Dagblaðið Vísir - DV - 26.07.2016, Page 2

Vikublað 26.–28. júlí 20162 Fréttir
Hreinsun á
jakkafötum
3.160 kr.
Hringbraut 119 - s: 562 7740 - Erum á Facebook
Opið
Virka daga
08:30-18:00
laugardaga
11:00-13:00
s: 426 5000 - booking@bbkefairport.is - bbkeflavik.com
Ertu að ferðast í haust?
Við geymum bílinn frítt, keyrum þig á
flugvöllinn og sækjum þig við heimkomu
Láttu fara
vel um þig
nóttina fyrir
eða eftir flug
og gistu hjá
okkur
Ný rúm frá RB
rúm
Íhugar að bjóða upp á
„Óvissupizzu Franks“
n Eigandi Gömlu Smiðjunnar glímir sjálfur við erfiðan leigusala n Sighvatur ekki enn stigið fram
V
iðskiptavinurinn nýtur
alltaf vafans hjá Gömlu
Smiðjunni. Það er mjög
auðvelt að gera mistök
þegar pítsur eru bakaðar
en síðan ég keypti staðinn fyrir
tveimur mánuðum þá hef ég ekki
orðið var við að mikið sé um kvart-
anir vegna slíks. Ef það gerist þá
komum við að sjálfsögðu til móts
við viðskiptavininn,“ segir Sverrir
Einar Eiríksson, eigandi pítsu-
staðarins Gömlu Smiðjunnar sem
skaust svo sannarlega fram á sjón-
arsviðið um helgina þegar óborg-
anleg samskipti hans og við-
skiptavinarins Franks Cassata litu
dagsins ljós á samskiptamiðlum.
Frank Cassata kvartaði á Facebook-
síðu fyrirtækisins yfir að pöntun
hans á flatböku hefði verið afgreidd
á rangan hátt en fékk eftirfarandi
svar til baka, nokkru síðar: „Leiðin-
legt að heyra Sighvatur, vona að
pizzurnar hafi verið góðar. Fyrst
ég er með þig hérna á línunni þá
þætti mér vænt um ef þú borgaðir
leiguna fyrir Vatnsnesveg 5.“
Sama eftirnafn og Sighvatur
„Þessi tiltekni viðskiptavinur er
með sama eftirnafn og hinn um-
talaði Sighvatur og þetta rann ein-
faldlega saman hjá mér,“ segir
Sverrir sem segist ekki leggja í vana
sinn að rukka viðskiptavini pítsu-
staðarins um leigu. „Ég stóðst ekki
mátið að svara og ég sé ekki eft-
ir því enda held ég að megnið af
fólki hafi haft gaman af þessu. Ein-
hverjir voru sárir og ég vona að þeir
jafni sig en mér þótti afar vænt um
að lesa hversu margir hrósuðu píts-
unum okkar,“ segir Sverrir. Að hans
sögn bauð hann Frank þá þegar
tvær ókeypis pítsur eftir að hann
áttaði sig á viðskiptunum en það
hafi hann ekki sætt sig við og kvaðst
hættur viðskiptum við staðinn. „Ég
sá það á samskiptasögunni við fyrri
eiganda að hann hafði nokkrum
sinnum hótað að hætta viðskipt-
um en alltaf komið aftur. Það sýnir
að pítsurnar okkar eru ómótstæði-
legar,“ segir Sverrir og hlær.
Erfiður leigusali og
„Óvissupizza Franks“
Eins og áður segir fóru samskipti
Franks og Sverris víða á samsfé-
lagsmiðlum og sýndist sitt hverjum
um tilþrif eiganda Gömlu Smiðj-
unnar, sérstaklega þá staðreynd að
Sverrir hélt því fram að Frank legði
í vana sinn að kvarta yfir rangri af-
greiðslu til þess að fá ókeypis flat-
böku. Vísaði Frank því algjörlega á
bug og bað Sverri um að leggja frá
sér lyklaborðið. Margir sem fylgd-
ust með samskiptunum af kost-
gæfni töluðu um slys í almanna-
tengslum og að eigandinn hafi
skemmt fyrir eigin rekstri. „Dagur-
inn eftir að þetta kom var sá sölu-
hæsti síðan ég keypti reksturinn.
Hann gengur afar vel en ég tók við
erfiðu búi, meðal annars óhag-
stæðum leigusamningi og erfiðum
leigusala,“ segir Sverrir og skelli-
hlær.
Hann vill þó ólmur rétta Frank
sáttarhönd og horfa fram á veginn.
„Ég legg til að Frank hætti þess-
um æsingi og komi bara til okkar
og fái sér gómsæta eldbakaða flat-
böku. Það væri mér sönn ánægja að
hitta hann og taka utan um hann.
Ef hann setur sig ekki upp á móti
því þá ætlum við að bjóða upp á
„Óvissupizzu Franks“ á matseðli
okkar. Það yrði þá „random“ pítsa
af matseðli og kannski önnur hver
pítsa frí,“ segir Sverrir og hlær dátt.
Ekki náðist í Frank Cassata við
vinnslu fréttarinnar. n
Björn Þorfinnsson
bjornth@dv.is
Gamla Smiðjan Eigandi staðarins íhugar að bjóða upp á „Óvissupizzu Franks“ eftir að
óborganleg samskipti hans og óánægðs viðskiptavinar komu fram í dagsljósið.
„Ef hann setur sig
ekki upp á móti
því þá ætlum við að
bjóða upp á „Óvissupizzu
Franks“ á matseðli okkar.