögufrægt
hús á Ísafirði og er í dag rekið
sem tónlistarhús og veitinga-
staður. Húsið er staðsett að
Aðalstræti 7 á Ísafirði en það
reis árið 1907. Það voru Skotar og Ís-
lendingar sem byggðu húsið í sam-
einingu á sínum tíma. Kom þar meðal
annars við sögu Ásgeirsverslun en
húsið þjónaði sem innflutnings- og
útflutningsmiðstöð fyrir svæðið.
Árið 2007 var Edinborgarhúsið síð-
an endurreist sem tónlistarhús og
veitingastaður. Bræðurnir Sigurð-
ur Arnfjörð og Guðmundur Helgi
Helgasynir keyptu síðan staðinn árið
2012 og hafa því rekið hann í rúm-
lega fjögur ár. Þeir bræður reka líka
Gistiheimilið á Núpi í Dýrafirði og
hafa gert það undanfarin níu ár, auk
þess sem þeir eru skráðir vertar í Fé-
lagsheimilinu í Bolungarvík.
„Edinborgarhúsið er Harpa okkar
Vestfirðinga,“ segir Sigurður í sam-
tali við DV en Vestfirðingum þykir
gaman að sækja tónleika og njóta
veitinga í þessu glæsilega og virðu-
lega húsi.
Að sögn Sigurðar eru fiskréttirnir
vinsælastir á veitingastaðnum. „Lík-
lega er það tenging við miðin þegar
fólk er komið hingað vestur,“ segir
Sigurður. Hann segir þó að Edinborg
flokkist ekki sem sjávarréttastaður
heldur sem bistró en það felur í sér
fljótari afgreiðslu. „Við erum í reynd
með alla flóruna: salöt, pastarétti,
súpur, hamborgara, samlokur, kjöt-
og fiskrétti. Það á hver og einn
að geta fundið eitthvað sitt
hæfi.“
Stórdansleikir um helgina
Sigurður segir að viðskiptin
stóraukist um verslunarmanna-
helgina. „Það er svo mikið af
fólki í bænum og allir þurfa að
borða. Við höfum auk þess verið
með samning við Mýrarboltann
um að við sjáum um dansleikina
fyrir þá og hér eru stórdansleikir
föstudags-, laugardags- og
sunnudagskvöld. Dansleikirnir
hefjast kl. 12 á miðnætti og
standa til kl. 4 um nóttina. Á
föstudagskvöld eru það Aron
Can, Erpur og Steinar; þetta er
svona DJ-bræðingur. Á laugar-
dagskvöldið er það sveitaball í
umsjón Stuðlabandsins. Síðan
er það diskódrottningin og stuðbolt-
inn Páll Óskar sem heldur uppi fjör-
inu og setur lokahnykkinn á þetta á
sunnudagskvöldið.“
Sigurður segir að bæði kostnaður
og tekjur yfir verslunarmanna-
helgina séu á allt öðru stigi en vana-
lega í rekstrinum. Það muni svo
sannarlega um 700 manna böll þrjú
kvöld í röð en starfsfólki fjölgar líka
mjög mikið yfir helgina.
„Það eru til dæmis tíu dyraverðir
í vinnu hjá okkur bræðrum um
helgina, tíu barþjónar, fimm manns í
eldhúsi og fimm í sal. Þannig að það
eru 30 manns að vinna um helgina
bara á þessum eina veitingastað.
Þessa einu helgi erum við að borga
milljónir í laun. Auk þess má telja
skemmtikraftana sem eiginlega
starfsmenn okkar um helgina og
þeir verða vitanlega að fá sitt.“
Edinborg er því gott dæmi um
hvað allt verður stærra í sniðum á
Ísafirði um verslunarmannahelgina.
„Það er gríðarlega mikilvægt fyrir
svona lítið bæjarfélag að fá svona
mikla innspýtingu,“ segir Sigurður
að lokum, hæstánægður með þann
gífurlega fjölda gesta sem streymir
til Ísafjarðar um verslunarmanna-
helgina. n
Dansleikir Mýrarboltans
í sögufrægu húsi
Edinborg, Ísafirði